اخوي ليش حرام مو لازم تداوم خل ما تداوم و تاخذ راتب , عاديه لا حرام ولا شي دام تشتغل نفس ما طلب منك صاحب العمل ....
مثلا
افرض يشغلونك تحت مسمى مندوب حيث وظيفتك تسوي دعاية للشركه وانت بالبيت ماله داعي تروح المقر مال الشركه حيث يكون شغلك كل شهر على الاقل قول حق اثنين من الناس الي تسولف وياهم عن الشركه ومنتاجتها .
ويقولك الاجر مقابل التعب و تنفيذ التعليمات و دام الشركه تبي وظيفتك فرضا بالشكل هذا وانت تنفذ يعني حلال ... حللت معاشك لان نفذت اوامر صاحب العمل و قمت بالعمل المطلوب منك
يعني هذا اسوي دعاية للشركة مو يعتبر شغل ؟ و المقابل لازم معاش و الشركه كيفها لو بتعطيني معاش 1000 على هالشغله محد يتدخل ولا اكبر راس من الهيكلة ....
اضربلك مثال . . . مثلا انا عندي موقع على الانترنت ... و عندي شركة انترنت
وانت بوظفك عندي
وظيفتك بس تدش منتديات من خلال بيتكم و تكتب معلومات عن شركتي + موقعي
مقابل هالعمل الي انت تسويه اعطيك اجر (انشالله اعطيك الف دينار كيفي )
يعني هالعمل حرام ليش انت قاعد بيتكم ؟ كافي انك نفذت كلامي و اديت الواجب المطلوب منك يعني حللت الي قاعد اعطيك ياه
عرفت الحين
مثال اخر : -
المدرس وظيفته التدريس ... لو درس حلل معاشه
الغسال يغسل ... لو غسل حلل معاشه
انت مثلا كل شهر على الاقل قول حق اثنين عن شركتي و منتجاتها ... لو قلت حللت معاشك
وبخصوص الاعتماد على راتب دعم العماله فقط .... حلال لأن الدوله حطت دعم العماله للتشجيع على العمل في القطاع الخاص ... بشرط ان يكون هناك و ظيفه و عمل يشتركان
وانت في الشركه تعتبر موظف اذا تحقق شرط الدولة الاول
و العمل انك اذا سولفت مع احد تقولهم عن الشركه و كل شهر اثنين كافي ... اذا تحقق الشرط الثاني لأن في عمل مطلوب ...
و انت نفذت العمل المطلوب منك من قبل صاحب العمل اذا حلال ... لان صاحب العمل حر يشوف ان بالطريقه هذي عمله ينشهر ... وانت قاعد تسوي الي يبيه ..
