سؤال بخصوص انقطاع عن عمل

[gazen]

السلام عليكم

موضوعي باختصار :

طالع باجازه رسمية فيها توقيع المدير والمسؤول << بس بعد شيبون

المهم انه كاتبين فيني كتاب انقطاع عن عمل مرتييييييين !!

معاشي كان واقف شهرين / شهر 2 و 3 وبأخر شهر 3 طلعت واسطات عشان يردون معاشي ويعطوني شيك

المهم خذيت الشيك وصرفته وحطيت المبلغ بحسابي!

للحين الامور طيبه

والاسبوع اللي طاف دازين كتاب مره ثانيه بيوقفون راتبي !! جنه ماكو الا انا بالوزاره!

علما ان اجازتي كانت بتاريخ 15/2 وتنتهي قبل العيد الوطني 24/2 وسويت مباشرة عمل بتاريخ 1/3 اللي اهو بعد الدوام الرسمي!
جميع الاوراق موجوده : مباشرة العمل / تصريح الاجازه / حتى نشرة الاجازات عندي !

حبيت اعرف شنو الاجراء اللي اتخذه معاهم نفسيتي تعبانه كل يوم وثاني موقفين معاشي

ويعطيكم العافيه على القسم الحلو

 

[قناص_السوق]

اخوي الله يعينك بس بسألك هذي اجازات خاصه بدون راتب الي قاعد تاخذها ؟

 

[gazen]

لا اخوي اجازه سنويه من رصيدي براتب كامل وبعدين انا ماخذ تقريبا 10 ايام

 

[fayoona74]

اول شي لازم تعرف بعض الامور قبل ماارد على سؤالك:
لما مسئولك يوقع اجازتك يدزونها الشئون الادارية بجهة عملك يطلعولك قرار عندهم ينحط على النظام المربوط مع ديوان الخدمة بالموافقة على منحك الاجازة وعشان يصدرولك هالقرار لازم يتحقق امرين / 1. رصيد اجازاتك يسمح 2. ان ماتتعدى بالاجازة الحد المسموح فيه خلال السنة وهو 90 يوم كحد اقصى .
اذا طلعت بالاجازة وكان رصيدك مايسمح يعني مثلا ماخذ 20 يوم وانت ماعندك رصيد الا 10 ايام يعتبرونك منقطع عن العمل 10 ايام وهكذا. ودايركت يتوقف راتبك طبيعي وتدش بموال تحقيق اداري وعقوبة.
اما اذا كان رصيدك يسمح وكل شي اوكي بس جهة عملك مادزت النموذج للادارية هم هني يوقفون راتبك لان عندهم يبين انك منقطع عن العمل وماتضبط امورك الا لما يدزون الاجازة ومباشرة العمل ويدققون على الضوابط اللي قلتها فوق بعدها يرفعون عنك الوقف.
وبالنسبة لموضوعك الاجراء بسيط جدا :
1. اول شي تاكد انه في كتاب رسمي طلع من ادارتك للشئون الادارية بنموذج الاجازة ومباشرة العمل
اذا مافي هالكتاب لازم بسرعه تسوي كتاب رسمي يوقعه مديرك ويدزه مرفق معاه نموذج الاجازة المعتمدة ونموذج مباشرة العمل وتراجعهم فيه عشان يسوون كتاب للمالية يصرفون راتبك او يرفعون الوقف او يلغون كتاب الانذار بالوقف.
2. اذا كانو جهة عملك دازين الكتاب ولازالو الادارية مصرين على سالفة وقف الراتب روح تاكد ليش مصرين اذا كان ماعندك رصيد اجازات او متعدي الحد المسموح فيه مالك حق بالمطالبة والله يعينك على سالفة الانقطاع والتحقيق وانشالله مايصير هالشي
واذا كل هذا مو متحقق سو تظلم وهو عبارة عن كتاب توقعه بنفسك وتوجهة للرئيس الأعلى للي قاعد يوجهلك الكتب مثلا يوصلك كتاب بتوقيع مدير تروح للوكيل المساعد وهكذا او انك توجه الكتاب لوكيل الوزارة وصيغة الكتاب بسيطة مايبيلها شي
السيد/ .... بعد التحية
نفيدكم بأنه بتاريخ ...... تمت الموافقة من قبل مسئولي المباشر والمسئول الذي يليه على منحي اجازة دورية بواقع 10 ايام تبدا اعتبارا من ..... وتنتهي في ..... وذلك وفثقا للثابت بنموذج الاجازة المرفق.
كما أني قد باشرت العمل بالتاريخ المحدد في ....... وذلك وفقا للثابت بالنموذج المرفق المعتمد من المسئول المباشر لي والمسئول الذي يليه علما أن رصيد اجازاتي يسمح بتلك المدة الممنوحه لي علما أن رصيد اجازاتي يسمح بالمدة التي تمتعت بها كاجازة دورية
وحيث أنه تم وقف راتبي بتاريخ ....... واتم استئناف صرفه بتاريخ ......... الا أنه قد تم توجيه كتاب رسمي من قبل ....... رقم ....... المؤرخ ......متضمنا انه سيتم وقف صرف راتبي على سند من القول أن .........
وحيث أن ماجاء بالكتاب أعلاه يعد تعسفا باستخدام السلطة وجاء مخالفا لصريح حكم المادة 35 من قانون الخدمة المدنية .
لذا نود التفضل باتخاذ ماترونه مناسبا حيال سحب ماجاء بمضمون الكتاب اعلاه.


