اصحاب الخبرة باللكزس ضبطونا

[الخليجي 1]

ارجوا من اصحاب الخبرة مساعدتي وافادتي بالتالي

لكزس es350 موديل2009 فيها رجفه اول ما استلمناها من الوكالة على 2000 كيلو بدلت الوكالة التواير من تويو وحطت هانكوك وانا استغربت لان هانكوك مستواه اقل من تويو وسكت والرجفه لمن الحين ما راحت والتواير جدد والحين السيارة طايحة بالوكالة يشوفون لها حل شسوي زهقت من هالسالفه .

 

[Nagooshy]

حياك الله اخوي

بالنسبه حق اللكزسس

جميع سيارات اللكزسس من موديل 2001 الي اليوم فيها عييب شرعي

وهو ( الرجفيه )

بالبريك او رجفيه خفيفه بالمشي

وهذا السبب ان مصنع لكزسس يستخدم سفايف وديسكات مادتها غير عن جميع المصانع

فيها مواد تحافظ على البيئة ...الخ


وماكو حل بالرجفيه

بالنسبه حق التواير

ماراح تلقى تواير بريجوستن حق اللكزسس....على ما اعتقد انها افضل شي

وانا امجربها


بالتوفيق
اخوك بو عبدالله

 

[بـو خــالــد]

السلام عليكم

اخوي خليجي احتمال من الدسكات لان الدسكات اذا كانو حارين وحاشهم ماي يصير

فيهم ميلان خلهم يشيكون لك علي الدسكات والله اعلم

وعلي طاري التواير مافي مثل (( كونتننتال ))

واتمني تنحل مشكلتك في اسرع وقت

ودمتم سالمين

 

[محمد خليفه]

بسم الله الرحمن الرحيم

والله يا غالي مو بس انت تعاني من هالمشكله

سمعتها من اكثر من واحد استعمل لكزس

 

[الخليجي 1]

حياك الله اخوي

بالنسبه حق اللكزسس

جميع سيارات اللكزسس من موديل 2001 الي اليوم فيها عييب شرعي

وهو ( الرجفيه )

بالبريك او رجفيه خفيفه بالمشي

وهذا السبب ان مصنع لكزسس يستخدم سفايف وديسكات مادتها غير عن جميع المصانع

فيها مواد تحافظ على البيئة ...الخ


وماكو حل بالرجفيه

بالنسبه حق التواير

ماراح تلقى تواير بريجوستن حق اللكزسس....على ما اعتقد انها افضل شي

وانا امجربها


بالتوفيق
اخوك بو عبدالله

مشكور يا بو عبدالله ريحتني شوي انا خفت يكون عيب بسيارتي انا لكن طلعت السالفة جذيه .

 

[الخليجي 1]

السلام عليكم

اخوي خليجي احتمال من الدسكات لان الدسكات اذا كانو حارين وحاشهم ماي يصير

فيهم ميلان خلهم يشيكون لك علي الدسكات والله اعلم

وعلي طاري التواير مافي مثل (( كونتننتال ))

واتمني تنحل مشكلتك في اسرع وقت

ودمتم سالمين

مشكور بوخالد رايح لهم السبت ان شاء الله ما استلمها لمن يشيكون على الدسات وراهم وراهم .

 

[الخليجي 1]

بسم الله الرحمن الرحيم

والله يا غالي مو بس انت تعاني من هالمشكله

سمعتها من اكثر من واحد استعمل لكزس

والله يا الغالي سمعتها زينة لكن بعد التجربة اقول فيها عيوب

 

[SAUDY2006]

السلام عليكم

انا براي لا تستلمها اطلب تبديلها

او استرجع فلوسك لنه هذا العيب يعطيك الحق بالاستبدال او تسترجع فلوسك

والله يوفقك

 

[بومعالي]

هانكوك زين بس احتمال المشكلة من الدسكات مثل ما قالوا الشباب ... خلهم يبدلون الدسكات والسفايف بالكامل واذا قالوا نسويلهم خراطه أرفض وقول سيارتي جديدة وصمم على الدسكات الجديدة ..

وموضوع إن اللكزس في رجفيه أنا أول مره أسمع فيها .. أخوي عنده es300 من زمان ومافيها رجفيه نهائيا وأخوي الثاني كان عنده 430ls موديل 2004 وماكان فيها رجفيه أبداً بالعكس احسن سيارات بالهدوء والثبات اللكزس .

 

[P.Engineer]

أخوي خليجي أنا لو منك .. أطلب تجربة سيارتين أو ثلاث من نفس الموديل والنوع .. وإذا لقيت نفس المشكلة بعدها أنت حر أما ترضى بالأمر الواقع لأنه عيب مصنعي أو أنك تصير على التصليح .. بس في شغله لازم تعرفها إذا كان هواء الأطارات نيتروجين راح تحس فيه رجفة خصوصا أول ما تمشي لأنه هل مشكلة كنت أعاني منها أول ما بدلت تواير وعبيتهم نتروجين .. بس المفروض مع المشي تروح الرجفة لأن النتروجين راح يتمجع أول تحت الأطار بعدها يتوزع .. تأكد من نوع الغاز في الأطار ..

 

[Nagooshy]

مشكور يا بو عبدالله ريحتني شوي انا خفت يكون عيب بسيارتي انا لكن طلعت السالفة جذيه .

