التكييف يا اهل الخبره

[kaled9977]

السلام عليكم اخوانى اعضاء وضيوف منتدى المؤشر
اتمنى من اهل الخبره النصيحه
بالتكييف للقسيمه
انا محتار بين هيتاشى وكوليكس
ابى النصيحه واهل التجربه يعطونى رايهم

 

[Abu AziZaN]

والله يا أخوي مكيف سنتران lg البابطين عجيب و خدمتهم حلوة

 

[خير الكلام]

السلام عليكم

skm قبازرد

 

[wooow]

كل ما اسأل واحد شنو ركبت تكييف يقول كولكس

 

[kaled9977]

الف شكر للاخوه المشاركين واتنمى مشاركات اكثر

 

[طارق55]

السلام عليكم

حسب ماسمعت .. طبعا رقم واحد الكارير بس غالي .. ثانيا يورك الامريكي ويقولون موجود بالسوق .. بعدها يأتي الكولكس لانه قطع غياره رخيص حسب ماسمعت .. لكن الهيتاشي وايد ممتاز لان الشركه لما تركبه تركب بالباكج كامل .. تبي انا اش سويت .. جبت كل الشركات عندي وكل واحد قدم عرضه بمواصفاته .. وأعطي عرض فلان الي فلان وأقوله قول لي سلبيات العرض .. يطلعلي فضايح لانهم بنفس المجال ويفهمون حركات بعض .. طلع في الاخير أحسنهم بدون منازع ( كمواصفات الدكت وخلافه ) الهيتاشي بلا منازع لان الغانم وكيل كل الاشياء الزينه المتعلقه بالتكييف نفسه .. فهمت ؟؟ يعني التكييف هو مكائن وعشرات الاشياء معاه .. هالعشرات هذه الغانم وكيل اغلبها ..
وكمثال جبت وكيل الكولكس وأخذت منه المواصفات .. كاتب في فقره من الفقرات نحطلك في ( كذا ) حسب ماهو متوفر لدينا !!!! مافي عقد بالعالم يقول جذيه .. كل العقود تقول نحط لك كذا بالاسم .. مو يخليها مائعه جذيه .. هذا بالضبط لما تروح حق حمله للحج .. ويقولولك نجيببك من المطار بالسياره حسب ماهو متوفر لدينا .. هذا معناه يمكن اجيبك بمرسيدس او اجيبك بوانيت انت وحظك !! أنت دافع افلوس وهم يلعبون عليك .. المفروض تكون المواصفات واضحه وضوح الشمس أنت دافع أفلوس مو تراب !! توكل علي الله وركب الغانم هبتاشي ولاتتردد .. بس دير بالك .. أخذ معاك واحد خبره .. عند كتابه العقد لانهم دائما يزيدون عليك اطنان التكييف .. ودائما ناقشهم بالسعر وأدخل غرف كل المدراء علشان يرخصولك .. مو تصير خجول .. خلك نزقه .. عموما انا كتبت العقد وياهم بسعر 148.5 أو 147.5 للطن ماني متأكد والله .. والله يوفقك

 

[كي نت]

السلام
انا كنت محتار مثلك بس اخر شي خذيت هيتاشي عشان الصيانه الغانم في الصيانه شي عجيب كلكس تبع الصناعات والخدمه ما بعد البيع مادري اشلون

اذا تبي تصيحتي حط يورك او كارير حق المستقبل
تره اقل اطنان يعني اذا هيتاشي 50 طن تاخذ في يورك اقل بوايد اطنان ما يقولك سعر الطن مثل 170 قوله يطلع المهندس ويعطيك سعر وشوف جم طن ياخذ يورك ا خل يعطونك كلهم عرض سعر وشوف الانسب لك والله يوفقك ان شاء الله وتسكن في بيت بارد

 

[amzn_q8]

هيتاشي ممتاز جدا عندنا بالبيت من سنة 1991
صيانة عجيبة جدا جدا وخدمة ممتازة

 

[المهندس حسين]

Coolex

 

[AL_nasser]

تكيف هيتاشــي الغانم للعلم يتم تجميع القطع بتايون ومن ثم يعاد تصديره للخارج بس الكلام هل

القطع يابانيه 100% والدكتات عند الغانم نوعين معدن وفيــــــبر والفيبر اشبه او اقرب للكرتون

والله اعلم حسب ما شرح لي مندوب المبيعات الغانم

 

[q8y_net]

نصيحه لوجه الله ابعد عن شركه كلوكس

 

[العضو]

للرفع

 

[MUSAED77]

انا انصحك ب lg السعر مناسب والماكينه صنع كامل بكورية اله الكمبرسر امريكي افضل انواع الكمبرسيرات بالعالم ( كوبلنت )
وألحق عندهم عرض الحين سنتين شامل مع 5 سنوات كمبرسر وبعد اسبوع عندهم عرض قوي اذا تبي مساعده انا حاضر علي الخاص للجميع