شركة زين تبيع بلاك بيرى8900 ب90 دينار

[ABo al-Noor]

مثل العنوان فوق

اليوم كنت بالافنيوس وزين عندها عرض بلاك بيرى 8900 ب 90 دينار

والبولد 145 دينار

بدت حرب البلاك بيري بين الشركات

هههههههههه

اهم شي نحن المستفيدون

 

[انسان طموح]

كان 99 الكيرف .. والبولد كان 135
بس معاه عقد لمده سنه .. بجم العقد

 

[KuWaiT DriFT]

العقد ب 14 دينار محلي و 17 دولي يعني تشبك برا الكويت بس مردك بتدفع زياده لأن في لمت معين أعتقد 1 قيقا من تخلص يحسب عليك فلس على كل كيلو بايت و 6 فلوس على كل كيلو بايت اذا كان دولي

و المساحة الدولية 10 ميقا مو 1 قيقا يعني صايدينك صايدينك و مدفعينك أكثر من سعر الجهااز بالمحلات

و انا انصح اللي يبي , يروح يوريكا او الكتروزان انا ربعي ماخذين من يوريكا و الكتروزان و يفضلون الكتروزان لأن ما يطول لمن يسولك أبديت تاخذه بنفس الوقت و ابلاش اما يوريكا ودااه صاحبنا العصر استلمه بليل و جنه دفعلهم 5 دنانير !!

و ديرو بالكم من العقود السنوية *

 

[الهاب]

مشكوووورين اخواني على النصايح
والي ما يطيع يضيع

 

[النسور الجارحة]

بالتوفيق ان شاء الله

 

[net1]

والله يا شباب اتمنى من الى عنده خبره بل بلاك بيري بكل انوعه يعطينا شويه معلومات علشان انا بصراحه مفكر اخذ واحد بس ماعرف شنو الفرق بينهم واي وايهوو الزين

واساسا البلاك بيري شنو الميزه الى فيه عن باجي التلفونات