بيت فى الاحمدى دورين ونص

[بو عبد الر حمن]

السلام عليكم حبيت اعرف يا جماعه عندى بيت فى الاحمدى مكون من دورين ونص حوش ودوانيه خارجيه معزوله بابها يطل على الشارع باب داخل الحوش اضافه فى ملحق وره البيت مؤجر البيت نظيف جدا والله يا اخوان انى عدلت كل شى فيه تلبيس مزااييك واجلكم الله حمامات جديده وحديقه فى الحوش وكل شى جديد طبعا البيت شارع وسكه باب الملحق على السكه اضافه فى درج مسكر للعوائل للدور الثانى مؤجر بس ابى اعرف اذا بغيت ابيعه جم يجييب ومشكورين .

 

[ابو البراء^^]

وعليكم السلام ورحمه الله وبركاته
ونسأل الله لنا ولك الجنه
بالنسبه لي انا ما اعرف اسعار البيوت بس ان شاء الله الشباب في المنتدى يعطونك سعره
وانا ودي اخذ بيت في الاحمدي اذا سعره مناسب

 

[ShMMry_CoOoL]

السلام عليكم ورحمه الله
انا ادور بيت بالاحمدي
اذا كنت حاب اتبيع انا شراي 60000
55155167

 

[بو عبد الر حمن]

الموقع والسعر

الموقع شارع وسكه يعنى بلغتنا داعوس والبيت نظيف يا اخوان شنو 60 الف لا اخوى اسمحلى بعدين انا قلت ابى اعرف السعر اذا مناسب يا اخوان لنا كلام ثانى بس مو جذى عاد قلنا العقار نازل بس وعرفنا

 

[Kuwait]

جم مساحة بيوت الاحمدي لوتتكرم

واتمنى اعرف مثلك اسعار بيوت الاحمدي

 

[ابن الاصيل]

السلام عليكم / اخوي الله يوفقك انشاء الله البيت يجيب 75 الف باذن الله ت/ 99566664 والله يوفقك

 

[export]

اعتقد 270 متر اقل من 300 اكيد واسعارها من 65 الف وانت طالع حسب الموقع والنظافة

 

[ابو البراء^^]

البيت 66 الف عندي

 

[saqer]

أخوي بو عبدالرحمن أرجو الأتصال على مكتب أعيان الخليج العقاري بالمنقف وسنوافيك بالاسعار أخوك بوسعد 65112114 ____ 23722224

 

[بو عبد الر حمن]

المساحه

السلام عليكم الله يعطيكم العافيه يا جماعه البيت مساحته 279 متر بس البيت مجدد مو نظام القديم موسع وفى حوش ودوانيه خارجيه وملحق وره دور واحد فى امكان للملحق بنائه دورين فوق وللحوش بعد بس يا جماعه البيت مطلوب للتسليف 63 الف وانا ماخذه من 2004 يعنى لو ابيعه شنو استفدت انا اذا هذى اسعاركم انا بغيت اعرف السعر المناسب والله انى ماعرضته لا فى مكتب ولا فى جرايد ولا غير ومشكورين .

 

[بو عبد الر حمن]

على فكره

وعلى فكره نسيت اقولكم انى مؤجر البيت الملحق 120 د ك والدور الثانى 220 د ك والنص الى فوق السطح نظام سويت ديولكس غرفه ماستر مع اجلكم الله حمام كبير مع حوش السطح ضمييته لى تحت عندى الدور الارضى من الدرج والدور المؤجر الى فوق فى له درج خارجى مسكر للعائله صوب السكه يعنى الاخ يقول 60 الف والثانى يقول 66 ماكو فايده

 

[متعب طلال]

الرجال فتح الباب وسام 60000 هذا سوم مايزعل واليي عنده زياده يزيد والسوم ميقطع نصيب ولايزعل بس يكون بعلمك قبل الطفره باسعار العقار كان اسعارهم من 35000 الي 50000 وانشالله عن قريب ترجع الاسعار القديمه ترا العالم كله يمر بازمه ماليه بعدين جم عمره بيت الاحمدي تراه اكبر من ابوي والعجوز ماتصير بنت انا اسف جدا بس هذي الحقيقه انصحك بالبيع الحين الايام الجايه راح تتمني السوم القديم ماراح تحصله بعدين 63000 راح تكون لك رصيد تقدر تزيدهم وتشتري بيت زين ارجو ان لاتزعل يالطيب اكرر اسفي وشكرا

 

[ajab]

61وانا جاد zgrtte@hotmail.com

 

[dreeeeb]

وعلى فكره نسيت اقولكم انى مؤجر البيت الملحق 120 د ك والدور الثانى 220 د ك والنص الى فوق السطح نظام سويت ديولكس غرفه ماستر مع اجلكم الله حمام كبير مع حوش السطح ضمييته لى تحت عندى الدور الارضى من الدرج والدور المؤجر الى فوق فى له درج خارجى مسكر للعائله صوب السكه يعنى الاخ يقول 60 الف والثانى يقول 66 ماكو فايده

اخوي ابو عبد الرحمن
اتصل علي وابشر بالخير
الشراي موجود​

 

[مساهم11]

تلفونك ابوعبدالرحمن لو سمحت
او اتصل علي 66805472

 

[ajab]

75الف دام ساموه

 

[حامل ألمسك]

نصيحة من اخ لك في الاسلام لاتبيع بسعر ماتقدر تقرب للديره وتشتري فيه بيت لانك بيوت الاحمدي اسعارها قليله مقارنه بالمناطق القريبه منها و لانك راح تضيع فلوسك بالايجار وهذه صارت مع ناس وواجد واخيرا اسال الله ان يثمنون الاحمدي خل اهلها يفرحون مثل الناس بيت 400 متر حالهم حال الكويتين

 

[ابن الاصيل]

السلام عليكم اخوي بو عبد الرحمان انا لا اعرفك ولا تعرفني ونعم فيك والموجودين كلهم اخوان لاكن الي بقول لك لاتستعجل علا بيعت البيت البيت يجيبلك سعر زين ممكن يجيبلك 80 الف الي 75 الف ورزاق الله طول بالك علية الشباب سامو والسوم مايزعل لانة حلالك وانت حر فيه علا العموم البيوت الاحمدي للعلم لكل الموجودين مرغووب بنسبة 85/100 بالكويت وانت لا تستعجل بالبيع وهذا رقمي انشاء الله اجيبلك 80 الف الي عندة زود يستاهل والله ولي التوفيق 99566664

 

[بو عبد الر حمن]

البيت

السلام عليكم الله ورحمة الله وبركاته اول شى اللله يجزاك خير يا حامل المسك على كلامك وابن الاصيل اتشرف بمعرفتك والله اخوى وثانى شى انا مانى مستعجل يا جماعه كتبت من اول مره كنت بعرف الاسعار وجم يجيب البيت بس السعر الصراحه مو عاجبنى والله يعطيكم العافيه

 

[حامل ألمسك]

موفق اخوي ابو عبد الرحمن حنا بشرق الاحمدي انت وين