شراء عقارات في أمريكا

[أم عبدالعزيز]

أخواني من ذوي الاختصاص ....ودي أسالكم هل شراء العقار في امريكا خلال هالفتره وخصوصا بعد نزول اسعار العقارات لدرجه كبيره تعتبر فرصه جيده ...وخصوصا ان شراء العقار سوف يكون لأستثمار للأولاد ؟؟؟

الرجاء الافاده

 

[dreeeeb]

أخواني من ذوي الاختصاص ....ودي أسالكم هل شراء العقار في امريكا خلال هالفتره وخصوصا بعد نزول اسعار العقارات لدرجه كبيره تعتبر فرصه جيده ...وخصوصا ان شراء العقار سوف يكون لأستثمار للأولاد ؟؟؟

الرجاء الافاده

حاليا فرصة لكن لو تنطرين شوي راح يكون افضل​

 

[كي نت]

ان برايي اى استثمار على المدي البيع بهذا الوقت ناجح بس العقار في امريكا ما راح يرتفع بشكل اللى قبل عشان مصادر التمويل مو نفس قبل كان كل شي مفتوح وكل اى شخص ياخذ تمويل من اى بنك ويشتري بيت والقرض اللى يبي وتسكير القرض اهو يختاره وكان البنك يسهل عليه المدي اللى يبيها عشان يستفيد من الفوائديعني انا اتوقع الايجار يمكن تستفيدين منه اكثر من ارتفاع سعر البيع في المستقبل

 

[أم عبدالعزيز]

Dreeeep .... ليش أنطر ؟؟ انت تتوقع ان العقار راح ينزل بعد ؟؟؟
كي نت ..... بس في بنوك ما زالت وضعها جيد وبالعكس ما عندها مانع انها تمولك وتسدد سعر البيع وتقسط القرض عليك ....ومن ناحيه البيع انا مو ناويه ابيع اتركه للأولاد استثمار

 

[كي نت]

البنوك الحين الشروط مو مثل قبل يعني مو اى شخص نفس قبل يقدر يشتري وبعدين شروط الاقراض مو نفس قبل يعني الطلب خف على السكن والبيوت اهناك اكيد راح تنزل لينه لي اليوم ما تم بيع السكن المرهون بامر الحكومه اعتقد في بيوت وايد عليها مشاكل واطلعو منها اهلها ولم يتم تسديد القرض اللى عليها خل يتم التصريف وشوفي اسعار السكن
هم انا اتوقع في بعض الولايات عليها خفض سعر في السكن اقوي من جذي

 

[saad1966]

اشتري في الكويت

نصيحه

 

[كي نت]

ام عبد العزيز
اليوم الاعلان في دبي اشتر شقه والثانيه مجاني
شنو تتوقعين الوضع لي جدام :/

 

[ابوالهنا]

انا مع الاخت ام عبدالعزيز في الشراء في امريكا لكون الاسعار منهاره .. اعرف صديق اشترى فيلا في امريكا ب 130 الف دولار و كان سعرها قبل الانهيار 400 الف دولار ... و العقار بشكل عام جيد في اي بلد و لكن تيقى شروط التملك و الضريبه المختلفه من بلد الى آخر و سهولة التنقل من الكويت الى البلد المراد الاستثمار فيه ... هناك مثال و هي بلغاريا حيث التركيز قوي من المستثر الانجليزي المعروف بدقة اختياره و هناك ايضا مصر خاصه المناطق الجديده مثل مرسى علم التي تم تعميرها من قبل المستثمر المشهور ناصر الخرافي .

 

[أم عبدالعزيز]

شكرا علي النصايح ....

أخوي كي نت .... دبي ما راح تتعافي بسهوله بالعكس انا برأيي المتواضع يبيلها بعد 3 سنوات لين تتعافي شوي وبعدين بصراحه ما أحب استثمر بديره ما أحبها...تقولي مصر ، بريطانيا "شقه مو أرض ما تنبني" ،اسبانيا ،أمريكا أقولك ايه ....اذا عندك عقار بهالديار لو تعرضه للبيع ممكن ايونك ناس من جميع دول العالم علشان يشترونه وبالسعر الى انت تبيه ويظل عقار له قيمه ....بس دول الخليج كاستثمار انا ما أفضل ما استثمر فيها ....ومثل ما قال أخونا أبو الهنا عقارات أمريكا أفضل وأسعارهم الحين بالنازل وودي استثمار للأولاد باجر ليه حبوا يدرسون هناك...

 

[أم عبدالعزيز]

أخوي saad1966 العقارات أسعارها بالكويت مو طبيعيه ....سعر بيت عادي لا هو زاويه ولا ارتداد ولا المساحه الى تقول كبيره يطلع سعره حوالي 300 الف ....يعني كاستثمار مو مجدي

 

[كي نت]

أرض في فلوريد مقاطعة جاكسن ضمن مشروع هاي لاند للبيع . المساحة 5000 متر مربع . تقع على شارع كويت تاب لاين وبقربها بحيرة جميلة. تتميز المنطقة بالمناخ المعتدل والمناضر الطبيعية الخلابة والمساحات الخضراء والأشجار مثل الصنوبر والأرز والبحيرات والأنهار . الأرض تحمل ترخيص سكني استثماري على الأمد الطويل دون شروط في فترة البناء .وتقع بقربها جميع الخدمات والمطاعم والأماكن الترفيهية . السعر 70.000 سبعين ألف دولار فقط . للاستفسار : أم محمد - - 0131 - - - 4664

 

[كي نت]

اذا شريتي الارض ام عبد العزيز ضطيني في الاسنوبر عاد و 500 متر بس ابني فيها بيت :/

 

[كي نت]

nour nour الاسم
الكويت , الكويت البلد
009656334664 هاتف
هذي راعيه الارض اعتقد كويتيه ام محمد

 

[أم عبدالعزيز]

انشاء الله أخوي كي نت بس خل نشوف التفاصيل وأعطيك خبر

 

[saad1966]

سلام الي ام عبد العزيز

هدا الكلام لشخص كبير بالعمر انقله حرفيا سوف ترتفع الاسعار الي مستويات قياسيه لان معظم الاراضي 000000

 

[saad1966]

الي ام عبد العزيز

لي قريب عايش في امريكا لمده طويله ادا تبين في ولايه ohio الامريكيه فيه اراضي ان شاء الله تناسبك

 

[أم عبدالعزيز]

شكرا لك أخوي saad1966 بس انا أفضل بيت في فلوريدا أو شقه بواشنطن ....أرض ما أفضلها

 

[الشرقاوي]

العقار بامريكا حلو ورخيص ولكن المشكله بالبعد والفيزا

 

[SuperFast]

انا اقول العقار بالغالب يدخل من قيمته 1% شهريا كعائد . للإيجار و اهو افضل بوايد من فيلا من غير ايراد .

اذا السيوله متوفره اخذي عمارة بالكويت بمليون و كل شهر يطلع منها 10 الاف دينار . خشي هالعشر 10 الاف دينار كل شهر لين يكبرون العيال ان شاء الله على خير وسلامه بعد 10 سنين يطلع لهم مليون دينار كاش .. كل واحد فيهم يتزوج وبعدين يروح امريكا يشترون فلل بالكويت وامريكا و فوق هاذا كله المبلغ اللي دفعتيه ( مليون دينار ) موجوده كرأس مال و يمكن ترتفع ...

 

[SuperFast]

وبعدين يمكن الجامعه تكون مو بنفس منطقه الفيلا ؟ شنو الحل يكون ؟ او تبعد 6 ساعات مثلا ؟ او ولايه ثانيه ؟