هل المسيلة صالحة للسكن ؟

[KuwaitSE]

الكثير يتكلم عن عدم مقدرة بناء سراديب في هذه المنطقة بسبب كثرة المياه هناك هل سيكون سبب في انخفاض الاسعار في المستقبل وهل ستكون صالحة للسكن ؟

 

[musad]

حبيبي الواحد قبل لا يبني يفحص التربه ويكلف تقريبا 50 دينار بعدين للحين ما بينت مشاكل مع المشروع مع الشركة المنفذه للبنية التحتية مو مثل مدينة( جابر )

 

[KuwaitSE]

يعني قبل لا أشتري أرض لازم أفحص الارض ؟
وخوفك أفحص وتالي تطلع فيها مشاكل

 

[khaled1]

انشاءالله ماكو خوف الناس بنت عند جهة البحر وماكو شي والحين المكان اتوقع ابعد لاتحاتي بس اسعار الاراضي هناك ضرب فوق كلش مع ان الفنيطيس يمكن تخلص قبلها واسعارها افضل

 

[musad]

انشاءالله ماكو خوف الناس بنت عند جهة البحر وماكو شي والحين المكان اتوقع ابعد لاتحاتي بس اسعار الاراضي هناك ضرب فوق كلش مع ان الفنيطيس يمكن تخلص قبلها واسعارها افضل

كلامك فيه شئ من الصحه بس بخصوص ان الفنيطيس تخلاص قبل المسيله اختلاف معاك بالراي لان المسيله 6 شهور ويسمحون بالبنيان والفنيطيس للحين اللع واعلم .

 

[khaled1]

والله بيني وبينك ماشفت الاثنين امر يمهم بس ما اعرف منو المسيلة ومنو الفنيطيس؟؟؟؟؟؟؟؟ بس افهم من كلامك ان المسيلة راح تواجه عيوب في البناء؟

 

[سناعيس]

المسيله ارض صبخه
واللى يرغب ببناء سرداب فراح يكلفه مبلغ طائل

لتركيب ابر تنزف المياه الجوفيه خلال فترة البناء والحفر

ووضع عوازل للارض والجوانب

واستعمال اسمنت خاص مقاوم للاملاح

وامور اخرى فنيه مكلفه الله العالم

ويمكن الرجوع لارشادات البناء اللى يكتبها المهندس الاستاد بالجرايد وكتيب جمعية المهندسيين

 

[بوعبدالعزيز68]

والله اللي قال ارضها صبخة صح كلامه لان كان عندنا مزرعه هناك وفي ايام تجد الارض مثل الرطوبه فيها بس هل فيها مشكله لازم اهل الخبره يفيدونا

 

[الأبطح]

اخوي سناعيس ماشاء الله عليك ما خليت شي حق الاستاذ
وبالنسبة لفحص التربة فهو شي الزامي حتى يعرف منسوب
تاسيس القواعد وخواص التربة

 

[عذبي 71]

المسيلة ياجماعة فيها اماكن كلش طينه بالخصوص بين صباح السالم مقابل شارع الفحيحيل هالجزء من المنطقة هالمثلث الله يعين راعيها
من جهة شارع الغوص جنوب قرب القرين الارض مرتفعه وجيده بس المشكله اهناك المقبرة

 

[محمد خليفه]

بسم الله الرحمن الرحيم

اخوي ممكن تبني سرداب حتى اذا فيه ماي بس يكلفك لان الماي ينسجب بجهاز وهمن يكلفك وقت يبي على الاقل ثلاث شهور نفس مجمع المطاعم الجديد الي يم مركز سلطان طلع فيها ماي وقعدو ثلاث شهور يسحبون والحين بنوا ووصلوا الدور الثالث

 

[KuwaitSE]

انزين شمعنه المسيلة بالذات ؟ ويمها سلوى و البدع مافيهم شي ؟ ويمها بعد صباح السالم

 

[musad]

ياطيب قلت لك في السابق أنا الشركة ووزارة الاشغال ما شتكوا من المنطقة يأخي رووووووووح وزارة الاشغال حق المهندس المشرف على المشرووووووع وراح يفيدك ويكفي تأليف ياشباب

 

[بوعبدالعزيز68]

والله الظاهر اخونا مو عايش بالواقع منو تسأل بأي وزاره بيوت الظهر واستاذ جابر يبا احنا نبي نشتري ارض لنبني وليس لنضارب نبي احد يفيدنا موثوق وليس لدية اراضي بالمسيلة او غيرها

 

[musad]

والله الظاهر اخونا مو عايش بالواقع منو تسأل بأي وزاره بيوت الظهر واستاذ جابر يبا احنا نبي نشتري ارض لنبني وليس لنضارب نبي احد يفيدنا موثوق وليس لدية اراضي بالمسيلة او غيرها

رووووووووووووووح أسئل ما فيها شئ أحسن من التأليف وبعدين اذا تبي تشتري الله يوفقك وطرح لك البركة

 

[look4land]

اخوي KuwaitSE ليش ما تاخذ من القطعة اللي صوب العدان و راح تضمن موضوع صلاحية التربة اعتقد لان العدان انبنت و خلصت مو معقولة بعبرة شارع بيختلف الوضع

 

[musad]

اخوي kuwaitse ليش ما تاخذ من القطعة اللي صوب العدان و راح تضمن موضوع صلاحية التربة اعتقد لان العدان انبنت و خلصت مو معقولة بعبرة شارع بيختلف الوضع

تدري عاد مره كنت اشوف بيت ابي اشترية بالعدان قطعه 7 وبالذات الى قريبة يم المسيلة ويفصلهم شارع الغوص تدري أن السرداب كان فيه الطوف متبططه ناقعه ماي بس هم اقول فحص التربه اهو المقياس

 

[khaled1]

المسالة فيها خووووووف

 

[الأبطح]

العدان فيها مشاكل بالنسبة للسراديب
واللي يبي يتأكد يروح بلدية مبارك الكبير
اللي بمنطقة العدان ويسأل كم حالة مرت عليهم

 

[musad]

العدان فيها مشاكل بالنسبة للسراديب
واللي يبي يتأكد يروح بلدية مبارك الكبير
اللي بمنطقة العدان ويسأل كم حالة مرت عليهم

وأنا ايد كلامك 100 %