موضوع البيمه [التامين الشامل]

[Knights]

شلونكم اخواني عساكم بخير ان شاء الله
اخواني ابي رايكم بموضوع صار لي بعيد الشر عنكم قبل اسبوع صار لي حادث حلو والطرف الثاني دعمني من وراء ورحنا الخبير الفني وقالي هذا التقرير وده حق المحقق وبعدين قالي هذا اذن تصليح والغلطان الطرف الثاني وطلعت سيارته من سيارات التاجير مال الشركات[تبع شركه اورنتال للتامين تبع الملا] حلو ولم رحت حق بيمته اهو طبعا بيمه شامله
وانا ضد الغير
قالي راح ندفعك فلوس مع العلم كل الغلط عليه وتقرير الخبير الفني يثبت هالشيء
وقالو سيارتك تصليحها غالي ورد علي مديرهم قالي روح ارفع قضيه ومن هالكلام بعدين عطوني مقايسه حق البشر لانه سيارتي مرسيدس وللاسف لحد الحين صارلي ايام وانا اتصل واراكض وراهم ولحد الحين مدري شنو اسوي ابي رايكم وانا اخوكم وهل لو ارفع قضيه من حقي وينفعني هالشيء
لانه ظلم والله انا مو غلطان وادفع فلوس وياهم يقولون نسبه 55% على موديل سيارتي لانه موديل 2005 على قطع الغيار هل نسبه ال55% على الاستهلاكي مع العلم المدقر + الدعاميه والسنسر والقزوز مو استهلاكي
اخوكم فالح الرشيدي
وسامحوني على الازعاج

 

[Knights]

مع العلم تصليح السياره 620 دينار قطع غيار + 680 دينار شغل ايديهم
ولو بدفع هالنسبه طار الداس علي فوق ال600 بدفع وهذا مو غلطان
ويقولي مديرهم هذا قانون ديرتك عندك مانع ما ادري هل اطر منه انا !!!!
هل هالموضوع صحيح انفعوني جزاكم الله خير وربي مقهور حسبي الله ونعم الوكيل

 

[قناص_السوق]

اخوي اقرى هالموضوع
http://www.indexsignal.com/vb/showthread.php?t=160913
بالتفصيل لا تطوف ولا سطر
وروح اخذ حققك من شركة التأمين ....... وعلمهم شلون يلعوزونك و يتحكمون بالكراج اهم شي لحد يجيس سيارتك قبل ما توقع العقد ...

 

[Knights]

اخوي اقرى هالموضوع
http://www.indexsignal.com/vb/showthread.php?t=160913
بالتفصيل لا تطوف ولا سطر
وروح اخذ حققك من شركة التأمين ....... وعلمهم شلون يلعوزونك و يتحكمون بالكراج اهم شي لحد يجيس سيارتك قبل ما توقع العقد ...

الله يجزاك خير يالغالي اهي بالوكاله ومسوين لها مقايسه وما سويت ولا شيء وناطر شنو يصير
وكثر الله من امثالك اخوي وربي منقهر منهم اندعم وادفع مصيبه وربي

 

[mb34]

ذكرتني في سالفه غديمه قبل اربع سنين كنت توني مطلع سيارتي اللكسس مصارلها اسبوع واقف عند الاشارهيمي سيارتين ومتقيد بل مرور جان تيلي مغربيه لحقه واحد جان تدعمني من جدام وطيرلي سياره كلها من جدام لكن هاذا مو مضوعي موضوعي هو شركتي اللتأمين رحتلهم جان يقولولي راح نصلح لك سيارها كلها بس تتحمل 40 بل اميه جان اقوم واعصب عليه قتله انا مو غلطان ومتقيد بل مرور و هي الغلطانه وانا اتحمل المهم يمين يسار قتلها بخلاص بحولها قضيه انا ابي حقي جان يخاف وبقولي خلاص راح نمشيها لك هل نمره بس مره ثانيه غير المهم المهم الورقه وصورو السياره واضرارها وصلحو السياره بلاش وله عطوني سياره اجار علي حسابهم بس عطهم العين الحمره علشان يخافون هذول شركات التأمين كله نصب واحتيال علي ضهور الناس وشكرا

 

[Knights]

جزاك الله خير وكثر الله من امثالك اخوي وربي قهر اندعم وادفع ما يصير ظلم وربي

 

[أمير بطيبتي]

من خلال خبرتي بشركااات التاااامين اذا ماوقفت بحلجوهم ماااتخلص واجراااءات واحد من ربعي سمة 2003 سيااارته لومينا اس اس2002 وتااامينها شااامل ودعمه وانعدمت السيااره وبعد تقدير تصليحها طلللع اكثر من قيمتها وكااان متضرر الشااصي وعطوه سيااااره ثااانيه لومينا 2003اس بس دفع زياااده 600 ديناار واستلم السياااره من الوكاااله بس ترى شركااات التااامين مااتمشي الا بالعين الحمررره واخذهم بالصيحه

 

[قناص_السوق]

اخوي اول شي اضيف لك معلومه والله يكافينا شر الحوادث :-
طالما انت متضرر و تامينك ضد الغير , مو مهم نوع تأمين الي دعمك شامل ولا ضد الغير ما تفرق وياك

بس تفرق مع الي دعمك ان سيارته ما تتصلح على حسابه الخاص

بخصوص سيارتك الي بالوكاله حاليا :-
يسون مقايسه بالسعر , وغصبا على شركة التأمين تعطيك مبلغ اجور اليد و صبغ السياره كامل نفس الوكاله (او اشتك عليهم في مجمع الوزارات الدور الثاني قسم رقابة التامين وزارة التجاره والصناعه ) واذا ما فاد المحكمه بس انشالله ما توصل . . .

