شباب ضروري الي يعرف كراج مضبوط حق الشيروكي

[بوناصر العجيل]

السلام عليكم يعطيكم العافيه

وادري ماراح تقصرون واشكركم مقدما


شباب الي يعرف كراج زين حق الشيروكي (المكينه) شكلها بدايه تبخير او مادري الحراره بدت ترتفع وفي صوت بالمكينه

المهم الي يعرف كراج بشويخ مضبوط وامين وشغله ممتاز ياريت ادلوني يرحم والديكم

اتمنى المكان بالضبط واذا واحد معرفه تعطوني رقمه تسلمون

 

[ابو طبوشه]

روح السكراب وركب مكينه يابانيه احسن لك لانها تجي مواصفات الخليج يعني لا حرارة ولا خرابيط اذا تبي اي استفسار هذا رقمي مجرد مساعدة لا اكثر ولا اقل 65137313 لا كان عندي 7 شروكيات

 

[بوناصر العجيل]

عساك على القوه يالغالي

بس شلون يابانيه وشنو المكينه وتركب على الشيروكي وجم سعرها مع التركيب ؟؟
ادري اذيتك بس ماعليه تحملني

ويزاك الله خير على ردك

 

[A.M.W]

اخوي اذا تبي كراج مضبوط حق مكاين وقيرات امريكي

انصحك بكراج الباخرة اللي بالشويخ اسال عنه بالشويخ رايح يدلونك لان الكل يعرفه ويدله

روح لمعلم امتياز او معلم صلاح باكستانيين شغلهم نظيف وبضمير