شباب ابي ابطل محل ومتحير شنو نوع تجارتي

[mme_9]

شباب ابي ابطل محل ومتحير شنو نوع تجارتي هل اخليها كمبيوتر وله اخليها محل ملابس وشنو تعتقدون انه المربح فيهم ومابي عوار راس بل مستقبل

 

[kwt.to.kwt]

بالتوفيق
وعليك بتجارة تخص النساء كالملابس والشنط وغيرها

 

[Abdulla990]

الكمبيوتر سوقه ماشي بس الأفضل تكون هاوي كمبيوتر لأن المنافسين وايد و الأفضلية للمحترفين

 

[البرنس777]

مطعم هندي
شباتي وفلافل وسمبوسه

 

[مندوبة ام بندر]

اتوقع البضايع النسائيه اهي اللي ماشيه والربح ما تلاقيه الى من وراى الحريم
افتح محل عبي او بدل او اككسوارات وساعات
وبالتوفيق

 

[ابوعمر2]

أخوى فى محل موقع ممتاز جداّ فى أفضل شارع لبيع الأدوات الصحية فى الكويت للبيع أنصحك فيه

 

[بو عبودي]

راجع الخاص اخوي

 

[المركز المالي]

اخوي ترى المصبغة شغلها ماشي ومحد يستغني عنها خاصة بالصيييييييف توكل على الله

 

[! سنايبر !]

تجارة عامه ومقاولات

 

[ChanZen]

بيع اجهزة واكسسوارات Blackberry & iPhone

وبالمرة افتح ورشة صيانة حق هالاجهزة...

وبالتوفيق...

 

[NO-BODY]

مصبغة ترى صج مشرووووع قوي

 

[Taekwondo]

السلام عليكم .. اخوي اول شي تشوف راس مالك وبعدين حاول تختار شي صوب ميولك وانت فاهم فيه وماكو شي بدون عوار راس وتعب .. والربح من ورى التعب حلو ولا شرايك

 

[@ عاشق الريم @]

أخوي تبي نصيحتي أنا بالسوق وأعرف ولله الحمد شنو الى يمشي والمربح بعد تجربه وخبره

وأذا تبي محل بالرخصه بسوق نسائي بالكامل بالفروانيه عندي محل ببيعه 2500 وأيجاره 250 يصلح لجميع الأنشطه النسائيه حاليا عبايات وملافع تجيب عبايات من دبي بأسعار من 50 درهم الى 200 درهم وتبيعهم جاهز 40 دينار وتفصال تاخذ الفاتوره تخيطها لزبونه من مشاغل أدلك عليهم بالخاص بدينار ونص قص وخياطه وتطريز والخام عليك قيمة الطاقه 20 فيها 7 عبايات

وأهم شي تجيب بضاعتك من برا الكويت الحريم يحبون الشي الجديد والغريب وتدخل معارض نسائيه أذا ركد السوق موفق

 

[mb34]

خوي انا اقول روح ايران اشترلك احجار ومصابيح كهرب وتعال بيعم خوش تجاره موفق

 

[al_ma6rood]

حبيبي

عندك راس مال

شلك بالتجاره و عوالر الراس

آنه عندي رخصه تجاره عامه و مقاولات صارلي 5 سنين

كل ما ابي افتحلي مشروع

اضيع بين الشؤون و بين البلديه و بين ادارة التفتيش

اهون و اسكر شغلي و اتكي

قلت مالي الا اقط فلوسي بالبورصه وانساهم سنه

راح اييلي ربح 5 سنين

والله الرازق

 

[بوفهيد]

نصيحة اخوية المصبغة شغلها ماشي و الله يوفقك اهم شئ المكان ثم المكان ثم العامل الامين

 

[***بومحمد***]

شباب ابي ابطل محل ومتحير شنو نوع تجارتي هل اخليها كمبيوتر وله اخليها محل ملابس وشنو تعتقدون انه المربح فيهم ومابي عوار راس بل مستقبل

الله يوفقك ويسهل عليك
بس لاتفتح محل أو مشروع الى وإنت تشوف نفسك متفرغله عدل وفاهم بمجاله أو على الأقل حابه... لأنه المنافسه بالسوق شديده والمصاريف وايد .
وبالنسبه لعوار الراس فهذي لابد منها ومامنها فكه

 

[allure]

حبيبي الاكل ماشي وما يخسر .. واذا عندك فلوس تاخذ مواقع وسرداب وسيارتين ومندوبين واجيبلك وكالة مكسرات اقوى من الرفاعي من لبنان وتنافسة في الكويت وتبيع البقالات والجمعيات وعندك في المحل وكل مكان و كل المعلومات عندي وما عندك منافس غير الرفاعي في الكويت يعني تكون انتا رقم 2 احسن ما تكون تنافس سبع الاف مطعم بنفس الشارع

 

[LESQ8]

استكرات اللاب توب وعندى كل شى جاهز بس تحطهم بالمحل

 

[hassan2210]

وانا انصحك تفتح محل هواتف نقالة
مافيش حد الحين الا يبى بدل تليفونة كل ساعة