الي كان موظف ونفصل يدخل يفيدني

[ابـو عادل]

اسعد الله اوقاتكم بكل خير حبيت اسال الموظف اذا كان يشتغل في احد الوزاراة ونفصل وشهادته متوسط معي دوره بالتطبيقي سنتين واعزب يصير عليه عقاب ومايتوظف بسرعه يعني اعطيكم مثال انا اول ماسجل بالديوان بعد 6 شهور توظفت ونفصلت بسبب غيابي عن العمل وسجلت امس بالديوان تتوقعون اتوظف خلال 6 شهور مثل قبل او يعاقبوني ماتوظف الي بعد 3 سنوات ....؟

 

[بلاع البيزة]

اذا كان الفصل بسبب الغياب اكثر من 15 يوم متصله هذا مو عقاب ، هذي استقاله ، ويتم التعيين بعد مرور سنه . ممكن يرشحك الديوان بس لن يتم التعيين الا بعد سنه من تاريخ الاستقاله .

 

[فـــهــد]

وشحقة ماتداوم بدال القعده والرباده وتبي يوظفونك بسرعه من الاول احفظ ماي وجهك

وداوم او اخذ اجازة لو عندك شيء مهم جدا حاول تغير من طبيعة حياتك

عشان ماترد حليمة لعادتها القديم وتصير حلومة .......

 

[بومصعب]

اخوي اذا موضوع فصلك مو قديم ممكن تكتب كتاب للوزير او الوكيل تطلب اعادة التوظيف مع كلام من اعتذار وتعهد بعدم التكرار واذا فيه واسطة ابشر بسعدك والله يعينك

 

[ابـو عادل]

علي راسي من فوق والله يابو مصعب مشكور وجزاك الله خير لاكن الفصل شهر 12 وماتوقع يرجعوني لانه اوراقي طلعت من التامينات والوزارة

 

[خلادين]

لازم يكون لك سنه من تايخ فصلك
لو استقاله كان تتوظف من باجر عادي

 

[الحــــــــايره]

الله يعينك
كثر من الاستغفار
والله يسهلها عليك

 

[ابوهايف]

اخوي شوف اكتب كتاب استرحام ترجع على طول حتى لو سحبت اوراقك واذا عندك واسطه ترجع على طول او ... او تزوج مجرد تكتب كتابك يعنى تملج يردونك الديوان

 

[مايرزني نكـ]

اقرب مالك ادور لك واسطة اقسم لك بالله من ثاني يوم الا انت متوظف ..

ترى السالفة تستاهل حب خشوم .. هذي وظيفة مو اي شي .. مستقبل

 

[ابـو عادل]

شباب كل الي طالبه انه احد يقدم اسمي بالديوان يعني يخلي رقمي 10 او 11 عشان وقتها اقدر اخذ كتاب ترشيح