شغله محيرتني واتمنى من الاعضاء التفاعل ومن المشرفين الحل

[cherish]

السلام عليكم اخواني وخواتي

صراحة انا لاحظت شي بالمنتدى ومنتشر بكثره ومادري اذا انتوا ملاحظين .. مادري ليش بعض الناس الله يهديهم عندهم كسر الحلال عادة او طبع؟؟!!

يعني يدخل على الموضوع بدال مايقول كلمه طيبه لازم انا شايف هالبضاعه بهالسعر وعند هالمكان ارخص وترا اللاب ضعيف الصوت مو شي وفيه مشاكل وغيره وغيره من هالكلام .. صحيح ان يمكن يكون قصده خير .. بس للاسف ما يدرى ان بهالكلمه يكسر حلال ناس اتعبت و شرت و تبي اتبيع .. بغض النظر اذا كان البايع نصاب مو نصاب يقول الصج او ما يقول الصج .. يعني اعتقد ان معظم اعضاء المنتدى ناس فاهمه و عارفه وغير ان الكل يقدر يسال عن الجهاز و مواصفاته و اداءه قبل الشراء و غير ان الناس الحين مو مثل قبل ماتعرف شنو لابتوب والا شنو الجهاز الحين الكبير و الصغير صارت عندهم خبره او على الاقل يعرف من لديه الخبره عشان يسال ويستفسر .. والله اخواني و خواتي هالناس اللي تكسر بالحلال لو يحط موضوع و دش قوله ترا السعر غالي والا انا شفته بهالسعر والله ياكلك !!! لوول

اخواني السوامة والشرايه تكفون لحد يكسر بحلال الثاني واذا في كلام قوله على الخاص .. ولا ترضى لغيرك اللي ما ترضاه لنفسك

اخواني البايعين الرجاء المصداقيه والامانه لان اكو رب فوقكم يحاسبكم

واخواني المشرفين ياريت بس اتشوفون حل لهالشغله على الاقل اتحررون المشاركات اتشيلونها

وللجميع مني كل احترام و تقدير

اختكم cherish

 

[yh7yh]

اختي هذول اكثرهم شرطيه وشغالين بسوق جبد ومايخافون الله

قطع الاعناق ولا قطع الارزاق

 

[تاجر 2008]

شبكة الانترنت يدخلها الجميع ( منهم المجنون ومنهم الطفل ومنهم غير السوي عقليا )

فتجدين الناس العاقله والكبار ما يطلع منها هالامور

واحيانا تحصلين الجهاز واصل سعر ايي واحد يسوم اقل من السومه شنو احنا اغبياء نبيع بالنازل او نصابين قدامك نسوم ولا نلتزم بسومتنا علشاان حضرتك تحط سومه اقل

الحل بيدنا اختي

انه ان شفنا عينه من هالعينات نرسل لها خاص ونقدها علي نفسها ونبين لها هالتصرف غلط للاسباب التاليه

بس نقطعه اخيره وحطوا تحتها عشر خطوط حمر

بنفس الوقت في ناس تكسر بالحلال

في ناس تبي حلالها اغلا من الجديد

يعني واحد يحط لاب توب سعره جديد ب 190

والاخ طالب فيه 220

شلون يبا سعره يديد اقل من سعرك وتصير سوالف

يعني ياريت الواb

 

[malek]

أخوي أنا شاري لاب توب ب429 قبل سنه وعرضته وبعته لأني مضطر بعدما كسروا عظامي
واللي يسوم 40 واللي 50
وأنت رايح
ومثل ماأنت شايف على مستوى البورصه أسهم بالدينار إلى 17 فلس وال20 فلس والكل شايف وعارف
تكسير عظام

 

[cherish]

اختي هذول اكثرهم شرطيه وشغالين بسوق جبد ومايخافون الله

قطع الاعناق ولا قطع الارزاق

الله يعينا عليهم صراحة شبعنا من ناس هاذي نوعيتهم

 

[cherish]

شبكة الانترنت يدخلها الجميع ( منهم المجنون ومنهم الطفل ومنهم غير السوي عقليا )

فتجدين الناس العاقله والكبار ما يطلع منها هالامور

واحيانا تحصلين الجهاز واصل سعر ايي واحد يسوم اقل من السومه شنو احنا اغبياء نبيع بالنازل او نصابين قدامك نسوم ولا نلتزم بسومتنا علشاان حضرتك تحط سومه اقل

الحل بيدنا اختي

انه ان شفنا عينه من هالعينات نرسل لها خاص ونقدها علي نفسها ونبين لها هالتصرف غلط للاسباب التاليه

