صارلي 4 سنين اسدد ؟؟؟؟؟؟

[dehani]

ياجماعه صارلي 4 سنين اسدد القرض ولما الحين مانزل منه شي وكل ما اسئلهم يقولون اللي تسدده فايدة القرض ؟ 4 سنين وانا اسدد للبنك 453 دينار والقرض 52000 تقريبا من 4 سنين ما نزل منه شي ؟ شنو الحل ؟؟؟؟؟؟؟؟؟؟؟؟؟؟؟؟؟؟؟؟؟؟ ارفع قضيه عليهم ؟ ولا اطلب ندب خبير حسابي ؟

 

[قناص_السوق]

اخوي موضوعك بالضبط نفس الزميل خالد الزامل .......

من ضمن اجراءات القضيه تطلب ندب الخبير واظن هذي عند قاض امور المستعجله ...

http://www.chakbom.com/


الاخ حاط الاجراءات الي سواها بالضبط وانت سالفتك نفسه .... و الحق معاك لان ممنوع القسط يتعدى 40% من الراتب و انت تقريبا واصل ال 60% من الراتب ...... و فيها تعويض مؤقت لك بعد 5001 دينار كويتي عن الاضرار ...

انصحك تقرى سالفة الزامل و الاجراءات كلها الي اتخذها و قوانين دولة الكويت المعنية بالامر ...

قانون التجاره حيث تخضع لهم البنوك كما تبين مع الزميل الزامل + قانون مدني + قانون النقد و المصارف + قوانين و تعاليم بنك الكويت المركزي

ودور على ثغرات ......


وفي شي لازم تعرفه لايجوز الفايده تصير اكثر من راس المال المقترض و لا يجوز كذلك تسديد فايده قبل تسديد اصل القرض او تسديد فايده بمبلغ اكبر من تسديد اصل القرض

ولا يجوز رفع الفوايد او السنوات المتفق عليها .... او رفع قيمة التسديد

هذا حسب ما فهمته من موقع خالد الزامل



وانت مو خسران شي لان حتى لو خسرت القضيه هذي ما فيها طعن عشان نقول يرفعون رد اعتبار راح يصير كأن شي لم يكن بس ما ادري اذا في اتعاب فعليه للمحامي الخاص فيهم حسب تقدير القاضي في حال الخساره ...



والمحامي والمحامية راح يفيدونك بأقرب وقت انشالله

وانت هم راجع الشؤون القانونيه شوف شنو يعطونك حلول وقولهم بترفع قضيه .... و طبعا اي حل بالجدوله اهي لعبه ... لان كأن شي لم يكن اذا ما ردو خصمو من اصل القرض

 

[قناص_السوق]

واذا عندك نسخه من العقد ارفقها حتى يتسنى للمحاميين رؤيتها و معرفت موقفك القانوني بشكل اشمل

 

[fayoona74]

صباح الخير ارجع لموضوع (عندي قرض من التجاري بمشاركة العضو قيس راح تلقا الاجابة على سؤالك هناك)

وباختصار عشان تعرف اذا تقدر ترفع عليهم قضية او لا لازم تعرف عدد اقساطك لما وقعت معاهم وعدد اقساطك حاليا يبين اذا متجاوزين المتفق عليه او لا سواء بالمبلغ او بعدد الاقساط اذا اكتشفت ان اي متجاوزين روح ارفع قضية واطلب ندب خبير حسابي يعني اول شي تسويه دق تلفون الخدمة الهاتفية قول جم عدد اقساطي وقارنه مع اللي وقعته بالبداية وبالتوفيق

 

[الـمـحـامـي]

بسم الله الرحمن الرحيم

أشكر الاخوان q84q8y و fayoona74 على المشاركة

الاجابة /
* يفهم من سؤالك أن البنك قد قام برفع الفائدة على القرض عما تم الاتفاق عليه بينك وبينه بعقد القرض .. إذ لا يعقل يا أخي الكريم ان تستمر في سداد أقساط القرض منذ أربعة سنوات وحتى الآن بانتظام وبواقع قسط هري قدره / 453 دينار دون ان يتبين استنزال من أصل القرض .. إذ أن السداد على هذا النحو هو فعلاً سداد للفائدة فقط دون القرض بما يعني أن البنك قام برفع الفائدة دون حق وخلافاً للاتفاق المعقود بينكما وخلافاً لتعليمات البنك المركزي ونصوص قانون التجارة بما لا يجوز فيتوجب عليك المبادرة بإقامة دعوى بطلب ندب خبير للإطلاع على عقد القرض وبيان قيمة القرض وقيمة الفائدة المتفق عليها ومدة سداد القرض مع الفائدة فإن تبين ان البنك خالف ما هو متفق عليه بشأن الفائدة على القرض فإنه يتم إنزال الفائدة طبقاً للمتفق عليه بالعقد ..

المحامي / عوض ماطر المطيري
99420979