باز لنظم العقارية مثال سيء للاستغلال

[الفارس القادم]

شركة الباز تسوق منذ فترة بعض المشاريع باسم صكوك المشاع

وهم يعتبرون انفسهم معيدين احياء هذا الفكرة

فعليا هم يستغلون العميل اسوأ استغلال

هم الان يسوقون فندق في العزيزية وفندق في دبي وثالث في البحرين

اذا اراد ان يقنعك بالسعودية قالك تروح عمرة تقوله ايه

يقولك وفر المصاريف وخذ لك فندق بمكة تطلع عليك المصاريف قليلة تقوله يالحبيب وين فندقك يقولك بالعزيزية

انزين اذا اعتمرت مو ابي صلواتي اصليها بالحرم وله رايح راد بهالتكاسي لين اتقل العافية

 

[الفارس القادم]

اضف الى ذلك

ياني واحد ملتحي جزا الله خير من شركة الباز وقعد يقنعني اخذ في دبي

صراحة دخلني الماي وقلت يالله فرصة مما تتطوف

اول سنة مشت حلاوة عطونا مبلغ زين

هالسنة احنا عارفين النسبة بتقل لكن يا اخي عطني ريع السنة مو راضين

قالولنا بنعطيك شهر 2 (فبراير) قلنا ماشي قالوا لا شهر 3 (مارس) قلنا ماشي

شيكنا معاهم شهر 3 قالوا اخر الشهر هم قلنا ماشي والله وكيلك الى اليوم وشهر 4 بيخلص واحنا ما شفنا شي

كلامهم والله باي لحظة ممكن نوزع

قلتلهم ليش التأخير قالوا ترى الحسابات تطول

قلتلهم ياخوي بنوك في الكويت ولها شركات استثمارية تابعة ومدققين وعرض على البنك المركزي بس اعلنوا انتوا يا فندق الى الان منتوا عارفين جم ربحكم ؟؟؟؟؟؟؟؟؟

 

[الفارس القادم]

تأخرت السنة الي طافت بدفع الرسوم اسبوع قالولي تدفع مبلغ زيادة اظن 15%

انزين قلتلهم الحين تأخرت غرمتوني تاخرتوا انتوا اكثر مني بدبلات فهل المعاملة بالمثل

زهقت منهم قلتلهم يبه ردولي فلوسي قالوا اي جني نازل عليهم من السما

قالوا احنا نبيعلك اما عن طريقنا وناخذ منك 15% من سعر البيعة

واذا انت لقيتلك شراي عن طريقك ناخذ 150 دينار عن كل صك

يعني حرمنة عيني عينك طالع واكل نازل واكل

 

[الفارس القادم]

يا جماعة مخلص الكلام ما انصح اي واحد يتعامل معاهم

ما وراهم الا الهم

فكرة الصكوك فاشلة فاشلة اشتر شي تملكه باسمك حتى لو اهي شقة ارض سهم تشتري تبيع ما احد يستغلك مثل هالجماعة

 

[m5q8i]

انت من وييييييين طالع
تكفا آنه عندي صك في فندق بدبي من 2007 إلى الحين ما سلموني ولا شي
واتصلو فيني قبل جم شهر يبون أجور الصيانة وقالولي إذا مادفعت بتروح عليك الشقة
والله ودي ابيع الصك ماني عارف شلون ، وعندي قسط ليلحين قاعد يتحول على البنك الأهلي باحسابهم ( مادري شلون شركة اسلامية) .
والله بولحية خوش واحد بس قاصين عليهم .

 

[الفارس القادم]

حياك الله والله يعوض عليك وعلينا


اخوك انا نفسك ماخذه اقساط وماكلها اكل

المشكلة انهم يوم قنعوني قالولي شوف في واحد ماخذ معانا ب 100 الف دينار

الله يعين حاله وحالنا الحين

الحين انت لازم تسدد رسوم الصيانة وفوقها غرامة تأخير ولا راح يقولك ما راح اجر لك اياها للسنة القادمة

المفروض انهم على قولتهم راح يدفعون لنا باي لحظة (توقعي ما راح نشوف شي قبل منتصف شهر خمسة)

 

[BO NASSER40]

السلام عليكم

ازيدكم من الشعر بيت

شريت استديو نظام الاسبوع بالسنه في فيلا مار البحرين
من شهر 10 سنة 2008 الى الان ماياني الصك ليلحين وهي مدتهم القصوى 3 شهور
وقابضين مني 1467 دينار

ياناس احذروا
والله الموفق

 

[m5q8i]

الله يعينك يابوناصر دشيت وقت الطيحة

ويالفارس القادم تكفى إذا توزع شي أو تابعتهم قولي الله يذكرك بالشهاده

 

[ابوالهنا]

السلام عليكم .... انا كنت شاري منهم في دبي و الغيت عقدي معاهم لانهم ما التزموا فيه و رجعولي فلوسي بالكالمل حتى مصاريف الصيانه ...

