250 نقطة تفتيش لضمان الأمن والسيطرة

[bnyder2002]

من 12 ليلاً حتى 6 صباحاً
250 نقطة تفتيش لضمان الأمن والسيطرة



كتب محمد الشرهان:
بدأت وزارة الداخلية، اعتبارا من منتصف الليلة الماضية، تطبيق خطة «الأمن والسيطرة»، التي تشمل نشر 250 نقطة تفتيش في عموم مناطق الكويت، من الساعة 12 ليلا وحتى السادسة صباحا.
ولم تعط مصادر أمنية اي تبرير لهذه الخطة، التي تنفذ في موسم الانتخابات النيابية، لكنها أكدت انها تضمن مزيدا من الأمن والسيطرة في عموم مناطق البلاد.

 

[لؤلؤة البورصه]

الله يحفظ الكويت وشعبها من كل مكروه

 

[kuwaitey]

ياولينا البيمه منتهيه الله يستررررر​

 

[acton]

الله يحفظ الكويت وشعبها من كل مكروه.. عندي ملاحظه

هل هذا منظر حضاري ان نشوف نقاط تفتيش وكأننا في معتقل

الدول الاوربيه المتحضره طبقت نظام الكاميرات على كل المناطق والاسواق

وهي كاميرات صغيره معلقه فوق تراقب الحدث وتكشف المجرم من البدايه

في بريطانيا بعد احداث تفجيرات الباصات والقطارات لم يكن هناك نقاط

تفتيش وسيطره كل ماهناك كاميرات تصوير وتم القبض على المجرمين

بساعات واي حادث سرقه او عمل اجرام يتم السيطره بساعات بسبب وجود الكاميرات

اتمنى ان يطبق نظام الكاميرات في انحاء مناطق الكويت حتى نكون في

مأمن ونكون من الدول المتقدمه بدل مانكون من العالم الثالث ​

 

[yoyo1983]

شي حلو تواجد الامن في كل مكان ولكن الموضووع عليه علامة استفهام​

 

[wooow]

مبروك علينا الامن والامان

 

[SuperFast]

لماذا نقاط التفيش ؟ اهني السؤال ؟
١-هل هذا التحرك للوزاره ضد الشعب و اعتقالها الطاحوس وهو احد ابناء الكويت البرره مؤشر لسياسه اضطهاديه جديده ؟ الموضوع يتعقد ؟
٢- نقص بالميزانيه و يريدون يجمعون مخالفات من هالشعب المسكين ؟ عشان بدل تحيه حق الشرطيات !؟
٣- مو التفاتيش عاده مكتسبه من جار الشمال تعلمناها سنه ٩٠ ؟ ذكرتونا بالغزو العراقي الغاشم .
٤- هل في نقاط التفتيش اثبات صريح لانفلات امني حيث كل من هب و دب قام يطعن في الشعب الكويتي اخرهم بوعمامه المهري اللي قال يجب هالفتره اسقاط قروض العراق و عدم الالتفات للشعب الكويتي !؟
٥- فائده هالتفاتيش ؟ زياده المحبه بين الشعب و بين وزاره الداخليه لما يخالفك عشان عقالك مو لابسه عدل او ليش مو حاط مرينا اف ام ؟ او ليش جلد سيارتك اسود ؟ او ليش مسوي لحيتك قفل مو عوارض ؟
٦- ما خفي كان اعظم .

اتقو الله في انفسكم انتو في نعمه كبيره و شعب معطينكم ويه للآخر ... والله المستعان

 

[saeed]

الله يعطيهم العافيه العيون الساهره على امن وامان الوطن

حفظ الا من مسؤليتهم

بارك الله فيهم

 

[q82007]

تحصيل مخالفات


اما من كان مخالفا للقانون فسوف يتجنب اماكن التفتيش الثابته

 

[أبوفلان]

وليييييييييه

لا ليسن

لا دفتر

كل شي مسحوووب ومنتهي صارله ثلاث سنوات

 

[حمود الفشقه]

السلام عليكم...

حلووووو
وأن شاء الله يكون للحساوي والصليبيه نصيب من هالدوريات...تبون تشوفون العجب إذا رحتوا هناك ياوزارة الداخليه

....وياليت في إداره كامله في الداخليه تبحث وتراقب من يشتري الذمم من المدلون بأصواتهم إذا السالفه بفترة الأنتخابات فقط.

