صن سيتي .. وين ؟

[kuwaity17]

السلام عليكم
شباب انا شفت بمواضيع ان يوكن 2008 - 2009 ب7,200 ب صن سيتي
ممكن احد يدليني عليه وين صاير بالضبط ؟ وهل هو مجمع ولا مكتب سيارات ولا شنو بالضبط ؟ وهل يمكن الشراء بالاقساط ؟

 

[كي نت]

مقابل لاند مارك الري

جنك تبي تروح الميناء وانت صاعد من الخامس شوف على يسارك تشوف المعرض

 

[kuwaity17]

اخوي قصدك صوب البغلي ؟ ولا قبل عند وكالة الساير الخدمه السريعه ؟

 

[nabhaan79]

السلام عليك

حبيبي الرميثيه مقابل سوق شرق ورا مجمع الكوت إتبع السهم تلقاه على طول

ترا ما يضيع روح عند صوب الساير وإسفنج البغلي راح تلقاه مقابلك حده واضح إهناك ، توكل على الله مرهم اليوم وعطنا تقرير بالأسعار والألوان والمواصفات . وجزاك الله خير .

 

[kuwaity17]

رحت اليوم وضعت مادليت

هل هو صوب الاستون مارتن و الخدمه السريعه للساير و اوتو سيتي ؟؟
لان هذا الي مقابل لاندمارك الري ! ؟

 

[kuwaity17]

هل صن سيتي = اوتو سيتي ؟؟

 

[LS1]

اللي انا اعرفته منك انك تبي اوتو ستي مو صن ستي الانه صن ستي هذي شركة فحص

موجوده خلف صفاة الغانم يجي مكانها زاوية الشارع اللي فيه المحطات

اما اوتو ستي هذا معرض سيارات

الوصف :

انت على الخامس رايح الشويخ الصناعه تركب شارع الغزالي

راح يجيك سنتر بوينت على اليمين وقدامك جسر الغزالي اصعد فوق عند الاشارات

واخذ فوق تحت .. ورد مره ثانية على الغازالي وانت نازل خلك على اليمين لاتدخل اول دخله

ادخل في الدخله الثانية اللي يكون في مواقف حق الباصات ... لما ادش على اليمين راح تلقاه

واضح على يمينك ..... حتى العمي يشوفه

 

[kuwaity17]

اخوي انا ادل اوتوسيتي بس الشباب هني يقولون صن سيتي عنده يوكنات على 7300-7200 دك .. ف حبيت اسئل بس

 

[liger79]

السلام عليكم
اخوي اللي أعرفه ان سن سيتي مجمع بالشويخ الصناعية يصير خلف شارع الكندادراي وانت ياي من كيفان ثاني لفه أو من لفة شارع الالماني سييده وتلاقيه على ايدك اليمين ... هذا مجمع سن سيتي اللي أعرفه .. وسامحنا عالقصور

 

[abdullah6868]

يا اخوان انا اسف ضيعت الاخوان بالاسم --- مو (صن ستي ) ( اوتو ستي )
انا سائلهم قبل شهر وعندهم يوكنات 2009 اصفار وارد الجميح السعوديه السعر 7300 دينار
ومندوبهم قالى يعطونك بسعر 7200 دينار
بالسعوديه سوق الدمام نفس الاسعار
يعني ارخص من امريكا

 

[بقعة ضوء]

اخوي انت تقصد اوتو ستي التابعة لدار الاستثمار ومكانها السابق مقابل لاند مارك على طريق الغزالي وتم تحويل المعرض حاليا الى استون مارتن.

وتم نقل جميع السيارات التي كانت موجوده بالمعرض الى شركة وارد التابعة ايضا لدار الاستثمار ومكانها الدائري الرابع بجانب على عبدالوهاب للاثاث ومقابل شركة الهوندا.

وبالنسبه لسيارات اليوكن فقد تم بيعهم بالكامل قبل اسبوعين بنفس السعر اللي ذكرته اخي العزيز

الحين عندهم سيارات مستعمله فقط وكم سيارة جديده منها اودي وميزراتي وبعض السيارات الانتيك القديمة

 

[kuwaity17]

اخوي انت تقصد اوتو ستي التابعة لدار الاستثمار ومكانها السابق مقابل لاند مارك على طريق الغزالي وتم تحويل المعرض حاليا الى استون مارتن.

وتم نقل جميع السيارات التي كانت موجوده بالمعرض الى شركة وارد التابعة ايضا لدار الاستثمار ومكانها الدائري الرابع بجانب على عبدالوهاب للاثاث ومقابل شركة الهوندا.

وبالنسبه لسيارات اليوكن فقد تم بيعهم بالكامل قبل اسبوعين بنفس السعر اللي ذكرته اخي العزيز

الحين عندهم سيارات مستعمله فقط وكم سيارة جديده منها اودي وميزراتي وبعض السيارات الانتيك القديمة

يعطيك العافيه اخوي
وبروح اجيك عليهم واسئلهم اذا في دفعة جديده لان الصراحه السعر حلو