الله يخليكم فيدوني ضرور -- خلع

[chilis]

السلام عليكم
انا طلقت تاريخ 27-4-2009 وكانت طريقة الطلاق خلع وانها تتنازل عن كل حقوقها ماعدى نفقة البنت
اليوم انصدمت اليوم ان واصلتني ورقه بالدوام من المحكمه
ان طليقتي رافعه قضيه بتاريخ 29-4-2009 وكان في جلسة بتاريخ 13-5-2009 لكن انا اليوم وصلتني الورقه المهم ان الورقه مكتوب فيها ان طليقتي تبي تزيد نفقة البنت وتبي اجره حقها وحق البنت يعني تبي مسكن بكافة المصاريف وتبي خادمه
المهم فيدوني شنو اهيه تقدر تاخذ من هالحكم
شنو يعني يحكم القاضي لها
وشنو انا اقدر اسوي ؟؟​

 

[fayoona74]

اول شي راجع سكرتير الجلسة باجر وشوف شنو صار اذا الجلسة تاجلت كان بها واذا محجوزة للحكم اطلب فتح باب المرافعة واخذ منه صورة من الاوراق اللي مقدمتها الزوجة عشان تتطلع عليها
ثاني شي يحق للزوجة طلب زيادة نفقة البنت اذا في مستجدات طرأت عندها تحتم الزيادة ويحق لها طلب اجرة مسكن وخادمة لان هذي من مستلزمات تربية وحضانة البنت بس يبقى للقاضي سلطة تقديرية بالقبول من عدمه يعني يمكن دعوتها تقابل بالرفض او القبول انت اللي عليك تقول حق القاضي انكم توكم خالعين ومتفقين على النفقة وانها مناسبة جدا (ترا يعتمد على عمر الولد او البنت ويسارك او اعسارك ) وتقدم حكم الخلع واي اتفاق مكتوب بخصوص النفقة وغيرها وانت وحظك
الاستناد القانوني
مادة 197

للحاضنة قبض نفقة المحضون ، ومنها اجرة سكناه.
المادة 198

يجب على من يلزم بنفقة المحضون اجرة مسكن حضانته ، الا اذا كانت الحاضنة تملك مسكنا تقيم فيه ، او مخصصا لسكناها.
اما بالنسبة لاجرتها (اجرة الحاضنة) فينطبق عليها حكم المادة 117
يعني جدام القاضي تمسك بهالمادة (أ)
أ- اذا اشترط في المخالعة ان تقوم الام بارضاع الولد ، او حضانته دون اجر ، او بالانفاق عليه مدة معينة ، فلم تقم بما التزمت به ، كان للاب ان يرجع بما يعادل نفقة الولد ، او اجرة رضاعه ، او حضانته.
ب- واذا كانت الام معسرة يجبر الاب على نفقة الولد ، وتكون دينا عليها.

ثالث شي شنو القاضي يحكم لها الله اعلم ماقدر افيدك لان كل حالة تختلف عن الثانية حسب حالتك المادية وحسب ظروف الواقعة

وشوف بعد رأي الأخوان القانونيين والمحامين بالمنتدى

 

[chilis]

الله يعطيج العافيه اختي
البنت عمرها سنه و8 شهور
وطليقتي ساكنه في بيت اهلها
وعلما بأن راتبي 820
مع بدل الاجار والزوجيه بعد سقوط بدل الاجار والزوجيه يصبح الراتب
595 مع العلم ان لدي قرض بقسط 240 يصبح صافي الراتب 395
ولدي قسط التسليف 40 دينار يصبح الراتب 200 دينار
اتمنى الناس ترد علي باسرع وقت لان باجر راح اروح المحكمه ​

 

[fayoona74]

النفقة بحكم ولا باتفاق مكتوب ولا شلون وشلون تسدد النفقة بايداع بالبنك ولا باي طريقة

 

[fayoona74]

