مساعدة قانونية لعمل مطعم و مقهي انترنت و السوني

[Watcher]

الاساتذة المحامين الكرام
السلام عليكم

اخواني ارجو الافادة بكيفية انشاء مؤسسة فردية (اوشركة ايهما اصلح) في مجال مطعم و مقهي انترنت و السوني (بلاي ستسشن) بدون شيشة وشنو الشروط والعقبات.
من حيث التراخيص والموافقات والاماكن المصرح بها عشان انا سمعت ان لازم تكون منطقة تجارية و هل يصلح سرداب بناية سكنية لمثل هذا النشاط

ولكم جزيل الشكر.

 

[fayoona74]

سبق وناقشنا مثل موضوعك
مشروعك يبيله ترخيص مكان من البلدية ورخصة من التجارة ورحصة للاسم وتفتح بعدها ملف من الشئون للعمالة وتسوي اشهار بعد ماتسوي عقد التاسيس بالعدل بعدها تسجل بالبطاقة المدنية
وبعدها تسوي اعتماد توقيع من غرفة تجارة وصناعة الكويت وهذا باختصار

 

[Watcher]

زين اختي فيونة
اول شي مشكورة وايد عالافادة
بس اول هذا المشروع في له تراخيص ولا موقوفة و اذا سرداب في بناية سكنية يصير ولا ما يرخصون السراديب السكنية لمشروع تجاري

و مشكورة مرة ثانية

 

[fayoona74]

موضوع وقف التراخيص من عدمه تقدر تراجع فيه وزارة التجارة واهم يفيدونك اذا موقوفة او لا
وموضوع السرداب تراجع فيه البلدية يفيدونك لان اختصاصهم
لان باختصار هذي امور اجرائية اما من الناحية القانونية عشان تفتح مشروعك تحتاج لترخيص المكان من البلدية وترخيص تجاري للمشروع من التجارة وبعدها ترخص الاسم وتسوي اشهار وتسجل بالبطاقة المدنية وتفتح ملف عمالة بالشئون