شلون ابدي من الصفر؟ ارجو المساعدة من اهل الخبرة

[q8rottweilers]

السلام عليكم
اخوكم شاب عمري 23 سنة موظف بوزارة التربية وعلى الله وعلى المعاش وحاب احد يساعدني بفكرة لمشروع ناجح مع العلم ماعندي راس مال وناوي اخذ قرض عشان ابدأ ياريت تساعدوني لاني عليمي وماعرف شي زيرو وانشالله فيكم الخير والبركة وما خاب من استشار
فكرت مبدئيا بموقع انترنت لان التكلفة منخفضة ومامن خوف من الخسارة وحاليا افكر بمصبغة بس مادري شسوي كلش زيرووو اتمنى اسمع آرائكم ونصايحكم
وجزاكم الله خير مقدما

 

[al-jadi]

ما اكتب ولا كلمه هني اتصل علي وتشوف الخير
97132131

 

[بو حسن22]

اخوي نصيحة اخو وخر عن القروض نهائيا لو اتسلف من احد ول تاخذ قرض صدقني ماراح تقدر تخلص قرضك في ناس ماخذين قرض من تاريخ 2005 وماراح يخلص قرضهم الا 2037 تخيل يعني يطير معاشه على البنك ماتسوى عليك وخصوص توك شباب يعني تبي تستانس بالمعاش وبخصوص فكرة مصبغه ترا مشروع ناجح حييل بس لو تشوف لك مصبغه بأحد الافرع راح اطلع لك ذهب وتقبل مروري^_^

 

[أبوفلان]

اخوي نصيحة اخو وخر عن القروض نهائيا لو اتسلف من احد ول تاخذ قرض صدقني ماراح تقدر تخلص قرضك في ناس ماخذين قرض من تاريخ 2005 وماراح يخلص قرضهم الا 2037 تخيل يعني يطير معاشه على البنك ماتسوى عليك وخصوص توك شباب يعني تبي تستانس بالمعاش وبخصوص فكرة مصبغه ترا مشروع ناجح حييل بس لو تشوف لك مصبغه بأحد الافرع راح اطلع لك ذهب وتقبل مروري^_^

نفس الراي


انحششششش عن القرووووووض

 

[q8rottweilers]

شنو الحل اذا انحاش عن القروض؟ اذا بخش من معاشي لفترة معينة وخسرت لا سمح الله بيكون نفس الشي

 

[al-jadi]

السلام عليكم
اخوكم شاب عمري 23 سنة موظف بوزارة التربية وعلى الله وعلى المعاش وحاب احد يساعدني بفكرة لمشروع ناجح مع العلم ماعندي راس مال وناوي اخذ قرض عشان ابدأ ياريت تساعدوني لاني عليمي وماعرف شي زيرو وانشالله فيكم الخير والبركة وما خاب من استشار
فكرت مبدئيا بموقع انترنت لان التكلفة منخفضة ومامن خوف من الخسارة وحاليا افكر بمصبغة بس مادري شسوي كلش زيرووو اتمنى اسمع آرائكم ونصايحكم
وجزاكم الله خير مقدما

حبيبي انت لا غروض ولا شي والمكان موجود والتمويل موجود
اتصل وتفهم

 

[hassana]

السلام عليكم
اخوكم شاب عمري 23 سنة موظف بوزارة التربية وعلى الله وعلى المعاش وحاب احد يساعدني بفكرة لمشروع ناجح مع العلم ماعندي راس مال وناوي اخذ قرض عشان ابدأ ياريت تساعدوني لاني عليمي وماعرف شي زيرو وانشالله فيكم الخير والبركة وما خاب من استشار
فكرت مبدئيا بموقع انترنت لان التكلفة منخفضة ومامن خوف من الخسارة وحاليا افكر بمصبغة بس مادري شسوي كلش زيرووو اتمنى اسمع آرائكم ونصايحكم
وجزاكم الله خير مقدما

اخوي بس حبيت انصحك نصيحه لوجه الله اي شخص يقولك تعال انا ادبرلك قرض اوتاخذ سياره او بأي طريقه لا يقصون عليك جماعه التكييش تراهم ما يخافون من الله واكبر نصابين ومالهم مذهب ولا دين أخوك بوعلي

 

[قلب المؤشر]

مشرعي هو ان توفر لنفسك 25% من دخلك الشهري
والنتيجه صبر 3 سنين وراح تشوفها بعينك..بلا هــــم قروض ووجع راس..والله يوفقك.