 

[نيويورك]

الله يعطيهم العافيه و يقويهم ..
احنا بوقت انتخابات و مع الاسف مخالفات القانون تكثر و بالتالي يزيد العبء عليهم من اجل امن و امان الكويت ...

 

[Shima]

أول مره تحصل هالسوالف عندناااا !!

اكيد حاطينه علشان هالفرعيات من متى هالامور تحصل عندنا بالله من متى كانت حكومتنا تسيطره على حريات الشعب وإختياراته ,,,, !!!!!

الله يرحمك ياجابر الخير ​

 

[LITERATURE]

بييييييي عاد انا مغيم 90%

 

[al_jaree7]

رد

لماذا نقاط التفيش ؟ اهني السؤال ؟
١-هل هذا التحرك للوزاره ضد الشعب و اعتقالها الطاحوس وهو احد ابناء الكويت البرره مؤشر لسياسه اضطهاديه جديده ؟ الموضوع يتعقد ؟
٢- نقص بالميزانيه و يريدون يجمعون مخالفات من هالشعب المسكين ؟ عشان بدل تحيه حق الشرطيات !؟
٣- مو التفاتيش عاده مكتسبه من جار الشمال تعلمناها سنه ٩٠ ؟ ذكرتونا بالغزو العراقي الغاشم .
٤- هل في نقاط التفتيش اثبات صريح لانفلات امني حيث كل من هب و دب قام يطعن في الشعب الكويتي اخرهم بوعمامه المهري اللي قال يجب هالفتره اسقاط قروض العراق و عدم الالتفات للشعب الكويتي !؟
٥- فائده هالتفاتيش ؟ زياده المحبه بين الشعب و بين وزاره الداخليه لما يخالفك عشان عقالك مو لابسه عدل او ليش مو حاط مرينا اف ام ؟ او ليش جلد سيارتك اسود ؟ او ليش مسوي لحيتك قفل مو عوارض ؟
٦- ما خفي كان اعظم .

اتقو الله في انفسكم انتو في نعمه كبيره و شعب معطينكم ويه للآخر ... والله المستعان

SuperFast الله يعطيك العافيه على مشاركتك بس اعتقد ان ردك ( سييس ) الموضوع . وحاب ارد عليك لتعديل أفكارك فقط

1 _ الطاحوس من ابناء الكويت البرره ولااحد يختلف على ذلك ولكن تصريحاته في الندوه اللي اقامها خطيره جدا وفيها نوع من تحريض الشعب على الحكومه والسؤال هنا ..... هل تريد معالجه الاوضاع في البلد عن طريق المظاهرات والتهديدات للحكومه = اذا سمحت لك الحكومه بذلك فمصيرنا راح يكون مثل بنغلاديش ويبقى انه كل قبيله تشكل لها جيش ميليشيا وتحارب الحكومه بعد !! اذا في قانون بالبلاد يحكمك ويحكمنا وان تعديته تحاسب لاتخلط الامور لان الموضوع ( 250 نقطه امنيه لضمان الامن والسيطره ) وليس سبب اعتقال الطاحوس .

2 _ مو نقص بالميزانيه ، بل مخالفه كل شخص يخالف القانون ، وهذا اتجاه للاحسن فأحفظ نفسك ولاتخالف القانون عشان ماتدفع غرامه اما بخصوص تعليقك على بدل الشرطيات فقد اثبتت التجربه في دوله الامارات الشقيقه وغيرها ان انخراط المرأه في العمل الشرطي رفع كفائه جهاز الشرطه ووزاره الداخليه في الكويت تعاني من نقص بالقوه والسبب عزوف الشباب عن العسكريه ، فأن التحاق المرأه بالعمل الشرطي يسد حاجه الوزاره في الاعمال الاداريه ، كالهجره ، والجوازات ، ومراكز خدمه المواطن وغيرها ....

