الي القانونيين هام جدا

[بو ضاري1]

السلام عليكم ورحمة الله وبركاته

انا ابي اترزق الله في مشروع صغير من مصر ويدزلي البضاعه عن طريق شركات الشحن ..
اولا انا شفت البضاعه وابي اشتريها وادفعله الفلوس بس قانونيا شلون اتعامل معاه عن طريق قانوني وشكرا

 

[fayoona74]

اهم قاعدة ان شغلك كله يكون مكتوب
يعني لازم يكون بينكم عقد مكتوب ويفضل توثيقه ويذكر بهالعقد كل شاردة وواردة لاتخلي شي ماتكتبه يعني تفاصيل البضاعة وقيمتها وكل واحد شنو التزامه ونظام النقل وعلى منو تكاليف الشحن والتأمين

 

[rahaly]

اهم قاعدة ان شغلك كله يكون مكتوب
يعني لازم يكون بينكم عقد مكتوب ويفضل توثيقه ويذكر بهالعقد كل شاردة وواردة لاتخلي شي ماتكتبه يعني تفاصيل البضاعة وقيمتها وكل واحد شنو التزامه ونظام النقل وعلى منو تكاليف الشحن والتأمين

ما شاء الله عليج تحبين تنفعين المحامين ..

اعتقد شغلته بسيطة ما تستحمل عقود

وعلى فكرة مو كل التجارات ولا التجار يتقبلون العقود .. بعضهم يعتبره تعقيد
( يعني تخيلي واحد بيستورد ديرم من ايران .. منو يرضى يكتب معاه عقد ؟؟ يستوردونه باللنجات : )

ممكن تستغني عن قصة العقد(اذا شغلتك ما تحتاج عقد فعلا)
استبدله برساله او بفاكس يرسله لك التاجر من مصر يكتب الاسعار وتكايف وطريقة الشحن ... الخ
وقوله الجمارك عندنا تطلب الكتاب


موفق

 

[fayoona74]

الله يهداك رحالي ديرم عاد شخباري
زين واذا شباصات تتوقع مايحتاج عقد بعد
اتوقع نتفق ان لازم يكون في شي مكتوب عقد رسالة فاكس رسالة داخل بطل ينقل بالبحر
المهم مكتوب

 

[قناص_السوق]

اخوي في هالمواقف وايد ناس يتعرضون للنصب والاحتيال و حتى يحمون نفسهم

يفتحون فروع بشكل قانوني في الديره المستهدفه للاستيراد منها ..... و فرح اخر في الكويت

حتى تكون جميع تعاملاتهم لها شخصيه اعتباريه امام المحاكم ...

لان انت تمثل شخصية اعتباريه امام محاكم الكويت اذا كان رخصتك صادره في الكويت

 

[بو ضاري1]

اشكر الجميع على مروركم
واطروحاتكم الراقية

وشكرا من القلب الى القلب

 

[الـمـحـامـي]

اجعل تعاملك معه رسمياً عن طريق عقد اتفاق بالتوريد والبيع ولشراء وحدد فيه جميع الشروط المطلوبة التى تحفظ حقوق الطرفين مثل نوعيه البضاعة وسلامتها وقيمتها وطريقة التسليم وطريقة السداد ولا تترك ثغرة مهما تكن صغيرة لكونها ستهمك في المستقبل فأنت تتعامل مع شخص آخر ببلد آخر . وخلى التعامل المالي دائماً رسمياً عن طريق البنوك او شركات تحويل الأموال حتى تستطيع اثبات حقك في حالة لا قدر الله حصل خلاف على نوعية البضاعة المستوردة او درجة كفاءتها .. وقبل كل ذلك اسأل عن الشخص الذي تتعامل معه وسمعته التجارية اولاً . وركز اخوي على ان يكون الاسم والعنوان صحيح وليس اسم مستعار او تكون الاسامي متنوعه اي يوم محمد ويوم بدر ويوم خليفه
المحامي عوض ماطر المطيري
99420979