 

[ابوالهنا]

لان العقد اللي شريت على اساسه ان يكون الفندق 5 نجوم و لكن لم يصنف بهذه الدرجه بل
ب 4 نجوم و هذا اخلال بالعقد الزمتهم بان يرجعولي كل فلس

 

[ابوالهنا]

عندهم مدير متفهم و جدي و اذا عطاك كلمه يلتزم فيها ... اسمه اسامه صبباح ( طبعا لان الكتابه ما فيها تشكيل كتبت الباء مرتين لانها مشدودة )

 

[الفارس القادم]

الله يعينك يابوناصر دشيت وقت الطيحة

ويالفارس القادم تكفى إذا توزع شي أو تابعتهم قولي الله يذكرك بالشهاده

حاضر ابشر انا بالشوفة واذا ياني خبر بيوصلكم عن طريق المنتدى باذن الله

 

[الفارس القادم]

لان العقد اللي شريت على اساسه ان يكون الفندق 5 نجوم و لكن لم يصنف بهذه الدرجه بل
ب 4 نجوم و هذا اخلال بالعقد الزمتهم بان يرجعولي كل فلس

هذي نقطة مهمة ذكرتها يا خوي بس انا عندي بعض التساؤلات:

هل انت حجيتهم بنقطة بالعقد ولا كلمتهم عند التسويق

وبعدين انت صار لك فترة معاهم ولا توك

ومتى بالضبط كنسلولك العقد لان اتوقع قبل دبي تسوى اما بالوقت الحاضر دبي وضعها على كف عفريت

 

[ابوالهنا]

هذي نقطة مهمة ذكرتها يا خوي بس انا عندي بعض التساؤلات:

هل انت حجيتهم بنقطة بالعقد ولا كلمتهم عند التسويق

وبعدين انت صار لك فترة معاهم ولا توك

ومتى بالضبط كنسلولك العقد لان اتوقع قبل دبي تسوى اما بالوقت الحاضر دبي وضعها على كف عفريت

نعم انا حجيتهم بنقطة مهمه في العقد و هي نقطة تصنيف الفندق لان العقد اساسا موقع معهم على اساس الفندق 5 نجوم و هو الآن مصنف 4 نجوم و هذي نقطة مهمه تأثر في الايرادات السنوية ..
انا شريت منهم في شهر 6/2007 و الغيت عقدي معاهم في 12/2008 ..

 

[ابوالهنا]

انا كنت شاري منهم جناح اميري في اعلى فترة ..

 

[KUWAIT- STOCK]

[b]يا جماعة شركة باز شركة متخصصة فى التسويق العقارى يعنى فقط تقوم بعملية تسويق المشروع و ليس لها اى دخل تفاصيل المشروع اما التفاصيل من اختصاص الشركة المالكة للمشروع [/b]

 

[الفارس القادم]

يا عزيزي الغالي هم شركة تسويق امنا بالله

لكن

اولا اهو ممثل للشركة الان اللي سوق لها وعن طريقه استلم الارباح وانا ليس لي تعمل مباشر مع الشركة المالكوانا اشتريت على التسويق والمعلومات اللي قالي اياها. خل يقولي في البداية احتمال ارباحك تتأخر 5 او 6 اشهر ويكون واضح معاي او يقولي انا نالي علاقة متى يوزعون لكن يأتي وقت البيع يعطيك تفاصيل واذا شريت طلعت شي ثاني اهو اهني غشك. قانون الايجارات على سبيل المثال لو يتأخر لك الحق تطلعه ومع ذلك يدفع لك حقك. في صفقات الشركات اذا تم النص على موعد وتأخر لك الحق بمقاضاته وطلب فوائد على التأخير.

 

[الفارس القادم]

ثانيا يسوقق لك فندق خمس نجوم ويطلع 4 نجوم

هذا غش ولا مو غش والباز مسؤولة عنه

 

[الفارس القادم]

ثالثا يحدك وقت البيع يقولك اخذ 15 % من الصفقة

ليش وعلى اي اساس تاخذ

اذا تقول سمسره اخذ 3 او 4 او 5 بالمية لكن 15% هذا اجحاف

ولا تظن ان هالمبلغ بتاخذه الشركة المالكة لا يبه بتاخذه الباز

 

[الفارس القادم]

رابعا انت يبت شراي مو عن طريقهم هم ياخذ منك مبلغ على العملية

150 دينار على كل صك

هذي كلها حرمنه ولا مو حرمنه

يا خي كل اللي بتويه عمل ورقي بتغير الصك من اسم فلان الى فلان تاخذ فلوس لييييييييييييييييش


ويبون الناس تشتري منهم