طبعا بعد تقدير الاضرار و تحديد نسب الاستهلاك

اذا كان تصليح السياره يساوي اكثر من تكلفتها بالسوق لك حلين (يا تقولهم يثمنون السياره بسعرها بالسوق او تقولهم يسونها مقطوعيه و مالهم شغل اي كراج توديها او وين تصلحها انشالله من السكراب و تحط زياده بجيبك ... )

لكن تأكد ان الحسبه تكون بكراج الوكاله حتى تظمن اعلى سعر ....
ومر على وزارة التجاره اخذ معلومات اكثر ترى ما راح يقصرون وياك هناك

 

[Knights]

ما قصرت والله يالغالي بس تكلفتها تصليح بالوكاله قطع الغيار الي اهي الدعاميه والسنسر وتعديل المدقر والقزوز وجسر الدعميه وشغلات مدري شنو ثانيه تكلفتها القطع ب620
وشغل ايدهم 700 دينار لانه المدقر يبيله شغل على كلامهم وغير الصبغ وهالسوالف

 

[قناص_السوق]

ما قصرت والله يالغالي بس تكلفتها تصليح بالوكاله قطع الغيار الي اهي الدعاميه والسنسر وتعديل المدقر والقزوز وجسر الدعميه وشغلات مدري شنو ثانيه تكلفتها القطع ب620
وشغل ايدهم 700 دينار لانه المدقر يبيله شغل على كلامهم وغير الصبغ وهالسوالف

بخصوص ال 700 اجباري كامل يعطونك ياها .... لان القانون يقول لازم يؤدون المبلغ كامل مهما بلغت الاسعار ..

بس بخصوص قطع الغيار حسب موديل سيارتك مثلا 2007 تتحمل 35 دينار من كل 100 دينار

بس تقدر ترجع مدني على الي تدفعه من جيبك نسب الاستهلاك و الاضرار الي صارتلك ماديه ومعنويه + ادبية بعد ما يطلع الحكم في القضيه المروريه من صالحك وبعد ما تستلم المبلغ من شركة التامين

واذا في حل ثاني عشان تعوض نسب الاستهلاك او في حالات استثنائيه عشان ما تدفع فلس من جيبك هذي ما ادري فيها مر وزارة التجاره مجمع الوزرات قسم التامين بالدور الثاني عند الرقابه اسألهم عن الحلول و متى ما تدفع فلس واحد من جيبك ...

ولا تنسى احفظ كل الفواتير عندك على اي شي تسويه ... عشان لا يضير حقك

 

[Knights]

ان شاء الله يالغالي وجزاك الله الف خير وكثر الله من امثالك وانا اخوك

 

[قناص_السوق]

العفو ما سوينا شي , بس تكفى اي معلومه تكتسبها او اي شي يصير وياك اذا رحت وزارة التجاره و خذيت تفاصيل اكثر قولنا هني حتى نستفيد اكثر . . .

انا قبل 4 ايام ابوي راحلهم لان عدم سيارتنا واحد بس الحمدالله على كل حال بالحديد ولا فينا و نفسك تهاوش مع التأمين

بس الي عرفته من ابوي ان راح وزارة التجاره و عطوه اوراق خاصه بالقرارات الداخليه للتامين بس انا ما اطلعت على الاوراق وانشالله احاول اشوف الاوراق اليوم وانقلكم القرارات بالمنتدى ... بعدها الي عرفته من الوالد ان التأمين قام يترجاه مو اهو الي يترجى التامين ...

وطبعا نسب الاستهلاك مفروض يحسبونها علينا 75% لان السياره 2003 حسبوها لنا بدون نسب استهلاك .... بس مقابل تنازل من ابوي اي شي فيها بالمستقبل اهو يتحمله ... او اي قطعه يبين انها متضرره بعد فك السياره بالكراج و الحين حمدالله قاعدين يشتغلون بالسياره بكراج التامين
كنا بنوديها الوكاله بس سعر الوكاله ما يقدر علييه ابوي في هالفتره لضروفه الخاصه ... انجبر يروح كراج التأمين ...

 

[الـمـحـامـي]

بسم الله الرحمن الرحيم

أخي العزيز .. طالما أنك لم يصدر منك خطأ في الحادث تجاه الطرف الآخر المرتكب للحادث .. وتم إثبات ذلك بمحضر الشرطة وتقرير المعاينة والتقرير الفني .. وتم إثبات جميع التلفيات التي بسيارتك فيحق لك متابعة الجنحة والإدعاء فيها مدنياً بتعويض مؤقت .. وبعد صدور حكم نهائي فيها بالإدانة للمتهم مرتكب الحادث .. يحق لك بعد ذلك رفع قضية تعويض ضده وضد شركة التأمين المختصة للمطالبة بالتعويض المادي وما لحقك من خسارة وما فاتك من كسب بجانب التعويض الأدبي والمعنوي والأضرار التي لحقت بالسيارة على أن تحتفظ بجميع فواتير إصلاح السيارة سواء قطع غيار أو أجرة اليد .. وسوف يحكم لك بالتعويض بناء على نص المادة / 227 من القانون المدني والتي تنص على أن " كل من أحدث بفعله الخاطئ ضرراً بغيره يلتزم بتعويضه سواء أكان في إحداثه الضرر مباشر أو متسبب "

المحامي / عوض ماطر المطيري
99420979

 

[nabhaan79]

سبحان الله

الله يجزاك خير أستاذ عوض

بصراحه الواحد صار عنده وعي قانوني من خلال تتبع كتاباتك وردودك الله يجزاك خير