استفسار عن كراسي مكينة الكابرس والعداد الله لايهينكم

[كلاش]

السلام عليكم ورحمة الله

انا قبل اسبوع شريت كابرس ال تي زد موديل 2006 من مكتب سيارات وماشي بس 50 الف

طبعا غلطتي اني فحصته بمكان هم ودوني له يعني مو انا اللي اخترت
المكان بس انا ماعارضت ولا قلت بفحصها بالرمال الذهبيه او مكان غيره

المهم طلع بالفحص في شغلات بسيطه سيرفس وهالسوالف

لما حولته واستلمته رحت شويخ وسويت له كل شي من سيرفس
وغيره

والسياره فيها رجفه سألت الكراج قالي يبيلها كراسي مكينه

علما بإن السياره 2006 وماشيه 50 الف وفوق كل هذا يبيلهم تبديل تواير

قالي صاحب الكراج هالسياره مغير عدادها وهي ماشيه وايد اكثر من 50 الف

سؤالي يصير يتغير العداد ؟؟ وصحيح كلامه

ووين اسوي كراسي مكينه ابي احسن مكان وجم سعره تقريبا مع التركيب


ياليت تفيدوني اخواني والله يجزيكم الجنه

 

[مهم للغاية]

اول شي انصحك تروح وزارة التجارة قسم حماية المستهلك وتشتكي على المكتب

هذا في حال ان السيارة فعلا مغيرين عدادها

شلون تعرف ؟؟

ودها الغانم خلهم يفحصون السيارة فحص شامل ويعطونك تقرير عن السيارة

واذا تبي توكل محامي شاطر يتابع لك الموضوع وينبش وراهم راح يطلع لك تعويض حلو ويمكن توصل إلى تسكير مكتب السيارات

 

[خالد المـطيري]

غشوووك حسبي الله عليهم سياره 2006 ماشي 50 فيها رجفيه وكراسي مكينه


اخوي ترى مره رحت فحصت اس اس 2005 طلع مقصوص بالنص حسبي الله عليهم وماشي 40

 

[فهاد11]

الله يعينك بس اذا السيارة كراسي مكينة ورجفية سهالات بدل التواير وبدل الكراسي المكينة ومو غالية حيل ولا صعبه التركيب لكن المشكلة انا فحصت تقريباً او اكثر ست شفرات 2006 وكلها فيها صبغ وفيها دعمات مع ان بعضها ماشي با الاربعين ويمكن اقل مادري اشفيها وين يودنها وين امدامهم يدعمون فيها فا اقول للاخوان اذا احد ناوي يشتري مثل النوعية يفحص ولا ياخذ على كلام المكاتب

 

[B.A]

السلام عليكم
اخوي بالنسبه حق العدادات انت ماتدري اذا فعلا مغيرهم ولالا الميكانيكي قالك هالكلام لان كراسي مكينه ماتخترب بسرعه بسهوله وقالك هالكلام اعتقد جذي كان يقصد
بس بالنسبه حق بعض السيارات فيها عيوب مصنعيه وممكن والله اعلم ان سيارتك فيها عيب مصنعي بكراسي المكينه امرها جدا سهل الكراسي بالاهليه او البديع ماتتعدى 40 دينار وتبدليهم 10 دنانير يعني 50 دينار

وبالنسبه حق الرجفه مشكله بالتواير وهم مو مشكله سياره ماشيه 50 الف تحتاج تبديل تواير يمكن مو مبدلينهم ولا مره على حسب نوع التاير اللي بتحطه

ولاتنسى شاري سياره مستعمله يعني لازم تقط عليها شوي تضبطها لان اللي يبي يبيعها ماراح يعدل كل شي تحتاجه السياره بالعكس يبي يبيع السياره بأغلى سعر من دون لا يدفع عليها شي

ولاتحاتي اخوي السياره ان شاء الله هذي عداداتها والخرابات فيها مو جايده لا بالعكس شي عادي
والله يوفقك بالسياره

 

[كلاش]

يعطيكم الف عافيه وبيض الله وجيهكم

ماقصرتوا والله