3 _ لايقارن اقامه نقاط التفتيش بوقت الغزو والحين ، هي ليس عاده مكتسبه لكن ببساطه ( زياده الجرائم في وقتنا الحاضر تحتاج اي سيطره امنيه اكثر ... من خلال اقامه نقاط تفتيش )

4 _ مو فاهم تعليقك ماله شغل بوعمامه بالانفلات الامني

5 _ للعلم أن خالفك على هالاشياء اللي ذكرتهم تقدر تشتكي عليه في وزاره الداخليه اداره العلاقات العامه ( قسم الشكاوي ) بس لاتنسى تييب المخالفه اللي فيها عوارض هههههههه .

6 _ الحمد لله على نعمه الامن في بلدنا .....



(اتقو الله في انفسكم انتو في نعمه كبيره و شعب معطينكم ويه للآخر ... والله المستعان)
الشعب في نعمه كبيره لايذكرها الا اذا زار احد الدول العربيه الفقيره او الدول الاجنبيه المزدهره

مثالين عشان ماعندي وقت
( في لندن يدفع الشعب ضريبه على القمامه اعزكم الله التي يرميها خارج بيته في صندوق القمامه )
( وفي مصر يدفع المواطن ضريبه على الستلايت لما يحطه في سطح العماره اللي ساكن فيها )


والسلام ياصاحبي ​

 

[SuperFast]

al_jaree7 مشكور على ردك و اعقب لك على كلامك

١- سبب الربط بين الطاحوس و هالتفاتيش هو التوقيت الزمني ؟ ليش ماشفنا قبل شهرين او اربع ٢٥٠ تفتيش من الساعه ١٢ بليل لين الساعه ٦ الفير ؟

٢- اذا ماتدري عنهم افتح الجرايد واقرى عن موضوع تبلي الدوريات على المظلومين و مايبون احد يشتكي عند المحققين على اي دوريه وصار بين المحققين والدوريات مناطح بالجرايد . اذا كانت الوزاره جاده ليش مايحطون كاميرات للدوريات مع ميكرفون يسجل المخالف واقواله بحيث يصير دليل قاطع لان الشرطي مو ملاك و يغلط مثل الناس العاديه تغلط .

٣- كلامك مايدش عقل !! ... يعني الحين مسكت واحد مغيم سيارته ومسوي جريمه لاينساها التاريخ ؟ ولا باق ناقلات النفط بالغزو ؟ ولا مسوي مناقصه مصفاه ؟ و محد مسكه و صار راعي التغييم اهو الجرايم اللي يتعب عشانها رجال الداخليه الابطال ؟

٤-بسبب صاحبنا ده . صار انفلات اعمامات شعبي في التصدي له و انكار كلامه و مايطيحون قروض هالفقارا المواطنين و يطيحون قروض واحد غزانا ؟

٥- مو انت اذا حطيت ستيكرز على سيارتك ما تتخالف و اذا على الدوريه ستيكرات .. غير مخالف .. ولما حضرتك تغيم تنسحب السياره و لما جيبات اللاند كروزر الدوريات يغيمون .. عادي

٦- الحمد لله على نعمه الامن في بلدنا ..... الحمدلله على كل حال و الحمدلله على الجرافات اللي تكسر هالدواوين و تكسر هالزرع وبيوت خلق الله ... و الحمدلله انه هالجرافات مربوطه بسلاسل بحيث انها ماتوصل حق مخالفات المسيله ولا مخالفات التجار اللي بالشويخ الصناعيه ولا مخالفات المناطق كلها .. والحمدلله على كل حال .


وانت قلت :
مثالين عشان ماعندي وقت
( في لندن يدفع الشعب ضريبه على القمامه اعزكم الله التي يرميها خارج بيته في صندوق القمامه )
( وفي مصر يدفع المواطن ضريبه على الستلايت لما يحطه في سطح العماره اللي ساكن فيها )

وانا اقولك :
بالكويت في رسوم ( الترجمه لكلمه ضريبه باللهجه الكويتيه ) لكل درام زباله وانتو بالكرامه جدام البيت ومقداره ( دينارين ) شهريا .
و ايضا ماننسى انه في بريطانيا طرارين يطرون حق يوكلون وانتو بالكرامه ( كلابهم ) و يوكلون نفسهم من فلوس الطراره

اهني السؤال :
هل اعجبتك بريطانيا او مصر ؟

الجواب :
روح عيش فيهم

انت تغرد بعيدا عن السرب وعبرت حق مصر وبريطانيا .