تخفيض نفقه

[al7loo]

السلام عليكم يعطيكم العافيه عندي سوالين حول تخفيض النفقه


الأول : انا تزوجت وخذيت 4 الاف من والدي وقاعد اقسطهم عليه 100 دينار كل شهر لأن الحكومه معطيتني قبل
ال4000 هل ينظر القاضي انه هذا الالتزام علي ولا لا لتخفيض النفقه

الثاني: عندي قسط سياره 290 دينار وقسط سيارت زوجتي 100 دينار هل ينظر القاضي اذا حطيت سيارتين قسطين لتخفيض النفقه بسمي ؟


وشكرا

 

[rahaly]

راجع اجابتنا في موضوعك السابق ................... نفس الاجابة ما تغيرت

 

[قناص_السوق]

اخوي الظاهر انت مشكلة طليقتك مشكله . . .


اخوي حاول تملك اطفالك منها وتحظنهم في عهدتك .... و طرق الاثبات حاول اي اهمال في حق الاطفال و انخفاض مستواهم التعليمي و ما شابه اتهام امهم بسببه بعدين اطلب الحضانه لك بعد ما تيمع اثباتات على طليقتك الله يفكك من شرها .... دائما الزمها بمتابعة الاطفال و عدم اهمالهم و حتى اذا مرض طفلك قط اللوم على زوجتك سو تحليل لملابس طفلك بمختبرات حتى تكتشف يغسلون ملابسه ولا لأ و جم نسبة الجرائيم في ملابسه .... حاول كثر ما تقدر تفكر تثبت اهمال في رعايتهم ....


لان لو صارو في عهدتك بالتالي لو قالت نفقه امش واضحك عليها


خلك ذيب نفسهم

بس الي حرام ان الطفل راح يتعب و يروح و يرد من غير ذنب .....

 

[fayoona74]

حرام كويتي لاتنصح بهالنصحية خاصة ان الريال متزوج يعني ينقطون اليهال عند زوجة اب وعلى شنو عشان فلوس
وترا اسقاط الحضانة شي صعب ويعتبر مانع يزول بزواله انظر المادة 193 من قانون الاحوال الشخصية (لا يسقط حق الحضانة بالاسقاط ، وانما يمتنع بموانعه ، ويعود بزوالها.)
وللاخ السائل دين النفقة مقدم على اي دين ثاني والقاضي له سلطة تقديرية بحسب ظروف الواقعة
بسم: ( لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ لا يُكَلِّفُ اللَّهُ نَفْسًا إِلا مَا آتَاهَا سَيَجْعَلُ اللَّهُ بَعْدَ عُسْرٍ يُسْرًا ) الطلاق/7 . يعني بالمنازعة جدام القاضي على مقدار النفقة سواء بزيادتها او تخفيضها اللي يفصل في ذلك هو القاضي بحسب يسار او اعسار الاب .

 

[al7loo]

يعطيكم العافيه بس ما جاوبتو هل ينظر القاضي للتقليل لنفقه لنتفقتين الي علي وشكرا

 

[ابو عبدالله333]

ههههههههههههههههههههه كويتى خطه جهنميه.............. ضحك والله لما دمعة عيونى من الضحك فينونه حرام ليشششش واحد يبى عياله

 

[ابو عبدالله333]

"نسبة الجرائيم في ملابسه"
شى عجيب حل مثالي

 

[al7loo]

:_) يسلموووووووو يالغالي عاد نبي حل هل السيارتين في اسمي شي عادي ولا لا ينظر لها القاضي

وهل تقسيط المهر على الوالد شي ينظر عليه القاضي انه التزام علي وشكرا

 

[cot]

عندي لك حل خل ابوك يشتكي عليك بامحكمه كمبياله و او الامور هذي

وحتى اخوانك عشان يستقطعون من معااااشك بس بدون القاء قبض و منع سفر الامور هذي

خل اخواني و ابوك و اي واحد ثقه يرفع عليكم كمبياله و خلهم بخصمون

بعدها يروحون ياخذونها من محكمه وانت تاخذها منهم

 

[قناص_السوق]

