خبر غريب مضحك مبكي عن ابوفطيره

[MUSAED77]

اولا سلام علي جميع الاعضاء الكرام

ندخل بالموضوع عندي صاحبي من سنتين عنده ارض بابوفطيره المهم بعد سنه من شراء الارض جلس في ديوانيه وهو جالس عرف انه واحد من جماعه بالديوانيه عند مكتب لبيع وشراء العقار المهم سلم عليه وساله قاله انا ارضي 400 م شارع واحج تتوقع كم تسوي رد عليه الثاني وقاله تقريبا كذا (....) المهم الدلال صاحب المكتب ذبح صاحبي اله يعرف رقم القسيمه وقاله علي النيه وقاله انا ماني بايع انا بس اسال ...

تفاجئ بالصدمه يوم الجمعه وهو يقرا الوسيط ارضه موجوده معروضه للبيع دق علي المكتب وطلع له مصري وقاله انت متاكد من الارض قاله المصري ايوه قاله يخرب بيتك هذي ارضي واذا سويتوا هذا الشي مره ثانيه يا ويلكم ....

قبل اسبوع دق علي مكتب ثاني وقاله ابي ارض حق صاحبي يقصدني انا قاله المصري خلاص ادورلك ....

دق عليه امس وانا عنده المصري وقاله لقيتلك ارض شارع واحد 400م علي 105 الف ممكن اخلصها لك ب 100 الف تتوقعون كان يقصد اي ارض صاحبي وصاحبي عصب وكلم الكويتي صاحب المكتب وهدده انه اذا شاف اعلان عن ارضه ياويله

(المشكله يقول لصاحبي انا اعرف صاحب الارض وممكن اضغط عليه واخلص لك الارض ب 100 )
واسف علي الاطال
وابي رايكم .

 

[musad]

مساعد 77 شلونك والله أهي مشكله بس ممكن أتكون من صالح المالك عشان يعرف سعر أرضه بالسوق وهو مو خسران شئ لأن محد جابره على البيع

 

[ساحر دنانير]

دام فيها مصري فتوقع اكثر من جذي

توقع يقولك المصري الارض له وصارت معاي

 

[kuwait25]

هههههههههههههه
اما هالسالفه يامساعد عجيبه صج من قال ياما من شراله من حلاله عله ههههههههههه


والله هالشي مصيبه يبي يبيعه ارضه غصب


بس تدري شنو السبب ياخوي مساعد انااقولك سبب من الاسباب وللاسف هالسبب يدل على عدم الاخلاق والامانه

هذا اتجاه يستخدمه بعض السماسره للضغط يعني الله لا يبلانا ويشافي المرضي فيه ناس مرضى تمت بيعات كانت السبب انه انسان مريض عقلي او نفسي وتبين هالامور لما يضغطون عليه نفس سالفه حراج السيارات لما يقعدون يصارخون على البايع وبعضهم يبيع وبعضهم يطق الدلال ، وبيعوه بيته او مايقدر يفهم الامور للاسف مايتعاطفون مع هالناس بالعكس يكون فريسه لهم ولا يطوفونها
اذا الانسان ماخاف من الله خاف منه الله يكفينا شرهم

 

[عذبي 71]

هذا جواب لكل من يسال عن عدم جدية البائع
يعني انا كم مرة اتفق مع كم دلال على شراء ارض اذا قلتله كلم البايع عشان يجيب الوثيقة وانا اسلمه العربون عطاني الدلال الف عذر
البايع متردد-البايع موجاد-اخوه موراضي - السعر مو عاجبه- البايع مسافر- مومعروضة عندي مباشر
وانت رايح

 

[ام روتا]

ههههههههههههههههه في الاول والاخير الارض ملك صاحبك ماراح يعرفون يسون شي
بس على هسوالف هذي الله يعينا اشكثرها صايره موجوده وموجود الالعن بعد الله يحفظنا

 

[musad]

هذا يسمونه قص ولزق أعلانات لأن العرض لازم يكون صحيح عشان تقدر تعرضه على العامة

 

[bo^naser]

ياريت يطردون المصاروه اكثرو في الكويت صاير مثل غزو مصري في الكويت الله يعينا عليهم

 

[MUSAED77]

هههههههههههههه
اما هالسالفه يامساعد عجيبه صج من قال ياما من شراله من حلاله عله ههههههههههه


والله هالشي مصيبه يبي يبيعه ارضه غصب


بس تدري شنو السبب ياخوي مساعد انااقولك سبب من الاسباب وللاسف هالسبب يدل على عدم الاخلاق والامانه

هذا اتجاه يستخدمه بعض السماسره للضغط يعني الله لا يبلانا ويشافي المرضي فيه ناس مرضى تمت بيعات كانت السبب انه انسان مريض عقلي او نفسي وتبين هالامور لما يضغطون عليه نفس سالفه حراج السيارات لما يقعدون يصارخون على البايع وبعضهم يبيع وبعضهم يطق الدلال ، وبيعوه بيته او مايقدر يفهم الامور للاسف مايتعاطفون مع هالناس بالعكس يكون فريسه لهم ولا يطوفونها
اذا الانسان ماخاف من الله خاف منه الله يكفينا شرهم

اصبت كبد الحقيقه

 

[الموحد1]

حط اسم المكتب علشان الناس تحذر منه من باب النصيحه للناس حتى مايتعاملون معه

 

[MUSAED77]

صاحبي يقول الله امرنا بالستر بس اذا كررها لي حجي ثاني