ليش كل ما نقعد الصبح من 7 ساعات نوم هَـني ومتواصل... نمدد موعد القعدة ربع ساعة زيادة؟ هل الربع الساعة هي اللي بتريحنا؟!
ليش كل ما قعدنا مع الربع والا الأهل مدة يمكن تزيد عن 3 ساعات ... أول ما نقوم يقولون : وين رايح ... شدعوة ؟ تو الناس!
ليش احنا يالخليجيين .. طباخ الغدا ياخذ يمكن 3 أو 4 ساعات... واذا نجبوه و جابلناه ما نقعد أكثر من ربع ساعة ؟! لا ونصها سوالف!
بينما اخواننا بالبشرية ... الفرنسيين ... يطبخون الغدا في 30 دقيقة ... ويجابلونه على الطاولة ساعتين؟!
ليش كل ما دخل وقت الصلاة ورحنا المسجد.. اول ما تسلم تفز وتطلع من المسجد.... العذر: والله مستعيل وراي شغل.. بينما كلنا مستعدين نأجل الصلاة وبالذات العشاء الى نص الليل؟!
ليش كل ما نوينا نسوي شي مهم في حياتنا ... نأجله لين نحس ان الوقت ضايقنا ... تاليتها نسوي كل شي على عيله؟!
ليش كل ما رحنا نشتري تلفون يديد نسأل عن التالي: جم كاميرا فيه؟ .. فيه Bluetooth ؟ فيه MP3 ؟... فيه ؟ ...فيه؟ بس عمرنا ماسألنا ولا اهتمينا بشي موجود في كل تلفوناتنا... شي اسمه Calender !!
ليش اذا نوينا نشتري ساعة يد ... نركض ورا اسم الماركة .... ومن شنو مصنوعة... وشنهي جنسيتها (حتى هني الجناسي داشه!!) ... والبنات لازم يتأكدون جم ألماسه فيها... ونشتري الساعة ... ونضيفها الى مجموعة الساعات بالدرج... بس عمرنا ما استخدمنا الوظائف اللي فيها؟! هذا اصلا اذا طل فيها راعيها!
ليش لما نراجع نفسنا... (هذا اذا راجعنا نفسنا).. وشفنا احنا شقاعد نسوي كل يوم ؟ شنو برنامج حياتنا؟ نكتشف ان كل يومنا مو لنا؟! ونتضايق! ونزعل ... بعدين .. سلاماتك...ما من شر... هذا حدنا ... ما عمرنا نوينا تغيير برنامج يومنا
ليش اليوم 24 ساعة؟ ...وليش الساعة 60 دقيقة؟ هذا معناته ان عندنا 1440 دقيقة يوميا.. اذا شلنا منهم 7 ساعات نوم... يعني عندنا باليوم 1020 دقيقة واحنا صاحين... الليش اللي هني اهي .. ليش اذا سألت الواحد عن شغله طلبت منه انه يسويها لك ما تاخذ من وقته 5 دقايق ... يجاوبك : ما عندي وقت ... كنت مشغول!
ليش كل ما قعدنا بين فترة والثانية ... قلنا ما شاء الله والله الأيام والسنين تركض! بس عمرنا ما سألنا شسوينا حق نفسنا بهالسنين؟! ولا حاسبنا انفسنا على هالشي؟!...بينما ممكن نحاسب الخدامة اذا تأخرت في كواي هدومنا؟!
احنا نملك ارادتنا... نملك تفكيرنا.. عارفين رغباتنا... نعرف امكانياتنا.. كل هذا نعرفه ونملكه ... بس اللي ما نملكه هو الوقت... لأن كل اللي سبق ذكرهم ممكن نحافظ عليهم الا الوقت يمر ولا نملك أن نوقفه.. علشان جذيه عندكم اختيارين... الأول: استغلوا وقتكم صح .... والثاني... انتوا تعرفونه!!
منقوووووول
ليش كل ما قعدنا مع الربع والا الأهل مدة يمكن تزيد عن 3 ساعات ... أول ما نقوم يقولون : وين رايح ... شدعوة ؟ تو الناس!
ليش احنا يالخليجيين .. طباخ الغدا ياخذ يمكن 3 أو 4 ساعات... واذا نجبوه و جابلناه ما نقعد أكثر من ربع ساعة ؟! لا ونصها سوالف!
بينما اخواننا بالبشرية ... الفرنسيين ... يطبخون الغدا في 30 دقيقة ... ويجابلونه على الطاولة ساعتين؟!
ليش كل ما دخل وقت الصلاة ورحنا المسجد.. اول ما تسلم تفز وتطلع من المسجد.... العذر: والله مستعيل وراي شغل.. بينما كلنا مستعدين نأجل الصلاة وبالذات العشاء الى نص الليل؟!
ليش كل ما نوينا نسوي شي مهم في حياتنا ... نأجله لين نحس ان الوقت ضايقنا ... تاليتها نسوي كل شي على عيله؟!
ليش كل ما رحنا نشتري تلفون يديد نسأل عن التالي: جم كاميرا فيه؟ .. فيه Bluetooth ؟ فيه MP3 ؟... فيه ؟ ...فيه؟ بس عمرنا ماسألنا ولا اهتمينا بشي موجود في كل تلفوناتنا... شي اسمه Calender !!
ليش اذا نوينا نشتري ساعة يد ... نركض ورا اسم الماركة .... ومن شنو مصنوعة... وشنهي جنسيتها (حتى هني الجناسي داشه!!) ... والبنات لازم يتأكدون جم ألماسه فيها... ونشتري الساعة ... ونضيفها الى مجموعة الساعات بالدرج... بس عمرنا ما استخدمنا الوظائف اللي فيها؟! هذا اصلا اذا طل فيها راعيها!
ليش لما نراجع نفسنا... (هذا اذا راجعنا نفسنا).. وشفنا احنا شقاعد نسوي كل يوم ؟ شنو برنامج حياتنا؟ نكتشف ان كل يومنا مو لنا؟! ونتضايق! ونزعل ... بعدين .. سلاماتك...ما من شر... هذا حدنا ... ما عمرنا نوينا تغيير برنامج يومنا
ليش اليوم 24 ساعة؟ ...وليش الساعة 60 دقيقة؟ هذا معناته ان عندنا 1440 دقيقة يوميا.. اذا شلنا منهم 7 ساعات نوم... يعني عندنا باليوم 1020 دقيقة واحنا صاحين... الليش اللي هني اهي .. ليش اذا سألت الواحد عن شغله طلبت منه انه يسويها لك ما تاخذ من وقته 5 دقايق ... يجاوبك : ما عندي وقت ... كنت مشغول!
ليش كل ما قعدنا بين فترة والثانية ... قلنا ما شاء الله والله الأيام والسنين تركض! بس عمرنا ما سألنا شسوينا حق نفسنا بهالسنين؟! ولا حاسبنا انفسنا على هالشي؟!...بينما ممكن نحاسب الخدامة اذا تأخرت في كواي هدومنا؟!
احنا نملك ارادتنا... نملك تفكيرنا.. عارفين رغباتنا... نعرف امكانياتنا.. كل هذا نعرفه ونملكه ... بس اللي ما نملكه هو الوقت... لأن كل اللي سبق ذكرهم ممكن نحافظ عليهم الا الوقت يمر ولا نملك أن نوقفه.. علشان جذيه عندكم اختيارين... الأول: استغلوا وقتكم صح .... والثاني... انتوا تعرفونه!!
منقوووووول