الرجاء عدم تشتيت أخبار الشركات

[التكانة]

السلام عليكم ...

طلب ورجاء لكل الأعضاء عدم ذكر أي خبر يخص أي شركة في موضوع مستقل ، اجعلوا جميع الأخبار والتحليلات تحت موضوع واحد يعني الحين جيزان لها 4 أو 5 مواضيع والسفن كذلك والمخازن وسلطان والمصالح وغيرها وغيرها ليش هذا التشتيت يا اخوان لا تضيعون أخباركم وتحليلاتكم والمعلومات المفيدة اللي تقولونها واتمنى ان الفكرة تعجبكم

والسلام

 

[azoz25]

كلامك صح بس .. مرات الشركات تكون اخبار حلوه الي حلاته يكون عنوان عشان يشد الناس

 

[التكانة]

السلام عليكم ....

ما عليه ولو كان الخبر حيل حلو خله مع الموضوع العام اللي صار له شعبية كبيرة من قبل الاعضاء المشاركين لأنهم تعودو على هالموضوع الرئيسي عشان تعقيباتهم تكون في مكان واحد عدل عزوز

 

[azoz25]

أقولك شي شخصى انا احس اذا كانت الردود وايددددد مايخليني اتشجع اني ادخل غير اذا كانت صفحه والا صفحتين يخليك تقرأ كل الكلام والا شرايك

 

[التكانة]

السلام عليكم ...

تعود عزوز عادي انا عن نفسي عادي اقرى اذا كان فوق الصفحة والصفحتين على قولتك

 

[catalyst]

فكره رائعة

كلامك صحيح .. انا مثلا احتاج ادرس عن سهم شركة (مثلا البنك العقاري ) لما دخلت على صفحة واحدة لقيت دراسة مستفيضة عن هالسهم مع شارتات شرح وتعرف كم كان سعر السهم من عام 2002 للحين ... كله راح يكون على صفحة واحدة تستعرض كل المعلومات المفيدة بملف واحد ...

 

[متفائل للنجاح]

من يمتلك المعلومات يمتلك القوة

نعم اخواني هذا اللي لازم يصير ان شاء الله
كل شركة تكون في مكان واحد وجميع المعلومات عن الشركة
بس الرجاء من المشرف حذف الردود التي لا تدخل في الهدف والذي من اجله انشاء المنتدى.

 

[بومناور]

صح بس

كلامك صح بس مثلا لو نطالع المخازن مثلا لوجدت عدد المشاركات والاخبار يبيلك يومين علشان تقراها والسلام ختام
*** ملاحظة سعر المخازن ممتاز اليوم لشراء

 

[ابى0لقمه]

ما اايد ان يكون كل موضوع بروحه

والسبب

1-اذا صار عقد اوقضيه او كان اى شغله مهمه على الشركه راح يتشتت الموضوع من كثر المشاركين

2-لازم يكون راس الموضوع يديد ويلفت انتباهك مثل الجريده ماتقرا موضوعك الا لفت انتباهك راس الموضوع والباجى تهمله

3 - اذا صارت هذى الشغله الى تقول عنها تكون ممله لانك مليون مره دشيت نفس الموضوع وعينك تتعب من كثر المشاركات الى فيها لانك راح تلاقى كل شى مخلوط ببعضه بيانات ماليه رسم بيانى عقود تحليلات ..................

 

[بوعنتر]

شرايكم تخلون حق كل شركه موضوع واحد راح انشوف105 موضوع والموضوع رقم 106 للسوق بشكل عام جذي كل واحد يفتح موضوع الشركات اللى يبيها

 

[boalons]

اايد كلامك بقوه

في مواضيع مميزه عن بعض الشركات اذا بغيت ارجع لاي معلومه يكون هالموضوع كالارشيف معلومات وتحاليل رائعه ماتلقاها بالمواقع الاخباريه

وياريت هالمواضيع الكبيره المميزه تصير للاخبار و التحليل فقط مو للسوالف الي خارج الموضوع !!!