ماهي توقعاتكم لسهم الاسماك؟

[سبع الاجل]

سهم الاسماك قاعد يمشي عكس السوق
مايثبت علي سعر يا فوق ياتحت
وصل قبل اسبوعين الي سعر 238 فلي وبعدها باسبوع نزل الي 210 واليوم وصل الي 228 واقفل علي 224 فلس
شنو توقعاتكم عن هلسهم ؟
هل راح يواصل صعودة ام العكس؟

 

[خبير الاجل]

سبحان الله يا سبع الاجل تتكلم عن الخليجيات بسلبيه رغم ارباحهم الكبيره

وتبي راي في سهم خسران! عجبا

 

[بوعنتر]

الاسماك يعني خسرانه ؟؟؟
من اقوى التوزيعات لعام مقارنه بالسعر كانت الاسماك

 

[boalons]

اخوي بوعنتر

صحيح ان توزيعها كان قوي بس من وين جابت الارباح !!!

بهالموضوع راح تشوف تفاصيل ارباح الاسماك للثلاث سنوات السابقه ...

http://www.indexsignal.com/vb/showthread.php?t=17340

 

[بوعنتر]

اتفق معاك اخوي boalons بس لو تقارنها مع الدواجن ومع الكيبل سعرها رخيص على الاقل الاسماك عندها جم فلس ارباح تشغيليه
الباجي ماكو شي وخساير

 

[سبع الاجل]

يا ناس انتوا شفيكم جم مرة اقولكم ان ارباح شركة الاسماك بالربع الثالث راح تكون مفاجئة وراح تكون فوق ال 27 فلس ( احتمال 30 فلس )

وارباحها تشغيلية 100% واغلب ارباحها هي من شركة سدافكو لان شركة سدافكو وزعت ارباح علي الاسماك حوالي 4 مليون دينار كويتي وتقدر هلارباح بربحية حوالي 26.5 فلس للسهم الواحد للاسماك
وهذا هو الخبر الي كتبتة اكثر من مليون مرة ( خبر رسمي ) من موقع المركز الشرقي للاستشارات ( بعد شتبون اكثر من جذي) شركة سعرها 220 فلس وارباحها 30 فلس و كلها تشغيلية
والاخ الحبيب خبير الاجل يقولي خسرانة مادري من وين ياب الخسارة
ارباح الاسماك بالنصف الاول اكثر من 2 فلس شلون يات الخسارة؟؟؟؟؟؟
وهذا هو الخبر مال سدافكو


6/22/2004 : الأسماك تحصل على أرباح من سدافكو
حصلت شركة الأسماك الكويتية على أرباح من الشركة السعودية للألبان سدافكو والتي تملك فيها 49% بمقدار 3,920 مليون دك. وتبلغ ربحية السهم الواحد نحو 26.5 فلس تقريبا.



وهذا خبر ثاني ان تحقق فانة سوف يدر ربح صافي للاسماك يقدر اكثر من 300 فلس للسهم

8/28/2004 : الأسماك قد تحقق 45 مليون دك من إدراج سدافكو
أوردت جريدة الرأي العام أن شركة الأسماك الكويتية المتحدة قد تحقق 45 مليون دك من عملية إدراج الشركة السعودية للألبان سدافكو في سوق السعودية للأوراق المالية، حيث تملك الأسماك 49% من رأسمال سدافكو.



وهذا خبر ثالث هم بعد يزيد من ربحية الاسماك الي تقول عنها خسرانة يا خبير الاجل


/24/2004 : الأسماك تواصل نشاطها
أوردت جريدة الوطن أن شركة الأسماك الكويتية المتحدة قد باشرت الصيد في المياه الدولية، إضافة إلى مباشرتها الصيد في المياه المحلية فور السماح لها من الجهات الرسمية في الكويت.
8/2/2004 : الأسماك تبيع جزءا من قطاع الإنتاج
أوردت جريدة القبس أن شركة الأسماك المتحدة الكويتية تدرس بيع جزء من حصتها في قطاع الإنتاج في الربع الأخير من العام الجاري



والحين يا خبير الاجل كونك انت خبير مثل اسمك بعد كل هلاخبار الرسمية لي الحين انت مشكك في سهم الاسماك

وخاصتا بعد ما عرفت ان ارباحة لغاية الربع الثالث بحدود 30 فلس؟؟؟؟