شوف عزيزي اذا في شي موثق او مكتوب او في دليل عندك ان في اتفاق على مقدار النفقة يفترض ان طليقتك مايحق لها ان تطالب بزيادتها الا بعد انقضاء سنة
بالنسبة لالتزاماتك ماظن مجموع اللي راح يحكم فيه القاضي يتجاوز 100 - 150 دينار ويمكن بعد اقل الله اعلم حسب تقدير القاضي
انت قدم كل المستندات اللي تبين التزاماتك وشهادة راتب حديثة من جهة عملك وشهادة لمن يهمه الامر من بنك التسليف بمديونيتك واي اوراق فيها مديونية

 

[chilis]

الله يعطيج العافيه اختي بس انا راتبي يصفى فيه 200 دينار يعني مافكرتي بسكن بيتي وملابس وبانزين سيارتي ومصرف لي ؟

 

[fayoona74]

قلت لك حسب تقدير القاضي ممكن يحكم باقل من اللي كاتبته يعني المبلغ اللي حطيته تخمين وتوقعات بس ماظن يتجاوز 100 حسب صافي راتبك بس اذا عندك دخل ثاني مثل محل تجاري او اي عمل حر هم القاضي ياخذه بعين الاعتبار انت حط كل اوراقك جدام القاضي وقوله السطرين اللي كتبتهم اخر شي وشوف شنو الله كاتبلك

وترا فكرت بوضعك بس للاسف ماني قاضي ولا جان حكمت لك ب 50 دينار بس

 

[chilis]

ماتقصرين على هالنصائح وعلى هالمعلومات المفيده اشكرج

 

[al7loo]

اخوي بدل اجار ما يطيح منك راح يمشيلك ان شاء الله

وعلى نفقة انتا حسبتك غلط فوق ياليت توضح المبلغ عدل لنه مخربطه وشكرا واي شي تبي 66484600 وشكرا

 

[rahaly]

اخوي ..

القاضي يحكم بحد الكفاية .... يعني ما يكفي لنفقة البنت المحضونة

نعم يراعي وضعك المادي ... لكن لا يعني انه يصفى لك 200 دك .... او مثلا تطلع مطلوب اخر الشهر ... انه يحكم بالاقل

ولاحظ ان حكم القاضي بالنفقة شئ .... وتنفيذ الحكم عند قاضي التنفيذ شئ اخر

يعني لو فرضا ما عندك ... وحكم القاضي باكثر من طاقتك .... قاضي التنفيذ ممكن يراعي ذلك بالتنفيذ ... ويبقى اي مبلغ لا تسدده دينا بذمتك لا يسقط ... لكن يؤجل تنفيذه الى وقت يسارك
(طبعا باختصار ... والا القصة فيها تفصيل)

,............ انظر هذه المشاركة تستفيد منها ..

http://www.indexsignal.com/vb/showthread.php?t=167878

 

[chilis]

الله يعطيك العافيه عالرد
لكن هالريال متفق مع زوجته بكل شي عرفت
انا كنت متفق معاها بانها تتنازل عن كل حقوقها وفعلا خلعت لكن الحين ارفعت علي دعوى
نفقة بنت ومسكن وخدامه

 

[Q8CaSh]

الله يستر انا للحين ماصار الخلع،، وهذا الي خايف منه انها بعد الخلع تتغير وتطالب بسوالف

 

[chilis]

الله يستر انا للحين ماصار الخلع،، وهذا الي خايف منه انها بعد الخلع تتغير وتطالب بسوالف

الله يعينك والله
تدري شلون نتزوج من شرق اسيا وتريح بالك صار ماصار كنسل اقامتها وسفرها لوول

 

[ريالكو]

الله يعطيج العافيه اختي
البنت عمرها سنه و8 شهور
وطليقتي ساكنه في بيت اهلها
وعلما بأن راتبي 820
مع بدل الاجار والزوجيه بعد سقوط بدل الاجار والزوجيه يصبح الراتب
595 مع العلم ان لدي قرض بقسط 240 يصبح صافي الراتب 395
ولدي قسط التسليف 40 دينار يصبح الراتب 200 دينار
اتمنى الناس ترد علي باسرع وقت لان باجر راح اروح المحكمه ​

على حد علمي انه اذا طلقت وعندك بنت ما يسقط عنك بدل الايجار وراجع الهيئة العامة للاسكان وراح يفيدونك .