والله فكره حلوه cot لازم نعلم البنات .... لان هالزمن البنات مو كفو نفس امي وامك و يدتي ويدتك كدش مدش

 

[al7loo]

يسلمو ويعطيكم العافيه عاد اقدر ارفع ولا لا ينظر فيها القاضي وشكرا

 

[qanon]

اخوى يا الحلووو

انا اقول ان هذيله اعيالك ولازم تعطيهم اكثر مو تقول بخفض من قيمة النفقة

وتقبل مرورى عندك

 

[fayoona74]

من الناحية القانونية وباختصار القاضي ينظر لطلب التخفيض بحسب المستندات اللي تقدمها وتبين المستجدات اللي طرأت على حالتك المادية واللي تثبت يسارك او اعسارك وله السلطة التقديرية الكاملة بالتخفيض او رفض الدعوى بناء على ظروف الواقعة
واتقو الله ياجماعة ياللي فوق باللي قاعدين تكتبونه خليكم بحدود القانون والشرع

 

[al7loo]

مشكوره خلاص بسوي جذي وانطر

 

[qanon]

اى يا الحلووو

زيد النفقة حق اعيالك بدال ما اتدور على طرق للتهرب من دفع النفقة لهم

 

[قناص_السوق]

واتقو الله ياجماعة ياللي فوق باللي قاعدين تكتبونه خليكم بحدود القانون والشرع

بصراحه لازم حيلنا يصير في المطلقات لان المطلقه يمشيلها حتى راتب من الشؤون بس فوق هذا تحب العناد و التحدي ودها ان الريال يقعد على الحديد و ما يتزوج

الله سبحانه و تعالى صحيح قال و تسريح باحسان , لكن مو معناته ان اشق هدومي واقعد عزوبي وما اتزوج لان خلاص الي بقالي من المقسوم ما يكفيني بسبة وحده ما تستحي على ويها و كل تفكيرها الانتقام

والزواج من مرأه اخرى من حق الريال لان يكمل نص دينه وفي ستر و حفظ لذات الانسان و مصونه له من ارتكاب كبائر الذنوب

 

[qanon]

بصراحه لازم حيلنا يصير في المطلقات لان المطلقه يمشيلها حتى راتب من الشؤون بس فوق هذا تحب العناد و التحدي ودها ان الريال يقعد على الحديد و ما يتزوج

الله سبحانه و تعالى صحيح قال و تسريح باحسان , لكن مو معناته ان اشق هدومي واقعد عزوبي وما اتزوج لان خلاص الي بقالي من المقسوم ما يكفيني بسبة وحده ما تستحي على ويها و كل تفكيرها الانتقام

والزواج من مرأه اخرى من حق الريال لان يكمل نص دينه وفي ستر و حفظ لذات الانسان و مصونه له من ارتكاب كبائر الذنوب

اتصدق ان كلامك ضحكنى وانا قاعد اتابع البورصة

شوف علاقة المطلقة بالزوج تنتهى بالطلاق

اما النفقة اللى تصرف ترى تكون حق العيال مو حق المطلقة

يعنى الحلال ماراح بعيد عن الاب

وطول بالك )

 

[al7loo]

يالغالي لو حق عيالي ميخالف ما اقول لا بس امهم تاخذ الفلوس لبسهم كل اسبوع نفس الشي وشلون تبي اخليها حق عيالي عرفة وشكرا

 

[قناص_السوق]

ودهم المخفر سجل اثبات حاله بلبسهم كل سبوع ..... شنو لابسين


عشان يصدق القاضي ما يبدلونهم ............... هههههههه

السموحه يالغالي ...

الله لا يبلانا بزواج فيه مشاكل

 

[الـمـحـامـي]

يجوز لك رفع دعوى تخفيض نفقة بعد مرور سنة من تاريخ الحكم في النفقة .. وطالما استجدت ظروف عليك زادت من أعباءك المالية يضع القاضي ذلك في الاعتبار عند تخفيض النفقة فأحكام النفقة مؤقتة حسب ظروف الملزم بها يسراً او عسراً
المحامي عوض ماطر المطيري
99420979