شنو الفرق بين تلفون نوكيا صيني او تلفون نوكيا اصلي ؟

[قناص_السوق]

السلام عليكم

من العنوان

ابي اعرف الفرق بين التلفونات الصينيه حق نوكيا و التلفونات الاصلية ؟ ؟ ؟


و شنو الاختلاف بينهم ؟ ؟ ؟


وجم الفرق بين الاسعار .... و اعمار الاجهزه

 

[(احمد)]

افا ولا رد

اخوي الصيني تقليد النوكيا بالشكل بالضبط

ماله سيريل نمبر ومايدخل نت احيان وسايط عادي تجي


ويشغل خطين الصيني بس مو شي ابد


والاصلي له سيريل ويركب له برامج وتسوي له تحديث


الفرق بالسعر اكيد الاصلي اغلى والصيني ان طار 50 دينار










وحياك

 

[ابو عبير]

اخو الصينى جم يوم ويخورها ويحترق وفرق السعر الأصلى سعره فيه

 

[قناص_السوق]

يعني شكثر يعمر انا اهم شي ما يخترب و الصوت واضح اثناء الاتصال

 

[b7rani]

اخوي بتقطع على الصيني جم 40 او 50 جم يوم بس وبعدها تقطه او يحترق وما يتصلح
يبه اخذ اصلي شد بلاده وكفاله احسن لك والله نصيحه الصيني ولا بيزه بشرق وحولي مقططين محد يبيهم بس هني طمروهم الاوادم

 

[alanzi]

زين شباب
وانا شفت اليوم بعد n96 مكتوب عليه صنع فى فلندا
والرجال يقوول هذا استكر بس مجمع فى جبل على بالاماارات

شرايكم فيه
وسعره تقريبا 50 دينار
انا شكيت بالامر صرااحه

 

[b7rani]

ابعد ونغيلو حبيبي من صجك فلندي ما نزل ان96 واتحدي احد يقول نزل مانزل لانه يوم نزل شركه نوكيا حولت صناعتها بالصين ومالك شغل فيه لا تاخذه

 

[ASUS]

اخوي الاصلي اصلي لو شنو كفايه تكون واثق وانت ماسكه وترا تلفون مو سياره الي الواحد ما يقط عليه ترا ذبح عمره التلفون 200 دينار منو ما يقدر ياخذه

 

[قناص_السوق]

ابعد ونغيلو حبيبي من صجك فلندي ما نزل ان96 واتحدي احد يقول نزل مانزل لانه يوم نزل شركه نوكيا حولت صناعتها بالصين ومالك شغل فيه لا تاخذه

شنو تقصد شركة نوكيا حولت صناعتها بالصين وضح

يعني الحين التلفونات الاصليه يكتب عليها صيني ولا شنو

وشلون اعرف الاصلي من الصيني . . .

 

[(احمد)]

شنو تقصد شركة نوكيا حولت صناعتها بالصين وضح

يعني الحين التلفونات الاصليه يكتب عليها صيني ولا شنو

وشلون اعرف الاصلي من الصيني . . .

قصده ان شركة نوكيا الحين صارت تصنع اجهزتها بالصين

يعني واضح اللي من نوكيا ما تغير ببس صناعته بالصين



واللي صيني تقليد واضح يعني يقولك تقليد ويشغل خطين ومافي نت


وماله سيريل نمبر


اتمنى اكون افدتك