حياك الله اخوي

اللكزسس بالاستعمال ماكو احسن منه

واتحبه بالسفر وبالخط ثبات ما شاء الله

السيرفس ماكو ارخص منه

واذا متذايق من الرجفيه انا بعطيك حل بس راح يكلفك وايد


انك تطلب ديسكات امخرمه مالت اسبورت تركب على اللكزسس ومعاها ديسكات


وراح اتروح الرجفيه


بالتوفيق

 

[الخليجي 1]

نشوف

السيارة ماشية الى الحين 11 الف وراح استلمها السبت 21 -3 واشوف اذا ما راحت الرجفة راح اجبرهم يبدلون السفايف والدسكات غصبا عليهم ::verymad:: ما راح اسكت عنهم وراح ابلغكم شصير معاي اول باول ومشكورين على اهتمامكم

 

[الأرستقراطي]

آنا اللي أعرفه ان اللكزس أفضل سيارة من حيث الهدوء فمو معقولة تكون فيها هذي العيوب ،،، أطلب من الوكيل تبديل الدسكات والسفايف ،،، وأفضل تواير بدون منازع ميشلان ،،،

 

[الخليجي 1]

مساكم الله بالخير

استلمت السيارة س3:30 اليوم وقلت لهم هذي آخر مرة أطلع بالسيارة وان استمرت الرجفة راح ارجع السيارة وما استلمها منكم ، اما يبدلونها او اخليها عندهم واروح حماية المستهلك وهم فكرة مراسلة المصنع طيبة.

تدرون شنو صار ..طبعا على اساس انهم مسوين ميزان ..................

الرجفة مستمرة على سرعة 120 وفوق ومزعجة .... والله ابتلشت ... دقيت على المهندس الى استلمها وقلت له ... قال تعال الصبح ونشوف....
شتشوف بعد لا خلاص ادش على مدير الكراج واقوله بدلها والا حماية المستهلك المشكلة ما عندي اوراق غير ورقة الميزان اليوم وحاولت آخذ ورقة تبديل التواير القديمة ما عطوني .

لاحول ولاقوة الا بالله وانا لله وانا الية راجعون....
الطيبة ما تنفع باجر راح اعفسهم

 

[الخليجي 1]

آخر الأخبار

طلعت مع فني هندي من الوكالة الصبح عشان موضوع الرجفه فقال لى انت سيارتك فيها رجفه خفيفة غيرك اكثر وقال ان الشركة استدعت خبراء من اليابان عشان يشوفون ليش هالموديل بالذات 2009 es350 فيه رجفه لان مو بس انا اشتكي منها طلع في ناس غيري ، المهم رجعنا الوكالة وشفت ماكو حل فرحت وزارة التجارة ادارة حماية المستهلك وهناك سجلوا شكوى وسلموني ورقة اروح فيها للخبير الفني بالفحص الفني بوزارة الداخلية ورحت قسم ( المقاييس ) وطلع الخبير نص ساعة بالسيارة جربها ورجع وقال رد لي بعد يومين استلم التقرير وطبعا راح ارجع بعدها لحماية المستهلك وراح يحضر محامي الشركة ومدير الكراج ونتواجه معاهم ونشوف آخرتها .
ولولا الله ثم واحد شقردي من الربع كان ما سويت هالحل ولا خطر في بالي لكن الحمدلله .

 

[*الشلاحي*]

السلام...
اخوى ممكن فيها عيب مصنعى ممكن تبدلها ..
الافضل انك تبدلها..وهم يتصرفون فيها,,
اخوى لايخلونك تمشى فيها واجد ثم يقولون انك استعملتها..مايبدلونه لك
وشكرا

 

[ناصر فيصل]

رجفة

اذا كانت هناك اضافات على السيارة مثل جناح اة غيره يؤثر على الرجفة .

 

[الاحمـد]

السلام عليكم

اخوي الغالي

انا صارت لي نفس سالفتك بالضبط بالضبط بس على دودج شارجر

شريتها من الملا

وعلى سرعه 120 تقريبا تصير رجفه بسيطه بالسياره

ورجعتها للوكالـه

واذكر دخلت على مديرهم واسمه على ما اذكر ((عـمر الجيبــات)) شي جذي

وقتله السالفه ... وما نطق وبلا كلمه... بس سالني سؤال واحد... السياره جم ما شيــه؟؟

قتله 300 كيلومتر بس... وواحد قالي انهم يعرفون انه في عييب بالسياره

وما يتكلمون ...الا اذا رجع العميل واشتكى من الشي

واهم شي اني ما طفت الــ500 كيلو ...(بيروح علي الضمان على قولتهم..وبيخلونه ناتج عن سوء استخدام)

وبدلو 4 تواير بريـللـــي سعر الواحد 83 دينار كويتي وعلى حسابهم الله وكيـلك

والحمد لله السياره من احسن ما يكون

وطلع هالخلل انه السياره صافه بالميناء وبمستودع الملا وقت طويل فالتاير ورم وانتفخ من تحت
وسبب الرجفيه والاهتزازات اللي احس فيها..

عالعموم المشكله وحده لكن الاسباب واايد

والله يعينك عليهم.... وعلمنا شيصير معاك

 

[متميز ^-^]

الله يكون بعونك بس من استعمالي للكزس واللي اسمع عنه ما عمري سمعت ان فيه رجفه والله ايوفقك يالقالي وخبرنا شيصير معاك ​

 

[أبوفلان]

اشصار على موضوعك اخوي خليجي ؟


شكلك حايس معاهم مالك خلق حتى تدخل النت خخخخخخخ


الله يعينك