اخوي المحامي عندي خدامة ونسيت اعمل لها اقامة

[اليوفي الثاني]

السلام عليكم .....

اخوي استاذ عوض الله شكر لك

انا خوي عوض عندي خدامة وما سويت لها اقامة على اساس المندوب اللي يقوم بتخليص المعاملات من الصحي وغيره

ولكن تفاجئت من بعد 9 شهور اني مخالف بس الكمبيوتر من مسجل باسمي اي مخالفة ولا تنفيذ احكام والحين صارلي سنة واربع شهور

الله يخيلك نبي الحل ما ني عارف

 

[Jahra]

سهلة جدا اخي الكريم

اذهب للهجرة او مركز الخدمة الي سويت عنده الفيزا وقولهم ماني دافع فلوس راح يعطونك ورقة مختومة من الضابط تروح فيها للسالمية حق الخدم نسيته والله اعتقد التحقيقات وراح يطيحهم لك القاضي اذا اول مرة ... ثاني مرة ماتطيح ..

روح الهجرة واسألهم انا سويتها قبل سنة

 

[nabhaan79]

مثل ما قال أخوي

بس شرط تكون أول مره وآخر مره

 

[اليوفي الثاني]

نعم اول هاذي اخواني وشاكر لكم اخواني

 

[الـمـحـامـي]

اذهب للمخفر وسوى محضر للخادمة بعدم تسوية الاقامة حتى تاريخه وفي اول جلسة سوف يطيح المبلغ .

المحامي عوض ماطر المطيري
99420979

 

[اليوفي الثاني]

اخوي المحامي طلعت خدامتى مو خاتمين لها دخول الكويت بالجواز والحمد لله عملو لها ختم من تاريخ القديم ومركز الخدمة المواطن عملي تاشيرة جديدة وعملت لها فيزة جديدة وكل شي تمام التمام وما علي اي مخالفة

وشكرا اخوي على المحامي على المساعدة

 

[الـمـحـامـي]

الله يوفقك ...اخوي
والحمدالله انها خلصت ..

نتمنى من جميع الاعضاء بعد انتهاء المشكله ياريت يفيدنا بالنتيجة النهائية حتى تعم الفائده على الجميع . ونختصر الوقت مره اخرى من سائل اخر بالاشاره لها ...في موضوع سابق مثلا