ضروري جدا ؟؟ الدراسة في البحرين والفلبين ؟؟

[وليد السعيدي]

السلام عليكم

ابي اسال اخواني المختصين بهذا الموضوووع ؟؟

انا ادرس في الفلبين واخوي يدرس في البحرين وكلنا درسنا قبل قانون ايقاف الاعتراااف في الفبلبين والبحرين .. انا واخووي اثنينا موظفين وطالعين بدون اجازات دراسيه ..

السؤال هو \\ كيف يتم الاعتراااف في شهاداتنا ، لازم نرفع قضيه على التعليم العالي وديوان الخدمة المدنية والا مو لازم ؟؟

 

[الـمـحـامـي]

العبره من التسجيل اخي الكريم... وقد سبق تم الرد على مثل هذه المواضيع
ولي كل حادث حديث انت كمل وبعدها اذا لم يعترف في الشهادة يجوز لك رفع دعوى ولكن مو اقل من سنتين الى ثلاث سنوات في المحاكم الى التمييز .... الله يوفقكم

 

[نبيها اخضر]

اعقلها وتوكل وان شاللة سهالات مو بس انت اكبرها واسمنها بالديرة حاليا يدرسون باهند والفلبين ومصر لو ان امورهم ماتمشى ما سجلو وهذى فرصة دش مع العالم واللة يوفقق من صادها عشى عيالة وانا اقول هذى فرصة حبيبى الكبارية وعيالهم طايحيلة من زمان على هالدول وعقب مافاحت ريحتهم اقطعو ارزاق المساكين اللة يقطع ارقابهم

 

[alfares]

كفووو يا نبيها اخضر والله ان كلامك صحيح لا وازيدك من الشعر قصايد جامعااتهم الخاصه اللي تقص ظهر البعير مو الفقير خسرت لأن اغلب الطلبه راحو هناك وخلوه جامعاتهم لهم بعضها يقولون طلع فيها فقع ( والعهده على الراوي ) اتغشمر
ولا كورس واحد من الفين الى ثلاثة آلاف دينار بتقاعد وانت ما سددت قروض الدراسه شنو ادرس او اتزوج او اشتري بيت او يبونا تحت رحمتهم اهم مع جامعاتهم
يا اخي شوف السعوديه جم جامعه حكوميه وقطر والبحرين
صديق من المملكه العربيه السعوديه يعمل موظف عسكري بالداخليه يدرس بالجامعه والتخصص لغه اسبانيه
قلت له شلون ودوامك
قال دوامي الصبح والجامعه في المساء يعني دراسه جامعيه ليلي يقول صاحبنا انه الموظفين يوفق بين عمله ودراسته سواء دراسة فترة الصبح ويكون عمله بعد العصر او العكس صحيح.

هذا التخطيط السليم مو ربعنا عسى ما يشوفونك موظف قالوا لك اقضب الباب ممنوع تدرس وانت موظف يا تستقيل من عملك او تنفصل من الدراسه اي شريعه او قانون او دستور في العالم القديم او الحديث يحرمك من حق من حقوقك المكتسبه الا وهي الدراسه وطلب العلم وانت موظف مع الاسف قرارات حسب المزاج ويفصلونها حسب طلبهم , لا وصرف اموال على محو الاميه ومراكز تعليم الكبار بالاخر يقولك انت موظف ما تدخل في الجامعه او احد معاهد التطبيقي ايه ليش خليتني اكمل دراستي واخذ الثانويه العامه؟؟؟

اخوي صاحب السؤال كمل دراستك والله يوفقك انشاءلله وربك ما ينسى عبده
اسف على الاطاله بس الموضوع مهم جدا وحيوي ويمس شريحه كبيره الناس.

