استشارة قانونية ممكن ؟!

[kuw4ever]

السلام عليكم

حبيت اهنيكم على هذا القسم المفيد

الموضوع ومافيه اختصار للوقت


إني عطيت واحد اعرفه وهو وافد سوري سياره يسافر عليها سورية وسويت له (توكيل خاص انه يسافر بالسيارة بدون حق البيع) بس للاسف رجع الكويت بدون مايرجع بالسيارة ويقولي ان السيارة اخذها منها عسكري سوري شافها وصادرها, وعلى كلامه انه يحاول يرجعها منه , ورحت المخفر اقدم شكوى قالوا روح المباحث الى عند دسمان ورحتلهم بس للاسف مافادوني بشي , ولازالت السيارة هناك لاكثر من 3سنوات فحبيت اعرف الحين شلون الطريقة الى استرد فيها حلالي مع العلم انه التوكيل خاص بالسفر فقط وهل على اي التزامات قانونية بسبب انه السيارة باسمي وخارج الكويت . واذا حبيت اسقط السيارة شلون مع العلم انه السيارة هناك ؟


وشكرا لكم

 

[بوفهيد]

اخوي جرب تسال بالسفارة

و قدم بلاغ سرقة بمخفر منطقتك و قول لهم انها سرقت من البيت و اهم يتصرفون

 

[الـكويـتي]

شلون يقول انسرقت واهو معطيه توكيل عليها مايصير انا اعتقد ان السوري بايع السياره اهناك ويمشي الفلم عليك لكن احترس تروح لسوريا لان واحد من الربع بايع سيارته بسوريا ورد الكويت ورجع بعد سنتين قالوله تعال انت وين سيارتك اللي دشيت فيها سوريا ومطلعت فيها المهم صكوه بقضيه مادري شنو اخوانه راحو وادفعو رشاوي فوق 16 الف دينار مع ان السياره بايعها ب 3000 دينار وبالغصب طلع

 

[rahaly]

بالنسبة للسوري بامكانك الرجوع عليه بثمن السيارة ... وخليه هو اللي يثبت امام المحكمة العذر القانوني الذي فقد السيارة من اجله

بس الله يعينك ... الشركة اللي انت مسوي عليها تأمين kt
راح ترجع عليك بغرامة التأمين ( نسيت كم المبلغ اظن 3000 دك او اكثر .. لان كانت عندي قضية من زمان نسيت الغرامة)
لان التزامك معاهم ان تعيد السيارة الى الكويت .. وهم فعلا راح يدفعون مبلغ لسوريا اذا السيارة لم تخرج من الاراضي السورية وراح يرجعون عليك بعدها


امامك خيارين
اما انك ترفع على السوري من الحين

واذا في علاقات تمنعك من ذلك ... ممكن اذا شركة الكي تي رفعت عليك تطلب ادخاله في الدعوى للحكم عليه بما عسى ان يحكم به عليك

بالتوفيق

 

[kuw4ever]

مشكورين اخواني ويعطيكم العافية


بس اخوي rahaly السالفه من 2005 وماصار شي للحين فهل معناه انه في قضية مرفوعة ولا لاء وشلون اعرف؟

 

[rahaly]

مشكورين اخواني ويعطيكم العافية


بس اخوي rahaly السالفه من 2005 وماصار شي للحين فهل معناه انه في قضية مرفوعة ولا لاء وشلون اعرف؟

روح المحكمة .. الاستعلام القضائي ...
او ادخل على بوابة العدل اللالكترونية
https://www.kuwaitcourts.gov.kw/mojweb/NGeneral/Main.jsp

حط رقمك المدني يبين معاك

وعموما ممكن مطالبتهم تاخذ وقت طويل .. لما يعملون تسوية مع سوريا

انت راجعهم اذا عندك دفتر( التربتك) .. مدري اي شركة انت مسوي التربتك عندها ؟
راجعهم بدل لا يفاجئونك

مستحيل يسكتون اصلا ..

 

[kuw4ever]

اخوي رحالي حطيت الرقم المدني وطلع

لم يستدل على قضايا مرفوعة ضدكم ....


اخاف اروح حق الشركة افتح عيونهم ع الموضوع

 

[Humax]

أخوي الله يهدينا معاك مالقيت إلا سوري ، قسما بالله لو يجيني سوري لحيته ليه سره ويقول سلفني 10 دنانير ما اعطيه ، نصيحتي لك أنسى السالفة لان الجن الازرق ما يعرف حق السوريين ، ودير بالك اتسافر سوريا يمكن يوهقونك والسيارة باسمك .

 

[kuw4ever]

اخوي HUMAX المشكلة اعرفه من 15 سنه بس شقولك ...


