المؤشر الى اين

[أبو عبدالمحسن]

السلام عليكم

وحشني المنتدى واعضاءه صراحه

السوق جدا طبيعي لا تخاف ولا اتحاتي اذا كان شغلك صح واسهمك طيبه
ان شاءالله

اولا السوق من ايام وهو واضح عليه تصعيد اسعار(اقفالات الربع الثاني ) اكثر من انه شراء استثماري او سيوله جديده ادخلت
( الغالبيه ناطره اعلانات النصف الاول ) لكي يبدأ الشغل الصح اما شراء السهم الطيب ولا خروج من السهم السيئ
يعني الصناديق والمحافظه مهتمه بترتيب اوضاعها اكثر من اي شي ثاني حاليا

اقترابنا من نهايت الشهر الحالي يعني اقترابنا من جبلين اكبار وطلع قبلهم حفره

الجبل الاول الاقفالات والتصعيد والتنزيل والمبادلات راح انشوفها اكيد وغيره

الجبل الثاني موضوع الفائده واجتماع البنك الفدرالي نهايه الشهر وما سيصدر منه تجاه الفايده

الحفره الي صادفتنا المخازن وقضيتها والحكم الي صدر امس الاول وعجل بالنزول ( رب ضارتن نافعه )

في ظل هالامور كلها اتوقع الركاده زينه

لكن المؤشر جيد جدا الحمدلله ونزوله اليوم وجرد دلع واقترابه من 4500 نقطه سبب له نزلت برد ( من التكييف ) ( مبني على انخفاض الكاش مع النزول )

عموما برفق لكم شارت واضح فيه الدعم ان شاءالله 5380 ثم 5350 نقطه يفضل يقفل فوقها اليوم لكن ان نزل اكثر لنا الله

اذا تحسن وضع المخازن في تداول اليوم بصوره حقيقيه فهي دعوه للمضاربه على الاسهم الاخرى في السوق

وتحياتي لكم جميعا

 

[boalons]

هلا وغلا

شهالغيبه تو ما نور المنتدى

 

[bu3zoz]

بسم الله الرحمن الرحيم

عاش من شافك أبوعبدالمحسن

مطول الغيبات جاب الغنايم

حياك الله اخوى

 

[أبو عبدالمحسن]

اهلين بالحبايب

هلا ابو انس يا اهلين ابو عزوز

كيف حالكم ان شاءالله طيبين

اشكر لكم ترحيبكم والله

 

[الفهلوي]

الحمدلله على السلامه يابوعبدالمحسن


تصدق .. والله العظيم انه لي يومين وانا افكر فيك وفي غيبتك

وكنت ناوي انزل موضوع باسمك اسأل فيك عنك وعن سبب غيابك


والحمدلله اني قرأت موضوعك بالصدفة قبل اسكر جهازي .


المهم انك رديت للمنتدىء .. ونبي تعويض مناسب يعوض عن الغيبة


ومرحبا بك مرة ثانية




​

 

[أبو عبدالمحسن]

هلا والله الفهلوي

اشكر سؤالك عني

التعويض تبيه معنوي ولا مادي

ابشر بالخير

 

[الفهلوي]

طبعا معنوي اخباري وتحليلي عن الأسهم

واما المادي بصراحة ماعندي مانع واذا تبي رقم احسابي ممكن ادزه لك


وحياك الله مع اخوانك


​

 

[أبو عبدالمحسن]

السلام عليكم

كما توقنا في اخر تحليل بان السوق له دعم 4380 والحمد لله نزله وارتد وواصل الى الان ما شاءالله

المهم
اليوم يوم الاقفالات ممكن اتشوفون النهار طويل اليوم وبارد الى ان تاتي اخر خمسه دقائق ويشتغلون الجماعه

الشارت السوق مصتدم بمقاومه شكلها وقتيه ان شاءالله وبيتعداها هالايام الجايه انشاءالله

لكن لا ننسى ان اليوم ايضا راح يجتمع البنك الفدرالي الامريكي ليحرك الفائده الظاهر لكن احنا اتوقع اذا فيه شي بالنسبه للفايده بالكويت في الويك اند والله اعلم

عموما السوق لم يعطي اشاره الخروج لكن من باع يفضل ان يشترى بعد ما يعدي المؤشر 5500 نقطه ان شاءالله او ان يشترى عندما يرتد السوق من نقاط الدعم اذا نزل لا قدر الله

والله اعلم واقدر على كل شئ

انظر الشارت

 

[TechnoFund]

جزاك الله خير أخوي ابو عبد المحسن على هالتوضيح .. وبارك الله بمجهودك الطيب .

 

[محامي المساكين]

أضم صوتي مع الاخ....

 

[أبو عبدالمحسن]

لا حظ ان السوق بين نقاط دعم ومقاومه 5400 دعم 5483 مقاومه ليست قويه لكن القيمه لم ترتفع لكي يخترقها المؤشر ( كل تأخيره فيها خيره ) ان شاءالله

لكن هل يخترق غدا المقاومه ونرى 5500 نقطه ان شاءالله ( كل شي محتمل )

ام ينزل الى الدعم

عموما السوق جيد ان شاءالله مع ان الكاش في تناقص لكن ملاحظ ان الاسعار ممسوكه بوحده ووحدتين تقريبا

الحاله امبين انها حاله ترقب اعلانات الارباح عسى كلها مسجله نمو ان شاءالله

الله يكتب الي فيه الخير

 

[أبو عبدالمحسن]

(لا حظ ان السوق بين نقاط دعم ومقاومه 5400 دعم 5483 مقاومه ليست قويه لكن القيمه لم ترتفع لكي يخترقها المؤشر ( كل تأخيره فيها خيره ) ان شاءالله

لكن هل يخترق غدا المقاومه ونرى 5500 نقطه ان شاءالله ( كل شي محتمل ) ) مقتبس

كسر المقاومه
الاقفال 5502 نقطه ماشاءالله والقيمه اليوم 50 مليون دينار اختراق صحيح

والله اعلم