بس نقطعه اخيره وحطوا تحتها عشر خطوط حمر

بنفس الوقت في ناس تكسر بالحلال

في ناس تبي حلالها اغلا من الجديد

يعني واحد يحط لاب توب سعره جديد ب 190

والاخ طالب فيه 220

شلون يبا سعره يديد اقل من سعرك وتصير سوالف

يعني ياريت الواb

والله اتمنى بس ماكو فايدة انك اتدز على الخاص لانه ما راح يهتم للاسف .. وبالنسبه اللي يبي بضاعته اكثر من السوق كيفه محد مغصوب يشتري .. و صدقني مرده ببيع بسعر السوق يعني اذا حس ان الناس فاهمة وعارفه ومحد قاعد يزيد مضطر يبيع بسعر السوق و اقل منه بعد .. يعني ماله داعي واحد يدش موضوعه و يكسر حلاله مو حلوة .. والزرق بيد رب العالمين مو بيدنا وشاكرة لك

 

[cherish]

أخوي أنا شاري لاب توب ب429 قبل سنه وعرضته وبعته لأني مضطر بعدما كسروا عظامي
واللي يسوم 40 واللي 50
وأنت رايح
ومثل ماأنت شايف على مستوى البورصه أسهم بالدينار إلى 17 فلس وال20 فلس والكل شايف وعارف
تكسير عظام

الله يعينك اخوي واخذها مني كلمه الرازق بالسما سبحانه واذا كتبلك ينباع بسعر بييك اللي بيعطيك سعر و انت مرتاح ومشكوور على المشاركة

 

[cherish]

اخوي مضارب اسهم تم التصحيح و شاكرة لك وي عطيك العافية على المرور الكريم

 

[xnet]

الله يعينج
عيل ماشفي شي للحين
في ناس اخرب البيعه
وفي ناس رفع بالسوم وبعدين مارد على اللفون بوطناش
ولا الى اكلمه واواعده اخر شي جهازه مغلق مايرد عليك
والله ناس غريبه
امنى انه محد يخرب على احد بالبيعه ولا بالشروه خلي الكل يسرزق ويستفيد

 

[cherish]

•·.·°¯`·.·• (تسلم اخوي على المرور والمشاركة و ربي يعين الجميع ملينا ترا لوول .. المشكله لو ما الحيا اللي اشوفه يدش و يكسر اطلعله من اللابتوب ادبغه و ارد .. صارت معاي اشكثر اخوي بس ماعليه تعلمنا) •·.·°¯`·.·•

 

[باحث الانترنت]

انا كنت بقول مثل بو نرجس بس جزاه الله خير ماقصر مثل الموضوع مالى بس ماسويت رد من امس

لانى اخذت مخالفه بسبب هالنصح هذا يالله تعيش وتاخذ اشراف

وربي يوفق الجميع يااخوان ترا الدنيا زائله لا تغرك الفلوس ولا تضلم اخوك بسلعته

ربي يحفظكم وشكرا على الموضوع الرائع يا اختى العزيزه

 

[cherish]

تسلم على المرور اخوي ما قصرت

 

[x p e r t]

شكرا اختنا الفاضلة ... ملاحظة في محلها ... بارك الله فيكٍ ..
ولكن لا يسعنا الا ان نقول لهؤلاء ان الرزق بيد الله عز وجل وله الحمد والمنة بان حرم هؤلاء
سلطة توزيع الرزق ... وبهذا فليفرح المؤمنون.

 

[BO NASER]

السلام عليكم

مشاكل البيع والشراء كثيرة جدا ومن الصعب السيطره عليها بسهولة ولا يخفى عليكم ذلك

ومايحصل هنا يحصل في جميع منتديات البيع والشراء

والحل بيدكم

للبائع خيارين أما أن يحدد السعر الذي يرغب به أو يقبل بالمزاد حتى وصول السعر المطلوب

طبعا يكون السوم بالمعقول

ويجب على المشتري التأكد من سعر السلعة قبل شراؤها

التنويه مهم في حال تغيير الاسعار لافادة الاعضاء في المنتدى

والمواضيع متابعة باستمرار ونتمنى المساعدة من الاعضاء أيضا

الاعضاء الغير جادين والذين يتعمدون التخريب والذين لايلتزمون بالمزاد تتم محاسبتهم

والأرزاق على الله سبحانه وتعالى

وفي حال وجود شكوى أرجو أضافتها على الرابط التالي

http://www.indexsignal.com/vb/forumdisplay.php?f=50

وشكرا







​

 

[kwaity1978]

غرائب وعجائب

1- سومه قليله على شي يستاهل
2- سومه مرتفعه على شي ما يستاهل
3- يسوم وينسحب من السومه
4- يبي سعر شغلته مثل سعر المحل الي عنده اجار !! او مرات اكثر بعد
5- تشوف موضوع ما شاء الله سومات وخذ وهات ونفس الموضوع لواحد ثاني ما فيها ولا سومه الغريبه ليش !! اعتقد واضحه

زبدة الكلام

التجاره شطاره بس مو بالخداع

 

[the2nd]

ما شفتي شيء للحين



اللي يبيع لازم يكون صدره وسيع ويتحمل الكل ..ليش الناس فروق فردية ...فيهم الكبير والصغير ...والمجنون والصاحي ...الخ