سوال لاهل الخبره عن ما هي افضل (زين او فيفا او وطنيه)

[MUSAED77]

ابي سوال لاهل الخبره ابي اشتري اشتراك انترنت من (زين او فيفا او وطنيه)

ايهم افضل ويكون سريع خاصه في البورصه ولكم مني كل شكر


مع العلم انه باجر راح يبدي معرض زين بمشرف

 

[فيصل احمد]

زين ممتاز
وطنيه بطيه
فيفا سريعه

 

[MR-VIVA-Q8]

اخوى زين جيد لاباس فيه اذا كان اشتراكه 28د,ك اما الوطنيه اشتراك 14 زين موتوب ابو 28جيد جيدا واخيرا فيفا ابو 24 جيد جدا وهذا الى عندى للعلم,

 

[MUSAED77]

مشكورين ونبي بعد اراء اخري

 

[b7rani]

بصراحه عندي اثنين زين و وطنيه عندي هذا وعندي هذا عندي 28 زين حق المرا وعندي 28 وطينه حقي انا وبصراحه وطنيه احسن ليش سرعته توصل واااايد خصوصا لمن انزل شئ من ليم وير او تورنت تعال شوف امس ننزل فلمين اكس مان اليديد مع كيلر نزلو ب5 ساعات وبالتصفح وطنيه اقوي وعلى فكره سالفه 28 خلاص انساها لانه مسوين عرض الوطنيه من الشهر الياي راح يصير اشتراكات بو 28 يصير 25 واذا انت دفيع يعني تدفع كل شهر يصير 23 ونص وبو 15 راح يصير 13 واذا انت دفيع يصير 12
ودق عليهم وشوف بنفسك

 

[خالد ك]

زين ممتاز 14 د.ك

 

[لايردك الدينار]

شوف اخوي اول شي ترا السرعه على حسب منطقتك

انا ساكن بالرقه وكان عندي زين الصراحه فاشله ومانفعتني بس لمه اروح فحيحيل تصير زينه

وشريت فيفا وماشاءلله ميه ميه سريعه ومافيها شي

فمادري والله ياخوي عن شبكه منطقتكم

لان ترا الشبكه تلعب دور كبير

تحياتي لك

 

[snouman]

أنا مع كلام الاخ لايردك الدينار

 

[fss911]

الفيفا ماعليها كلام الفيفا وبس

 

[هادي33]

اسأل المجرب ولا تسأل الدكتور

كل الشركات تعتمد على موقعك اخووي

حط هالجمله ببالك !!!!!!!!!!!!!!

انا ساكن بمنطقه صباح السالم والسرعه عاديه بس اروح حولي او الديره !!!! اشوف الخدمه سريعه

تتصل على الشركه وكلمت كذى مهندس فيقولون السرعه على حسب الاشخاص ألي بالمنطقه

وبعدك عن البرج !!!! برج الانترنت وليس برج العادي للموبيل.

فأنا انصحك تشوف اي احد من ربعك وتجرب من مكان تواجدك او اكثر مكان تكون فيه ....

من بعدها تقرر .....

وهالنصيحه محد يصحها لك .....وبعذاب مع الشركات واكاذبهم ودعايتهم .....يقولون 7 ميغ هههههه 7بطيخ

 

[musad]

حاليا فيفا احسن لان مشتركينها شوي لكن بعد جم شهر اكيد راح تتعب شبكتهم لكن نصيحتي انحش عن الوطنية خدمتهم تعبانه والشبكه ززززززززززززززززفت يعني خذ فيفا الوقت الحالي بعدين ربك يحلها