 

[شيل و مشي]

اخواني تم بتاريح 25-5-2009 اصدار قرار عدم اعتماد شهادات الفلبين نهائيا ومصير 5000 طالب على المحك!! والغاء القرار اللي قبله بتاريخ 21-5-2009 والذي ينص "لاينطبق هذا القرار على الطلبة الملتحقين بالجامعات الفلبينية قبل تاريخ صدوره"
وهذا التعميم اللي نزل بالتعليم العاليhttp://www.mohe.edu.kw/moheweb/karaar/d198_2009.pdf

 

[الحريه وطن]

يا شباب ماكو قدامكم الا الاردن

 

[alfares]

بشرى ساره للأخوان اللي يدرسون في الجامعات اللي في الخارج ادخل في هذا الرابط

http://www.alwatan.com.kw/Default.aspx?tabid=204&article_id=511925

 

[q8-1]

شباب الفلبين الغو الاعتراف تاريخ 25-5-2009

وانا عندي ورقه من الجامعه بالقبول تاريخ 23-5-2009

وابي الحل

اروح الفلبين ولا اطنش

 

[fayoona74]

طنش

 

[q8-1]

هههههههههه


يعني اقوله لا يسافر ؟

 

[الفنجال]

سؤال قانوني حق الاستاذ المحامي ليش يمنع القانون في التطبيقي او الجامعه عدم جمع بين الوظيفه والدراسه وشنو السبب .وشنو موقع المحكم لو رفعة مثل هذه القضيه في رأيك وشكرا

 

[وليد السعيدي]

الله يعطيكم العافيه يا شباب ...


بس القرار بتاريخ 25/5/2009 وقف قبول الطلبة حتى حتى اللي دارسين من قبل القرار بسنه وسنتين .. استفساري هل وقف الطلبه القدامى قانوني والا لا ؟؟ واحنا اللي دارسين شنو مصيرنا ؟؟ نقدر نطالبهم بتعويض عن الخساير اللي خسرناها بالفلبين والا يقبلوون شهاداتنا ؟؟

الرجاء من الاخوه المحامين الرد على هذه الاسئلة ؟

 

[وليد السعيدي]

الله يعطيكم العافيه يا شباب ...


بس القرار بتاريخ 25/5/2009 وقف قبول الطلبة حتى حتى اللي دارسين من قبل القرار بسنه وسنتين .. استفساري هل وقف الطلبه القدامى قانوني والا لا ؟؟ واحنا اللي دارسين شنو مصيرنا ؟؟ نقدر نطالبهم بتعويض عن الخساير اللي خسرناها بالفلبين والا يقبلوون شهاداتنا ؟؟

الرجاء من الاخوه المحامين الرد على هذه الاسئلة ؟

نبي رد واضح من المحامين ؟؟

 

[نبيها اخضر]

الى بالجدر يطلعة الملاس وانا شاللة المحكمة تحكم مصالحكم وعسى اللة يسر اموركم ويوفقكم ويقطع رزق كل من حاول يشوة سمعتكم اوياول يقطع ارزاكم

 

[وليد السعيدي]

الى بالجدر يطلعة الملاس وانا شاللة المحكمة تحكم مصالحكم وعسى اللة يسر اموركم ويوفقكم ويقطع رزق كل من حاول يشوة سمعتكم اوياول يقطع ارزاكم

الله يجزاك خير على الدعوه الطيبه .. وياليت كل اعضاء المنتدى مثلك .. ويبطلوون هالحسد والغيره اللي حارقه قلوبهم عسى قلوبهم ما تطفى انشاءالله ..

 

[نبيها اخضر]

الله يجزاك خير على الدعوه الطيبه .. وياليت كل اعضاء المنتدى مثلك .. ويبطلوون هالحسد والغيره اللي حارقه قلوبهم عسى قلوبهم ما تطفى انشاءالله ..

اخوى السعيدى حنا مشكلتنا بهالديرة حسد وكراهية بعضنا بعض ومشكلة الثانية اكثر الى يحسدون الى اللة منعم عليهم هم وعيالهم ويحسدون الفقير على رزقة اللة يكفينا شرهم بس قادرين على اهل الديرة اما الوافدين يضحكون على شواربهم وياخذون الى بجيبهم مااقول الى مال البخيل ياكلة العيار

 

[وليد السعيدي]

اخوى السعيدى حنا مشكلتنا بهالديرة حسد وكراهية بعضنا بعض ومشكلة الثانية اكثر الى يحسدون الى اللة منعم عليهم هم وعيالهم ويحسدون الفقير على رزقة اللة يكفينا شرهم بس قادرين على اهل الديرة اما الوافدين يضحكون على شواربهم وياخذون الى بجيبهم مااقول الى مال البخيل ياكلة العيار

صح لسانك