وهذا الكتاب توجهة اذا فعلا باشرو بوقف راتبك بس اخذها قاعدة مافي راتب يوقفونه مني والدرب لازم يكون في سبب من الاسباب اللي ذكرتها فوق لان حتى لو جهة تغلط بتكون في جهة بعدها وهي المالية وديوان الخدمة وموال طويل ومو بهالبساطة انصحك تراجع الموظف نفسه اللي مسوي الكتاب وتشوف السالفة بالضبط واذا ماعرفت شتسوي اكتب بالمنتدى شنو قالك وندليك على الطريج باذن الله وقبل كل هالكلام لازم تتاكد انك باشرت العمل فور انتهاء الاجازة يعني مثلا اخذت اجازة من 1/1 لحد 1/4 لازم تباشر العمل في 2/4 على سبيل المثال واذا 2/4 اجازة تباشر اول يوم بعد الاجازة او العيد اذا تاخرت يوم يحسبونه لك انقطاع

 

[الـمـحـامـي]

بسم الله الرحمن الرحيم

شكراً للاخوان على المشاركة بالرد

الاجابة /
* موقفك سليم قانوناً طالما أنك تأخذ إجازة رسمية موقعة من المدير والمسئول وبلغت للمختص بالإجازات فلا يحق لهم تسوية انقطاع عن العمل بحقك .. وبالتالي لا يحق لهم وقف المرتب .. راجع المختص بالمرتبات وفي حالة تكرار الأمر تقدم بشكوى ضده لدى المدير وصعد الأمر حتى لا يتكرر وتكون مثل بقية زملائك بالعمل فالأجر مقابل العمل وطالما أنك تعمل تستحق الأجر كما أن الإجازات الرسمية والتي توافق عليها جهة العمل يستحق الموظف عنها راتب كامل ..

المحامي / عوض ماطر المطيري
99420979

 

[gazen]

السلام عليكم

بالبدايه اشكرج اخت فيونه على التوضيح

ثانيا انتي ماعندج اي خلفيه شكثر انا عانيت عشان ارجع معاشي صعدت ونزلت وركضت وهرولت كل شي سويته بمعنى ثاني تزحفت تزحف وطلعت عين عيني ..
بالنسبه حق صيغة الكتاب مشكوره عليها لانها ماتنفع بوزارة الواسطات
واحب اقولج انه كل الاوراق رسميه اللي عندي عليها كل التواقيع ورقم الصادر اللي تثبت اني كنت باجازه سنويه من رصيدي ورصيدي يسمحلي...
المشكله انه انا توني ماخذ الجيك وعدلوا اسمي بالسستم انه يرجع معاشي طبيعي والامور طيبه يعني معقوله ماجيكوا انه فلان الفلاني مسوي لويه بالوزاره حتى الفراش يدري بسالفتي!!
وللعلم انا لما راجعت فيها كل من اقوله موضوعي ويشوف الاوراق يقولون شلون جذي مايصير يوقفون معاشك وانت طالع باجازه رسميه وموقعه ومختومه الصادر والوارد!!

الاجابة /
* موقفك سليم قانوناً طالما أنك تأخذ إجازة رسمية موقعة من المدير والمسئول وبلغت للمختص بالإجازات فلا يحق لهم تسوية انقطاع عن العمل بحقك .. وبالتالي لا يحق لهم وقف المرتب .. راجع المختص بالمرتبات وفي حالة تكرار الأمر تقدم بشكوى ضده لدى المدير وصعد الأمر حتى لا يتكرر وتكون مثل بقية زملائك بالعمل فالأجر مقابل العمل وطالما أنك تعمل تستحق الأجر كما أن الإجازات الرسمية والتي توافق عليها جهة العمل يستحق الموظف عنها راتب كامل

عفوا اخوي المحامي المحترم
بس اللي اقدر اسويه اشتكي عليه عند المدير؟ واذا كان المدير نفسه اهو اللي موقع تصريح اجازتي وكتاب انقطاعي؟؟!!!
علما انه عندي اقساط بالبنك ومكالمات!!

في امكانيه ارفع عليهم قضيه للتعويض النفسي والعاطفي والاقتصادي والدولي؟.....

ملاحظه : اي احد من الاخوان المحاميين حاب يشوف الاوراق انا حاضر
وشكرا

 

[fayoona74]

يعطيك العافية افهم من كلامك ان مشكلتك انحلت بتعديل اسمك بالسستم معناه ان كان في خطا بالاسم من عندهم بهالحالة لك انك ترفع دعوى تعويض امام القضاء المدني بقصر العدل
اخذ اوراقك وروح قسم ضباط الدعاوى هناك ( اول ماتدش من البوابة الخارجية في مبنى اسمه خدمات التقاضي اصعد فوق ) هناك يسوون لك صحيفة دعوى تدفع الرسوم وتقيدها وتسويلها اعلان وتحفظ موعد جلستك وتحضر وتشرح للقاضي اللي صار واذا تبي محامي هذا شي يرجعلك والقرار قرارك
واي توضيح تبيه بخصوص دعوى التعويض حاضرين لاي استفسار وبالتوفيق وخطاك السو

 

[gazen]

مشكوره اختي فيونه على الرد اللي يرد الروح
حسبي الله ونعم الوكيل جانهم جابولي الضغط