boalons قال:
ابو عبدالمحسن مطلوب رايك وجميع الاخوان
ليش للحين التداول ضعيف
هلا بو عزوز
الاخوان ما قصروا واكثرهم طرح افكار مقاربه لما اتوقعه
واظن والله اعلم ان وضع السوق هكذا جيد جدا اولا كلنا عارفين ان اغلب السلع لم تكسر الهاي السنوي واكثرها وزع منح وزياده راس المال
وهذي بطبيعه الحال تسحب سيوله زد على ذلك الاكتتابات الي تمت في الاشهر الاخيره من بنك بوبيان الى الاكتتابات المقفله والسندات الي اصدرتها اغلب الشركات
وفيه ايظا شغله اتوقع ان لها تاثير مباشر وهي شروط الاجل الجديده وماتسببت به من قله الدوران لاغلب الاسهم ( مع الغاء مده الشهر ) ومع مراجعه تقليل الدفعه المقدمه للعقد
الي يطمن بالموضوع ان السوق لما اخترق 5350 تعداه بتداول قوي80 مليون دينار على ما اظن مما ياكد وجود قوه وسيوله موفره لوقت الحالجه وهذا شي طبيعي لكل صندوق او محفظه وارتفاعه في يوم الاختراق ياكد تاييد الكل لاختراق الهاي السنوي للمؤشر بعد تصحيح استمر اكثر من ثلاث شهور
في نظري ان السوق موجود به سيوله لكن لم يدخل عليه سيوله جديده
متى انتوقع السيوله ترتفع
اولا نقطه مهمه في طريقنا الان هي الفايده واكيد الكل يجهل ماسيصدر عنها
خصوصا ان البنك المركزي بالكويت لا حس ولا خبر الا بالامر والنهي قصته قصه وشروطه شروط كل شهر طالع بامر للبنوك لا تقرضون الناس ولا تكثرون واحتفظوا بالكاش اكثر وبعد يوم ولا يومين يطلع بتقارير اتبين ان البنوك فيها تخمه سيوله تكفي البلد واتزيد ماشاءالله ( اكيد ان المركزي اعلم وله سياسه جيده ان شاءالله تحمي الجهاز المالي بعون الله من اي ازمه )
النقطه الثانيه اعلانات الربع الثاني النصف الاول مهمه جدا للكل صراحه واهي الفيصل اذا كانت الامور كلها جيده ان شاءالله
الزبده ان السوق
مثل الولد ميسور الحال (قله السيوله ) الي قاعد يذاكر ويجتهد ويحقق نجاحات ولابد مايبتسم الحظ له واتهافت عليه كبرى الشركات للاستفاده من نجاحاته
ان شاءالله
اتمنى ان قدرت اوصل معلومه شافيه
واتمنى الاخوان يدلون بأرائهم