الله لايوفقه لا في الدنيا ولا في الاخره


الحمدالله مااحب اسافر سوريا من كثر سوالف الرشاوي الى فيها


الواحد يتعلم من هالدنيا

 

[rahaly]

اخوي رحالي حطيت الرقم المدني وطلع

لم يستدل على قضايا مرفوعة ضدكم ....


اخاف اروح حق الشركة افتح عيونهم ع الموضوع

والله فكرت انك بتخاف تنبههم

بسيطة

اتصل فيهم واسألهم ... تغيشم عليهم

شوف شيقولون بس لا تعطيهم تفاصيل ... قولهم في واحد كذا كذا ..
جرب ...

بس صدقني ما يطوفونها لك ... بس ترا تاخذ وقت

مرة مر علي واحد ... سيكل ... نعم سيكل .... ما تركوه

 

[kuw4ever]

اخوي رحالى


اظاهر بخلى واحد من الربع يدق عليهم ويسألهم بدون تفاصيل هذي خوش فكرة !


مشكور وماقصرت يالغالي

 

[الـمـحـامـي]

طالما انك عملت له توكيل خاص بإدارة السيارة والسفر عليها بدون البيع وقد تسلمها منك ولم يعيدها كان يجب عليك ان تحرر له محضراً بالواقعة بأقرب مخفر منذ عودته من ثلاث سنوات بخيانته للامانة المودعة لديه وسوف يحكم عليه بالحبس والتعويض المدني المؤقت وبعدها ترفع عليه دعوى مطالبة بثمن السيارة وتعويض عن الأضرار المادية والأدبية التى أصابتك من جراء فعله وسوف يحكم لك وتصل لحقك ولا تخرج خارج الكويت وتذهب لسوريا فلن تصل لشيء هناك طالما انه عاد بدونها .
خيانة امانة معاقب عليها بنص المادة / 240 من قانون الجزاء الكويتي وعقد الامانة هو عقد الوكالة الصادر منك للمتهم وانه كان يتوجب عليك منذ عودة المتهم من سوريا ان تبلغ عن الواقعة وتتهمه بجريمة خيانة الامانة الا ان التراخي في الابلاغ لا يؤثر في الحق محل التداعي ويحل لك الآن وعلى وجه السرعة معاودة الابلاغ عن الواقعة بمخفر الشرطة بمحل إقامة المتهم هذا بالنسبة للشق الجزائي ..
اما بشأن الشق المدني وأحقيتك في التعويض المدني وقيمة السيارة المملوكة لك يجوز الادعاء مدنيا بالجنحة الجزائية بالتعويض المدني المؤقت عن الأضرار التى لحقت بك جراء الاستيلاء على سيارتك وحرمانك الانتفاع بها .. ويجوز لك بعد الفصل النهائي في الجنحة ان تقيم دعوى مدنية بالزام المتهم ( المدعي عليه ) بأن يرد لك قيمة السيارة وقت فقدها والتعويض عن تفويت فرصة الانتفاع بها خلال المدة من تاريخ العقد حتى تاريخ الحكم في الدعوى

المحامي عوض ماطر المطيري
99420979

 

[kuw4ever]

اخوي المحامي رحت مخفر منطقتي ومافادوني بشي , قالو روح المباحث الى عند دسمان ورحت المباحث قالوا روح المخفر في المكان القريب من المكان الى سلمت له السيارة ورحت المخفر ونفس الشي مااستفدت شي هناك !!!!

اذا حبيت ارفع عليه قضية ...

شنو المطلوب مني من اوراق ومستندات وشكثر الاتعاب ؟

وتقدر ترفعها لي

 

[الأحنف بن قيس]

اخوي المحامي رحت مخفر منطقتي ومافادوني بشي , قالو روح المباحث الى عند دسمان ورحت المباحث قالوا روح المخفر في المكان القريب من المكان الى سلمت له السيارة ورحت المخفر ونفس الشي مااستفدت شي هناك !!!!

اذا حبيت ارفع عليه قضية ...

شنو المطلوب مني من اوراق ومستندات وشكثر الاتعاب ؟

وتقدر ترفعها لي

روح مخفر منطقتك وقولهم برفع جنحة خيانة امانه اذا قالو مايصير دش على المحققين اللي بالمخاافر ويفتح لك محضر بالواقعه واحتماال يقولون لك روح ادارة التحقيقات التابعه للمحافظة اللي ساكن فيها لفتح محضر بالواقعه

 

[kuw4ever]

مشكور اخوي الاحنف بن قيس

 

[الأحنف بن قيس]

مشكور اخوي الاحنف بن قيس

العفووو عزيزي