مهم جداً لو تكرمتوو

[syassi]

السلام عليكم

يرجى الرد من محامي ملم بالقضية ويتكلم من سابق تجربة

أخواني ومرت ابوي رافضين البيع ( منزل سكن مشترك بين والدتي ومرت ابوي وخواني + عماره قديمة + استراحة ( ياخور ) فقط)

انا ووالدتي واشقائي الذكور الاربعه ( انا خامسهم ) + ثلاث بنات نبي نبيع

والرافضيم مرت ابوي واخواني السبعه + بنتين +ثلث بأسم احدهم واهو رافض معاهم البيع

لو فرضنا اني برفع قضية وابي اطالبهم بالبيع

1- الطريقة السليمة الي اسويها لمه ارفع القضية
2 في طرق اسويها عشان ما يقدرون التأخير وتتطويل فترة البيع بالمزاد
3- المدة الزمنية من تاريخ رفعي للقضية الى تاريخ البيع بالمزاد ؟
4 التكلفة تقريباً لمه اوكل محامي جيد ؟

شاكر لكم الاهتمام ويعطيكم العافيه

 

[rahaly]

اخي الكريم ..

لو كان العقار ملك ... ما كان فيه مشكلة

لكن الجاخور .. هو مستأجر من الدولة بعقد انتفاع .. والملكية للدولة ....
وبالتالي ... لا يجوز بيع حق الانتفاع ( الا في حالات معينة ) ولا ارى ان حالتكم احدها
وشوف عقدكم مع الدولة .. مكتوب فيه حالة وحدة بالتصرف .. هو اعادة العقار للدولة في حال عدم الاستعمال( الشخصي فقط)
ولا يجوز التصرف فيه باي نوع من انواع التصرفات

النصيحة ... حاولوا تخلصون ودي

اذا دخلتوا المحاكم .... عمرك ما تخلصون


موفق

 

[fayoona74]

سبق وانكتب بهالموضوع وصارت نقاشات عليه طبعا اقصد الملك المشاع للورثة اما املاك الدولة اتفق مع رحالي 100%
انظر الرابط
http://www.indexsignal.com/vb/showthread.php?t=166814

http://www.indexsignal.com/vb/showthread.php?t=160974

وقضايا المدني تكلفتها عالية عند محامي متمكن وانصحك تروح للي عندهم باع طويل بهالمجال لان المدني صعب مو كل من يتمكن منه ويعرفله في مكاتب بالكويت لها ثقل ومعروفة

 

[syassi]

الف شكر

شاكر لكم الرد والله يعطيكم العافيه

لو تتكرمون وتكملون جميلكم بجم سؤال

1- لو فرضنى تقديراً المدة سنة ؟ سنتين ؟ ثلاث ؟ لو رقم تقريبي منكم ؟

2- هل القضاة يعطلون واكو تأخير من الهناحية ؟

3 - جم تكلفة المكتب الكبير ولي عنده خبره على حسب نصيحتكم ؟

4- اذا في مجال تعطوني على الخاص اسامي محامين لهم باع بهالامور

والله يعطيكم العافيه

 

[fayoona74]

عزيزي عشان لاتضر غيرك ارفع دعوى فرز وتجنيب وبيع نصيبك العمارة اظن ينفع معاها الفرز وحاول تتفق معاهم وديا على الشي ويتوثق بعقد احسن لك من قضايا ومحاكم وشقاق بينكم كأقارب تجمعكم مودة ورحمة او اعرض عليهم يشترون نصيبك (تخارج) هم وديا وبعقد موثق مثل قضيتك تكاليف اتعباها مو شوي ممكن توصل لي 10000 اذا عند محامي معروف وممكن تاخذ وقت طويل اذا فيها استئناف وتاجيل من القاضي والله اعلم

 

[almatire]

اخي الكريم ..

لو كان العقار ملك ... ما كان فيه مشكلة

لكن الجاخور .. هو مستأجر من الدولة بعقد انتفاع .. والملكية للدولة ....
وبالتالي ... لا يجوز بيع حق الانتفاع ( الا في حالات معينة ) ولا ارى ان حالتكم احدها
وشوف عقدكم مع الدولة .. مكتوب فيه حالة وحدة بالتصرف .. هو اعادة العقار للدولة في حال عدم الاستعمال( الشخصي فقط)
ولا يجوز التصرف فيه باي نوع من انواع التصرفات

النصيحة ... حاولوا تخلصون ودي

اذا دخلتوا المحاكم .... عمرك ما تخلصون


كلام منطقي

 

[rahaly]

حبيبنا ... اي واحد من الورثة ممكن يطلب البيع

طبعا راح يكون بيع بالمزاد العلني ...
( مدري اذا كان البيت مطلوب للتسليف )

والقضية بكل تأكيد تاخذ وقت طويل .. ممكن يمتد الى سنتين(مجرد توقع .. وقد تطول المدة او تقصر)

هذا بالنسبة للبيت والبناية

اما الجاخور مثل ما قلتلك مشكلته مملوك للدولة


موفق
( بحسب مواجهة الخصوم واذا كانوا يماطلون بالخصومة)

 

[الـمـحـامـي]

القضية تأخذ وقت طويل من سنه ونصف الى سنتين تقريبأ
اذهب الى اقرب محامي الى سكنك او محامي معرفة . لاتخاف مافيها اي مشكله كل محامين الكويت ماره عليهم . الامر طبيعي جدأ . ليست من الامور الصعبه اخوي
==
اما اتعابها . تتراوح بين 2000 الى 2500 لاتتجاوز اكثر من هذا السعر . وممكن تقل شوي
والسعر مرتفعه على شان المدة طويلة