في سيارات برقام كويتيه داخل السعوديه كيف ؟

[مقرن]

السلام عليكم
انا اشوف كثير سيارت داخل السعووديه تحمل ارقام كويتيه
مع سعووديين يستخدمونها داخل السعوديه
بدون جمرك ولاشي باقي في راقام كويتيه
كيف تصير هاذي ؟

 

[العتيبي 2]

عادي اخوي تلقاها باسم واحد من جماعتهم كويتي ومعطيه توكيل

او ان السعودي يطلع بطاقة مدنية كمقيم ويسجل السيارة باسمه

 

[مقرن]

يعطيك العافيه اخوي صراحه شي حلو تسلم من الجمرك

 

[بومعالي]

بس تبلش بالفحص الفني كل سنة لازم تسوي فحص عشان تجدد الدفتر

الأحلى هو العكس إن السيارة تكون أرقامها سعودية وتستخدمها بالكويت وتفتك من الفحص الفني ودوخة الراس لأن الدفتر بالسعودية يتجدد كل ثلاث سنوات

 

[العنزي1]

انا استخدم هالطريقه وتقريباً نص اخواني وجماعتي ههههههههههههه يمكن انك شايفها بالرياض .. اما بحفر الباطن فشي طبيعي فيه السيارات الكويتيه كثييييره لانه هو نفسه شعب الكويت يعتبر ..

 

[أبوسعد الخالدي]

بس تبلش بالفحص الفني كل سنة لازم تسوي فحص عشان تجدد الدفتر

الأحلى هو العكس إن السيارة تكون أرقامها سعودية وتستخدمها بالكويت وتفتك من الفحص الفني ودوخة الراس لأن الدفتر بالسعودية يتجدد كل ثلاث سنوات

أخوي السيارات الكويتية الي في السعودية تقعد سنوات مايسوي لها بيمة
ومتي ماجا يبيعها يسوي لها بيمة ويدفع غرامة تأخير 5دنانير
مهما كانت المدة

 

[أبوسعد الخالدي]

انا استخدم هالطريقه وتقريباً نص اخواني وجماعتي ههههههههههههه يمكن انك شايفها بالرياض .. اما بحفر الباطن فشي طبيعي فيه السيارات الكويتيه كثييييره لانه هو نفسه شعب الكويت يعتبر ..

الشعب الكويتي والسعودي واحد وكلنا أخوان والحين ختي العملة بتصير وحدة
(خليجنا واحد وشعبنا واحد)

 

[مقرن]

انا استخدم هالطريقه وتقريباً نص اخواني وجماعتي ههههههههههههه يمكن انك شايفها بالرياض .. اما بحفر الباطن فشي طبيعي فيه السيارات الكويتيه كثييييره لانه هو نفسه شعب الكويت يعتبر ..

مشاءلله عليك مضبط عمرك
طيب ضبطني معك يا البناخي ليت احد يقرب لي بلكويت هههههههه

 

[مقرن]

الشعب الكويتي والسعودي واحد وكلنا أخوان والحين ختي العملة بتصير وحدة
(خليجنا واحد وشعبنا واحد)

اكيد مافيها شك خليجنا واحد

 

[بونواف]

مشاءلله عليك مضبط عمرك
طيب ضبطني معك يا البناخي ليت احد يقرب لي بلكويت هههههههه

افا عليك يلمقرن كلنا اخوانك...واذا حبيت تشتري سياره من الكويت وتاخذها معاك تعالي وانا اضبطك اطلعلك بطاقه وتشتري سياره باسمك وتقعد بضيافتي..واذا حبيت دزلي رساله على الخاص ومايصير خاطرك الا طيب اخوك ابو نواف

 

[khaled777]

ياشباب اللي اعرفه ان المرور

بالسعوديه تشددو بالموضوع هذا

وصارو يلزمون المواطنين بتحويل اللوحات من كويتيه الى سعوديه

اعتقد باخر سنتين عشان مشاكلها اكثرت !!