 

[BU ALI]

بس حبيت أقولك ((( حط بالك ))) راجع موضوع ( فهد بوصقر ) عن دعم العمالة وشنو كان رد الأخ ( الجدي ) على الموضوع . أرجو أن تقرأ الموضوع بالكامل ولا تصدق أي واحد يعطيك الشمس بيد والقمر بيد ثانية . نصيحتي لك انطر شوي ترى توك شباب وخل هالفترة دراسة مواضيع وليست دخول في مشاريع . ومثل ما قلت لك كوووووون حذر أعتقد فهمتني,

 

[q8rottweilers]

تسلم على التنبيه يابوعلي وانا فعلا ماكنت مرتاح لموضوع الاخ الجدي لكن الحمدلله نيتي صافية وانشالله ربي بيرزقني على قد نيتي ويوفقنا ويوفقكم انشالله للخير
بس غيري اصغر مني ونجح بعد ماعتقد العمر عائق لكن الفكرة الناجحة اهي العائق
تسلمون على ردودكم واهتمامكم يا اخوان

 

[life-enginer]

الله يوفقك لكن الان حتى عمالقه الاقتصاد نايمين وخايفين
وضعك اسمه مجازفه والمجازفه بدون راس مال فائض غلط وحرام بعد
خلك ستاند باي لين يعدل السوق او يمر عليك مشروع ناجح ولا تستعجل بشي نهائي

 

[almofareg]

السلام
انتبه لنفسك و لا تصير تحت الصفر
ترى اللي مو مديون بنعمه و عنده خير كثير
وفر من معاشك و ابدا تجارة لو بسيطه براس مال بسيط
مثال بعد ما توفر لك مبلغ بسيط روح الاحساء او القصيم و جيب تمر بالمبلغ قبل رمضان باشهر و صرفه شوي شوي او عسل او بهارات و خلك حذر من بياعين الاحلام و اهل الربا فالربا يمحق البركه من الرزق و يورطك

ابدا شوي شوي و ترى اللي معاشه سالم من الديون بخير و ببركه
الله يوفقك

 

[الشكوىى لله]

لا للـقروضَ ..لا لا للدين (عمأت عين)

المصبغه مشروعَ ناجح .. جداً
عموماَ اتمنالك كل التوفيق والرزق يارب

 

[key_larg]

السلام عليكم

اخوى العزيز جميع القروض ربويه بستثناء قرض بيت الزكاة لانه بدون فائده
واذا تبى الله يوفقك ويرزقك ابتعد عن القروض مو مجبور تدخل مشروع
بفلوس حرمها الله سبحانه.

خلق على راتبك وبتلاقى خير من ربك اشاء الله

وقوله سبحانه: {يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنْ الرِّبَا إِنْ كُنتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278-279].

وانا عن نفسى ماشفت واحد اخذ ربا والله وفقه فى مشروع (فاذنو بحرب من الله ورسوله) والله يوفق الجميع

 

[Broker2009]

اخي الكريم اي مشروع بتبدأ فيه مهما كانت دراسته قويه معرض للربح والخساره
فانا مع الاخوان لا تبدأ مشروع بقرض لانك لا سمح الله ممكن تخسر وبهذه الحاله راح يصير عندك دين وفوق الدين خساره .

انت ابدأ جمع فلوس وحط لك استراتيجيه للتجميع يعني خلي خطتك مثلا انه نهاية كل سنه يكون معك مبلغ معين وابدأ مشروعك وعمرك مثلا 25 بناءا على الكلام السابق تكون عارف يوم يكون عمرك 25 كم بيكون معك وبناءا على هذا التقدير تقدر من الحين تدرس عدة مشاريع براحتك وتحدد انت باي مجال تشوف نفسك .

والله يوفقك اخوي

 

[قناص_السوق]

اخوي عشان تبدي من الصفر قو ثقافتك القانونية قبل كل شي حتى تحمي نفسك ... لا تثق باي قانوني غير المحكمه او بواحد تعرفه شخصيا لان ما تدري يمكن هناك خدعه مخبأه لك

ابدأ بالاصغير ... مثلا الاستيراد مره وحده كل مره لنوع من الاصناف باستخراج الترخيص المطلوب جرب الاستيراد لعدة اصناف باقل الاسعار . . .
بجذيه يكون خذيت جوله سريعه على وزارات الدولة العدل التجاره البلدية . . . الخ

طلعلك اي رخصه في مجال متوفر بالتجاره وحاس ان المجال سهل دربه عليك, مؤسسة فرديه (الفردية ما عندي علم تطلع اذا فيه ذ.م .م ولا بس تضامنية ) طبعا ذ.م .م احسن لك لحماية نفسك واهلك و بيتك و بخصوص راس المال خل الوالد الله يحفظه اذا متقاعد يحطلك راس مال ويسحبه ... بدال القروض الي تكسر الظهر و ابدأ شغلك بارخص الاثمان يعني خل محلك حق مستوى طبقات منخفظه المعيشه .... يعني محل بالمرقاب حق البنغاليه مثلا بقاله صالون ... الخ جذيه تظمن ما تدفع وايد فلوس لتشغيل النشاط ....

بجذيه تبدي خطوه يديده بمراجعه وزاراة اكثر و ربما ابرام عقود .. . .
بعد سنه خل الرخصه تتصكر او كمل مشوارك فيها مع التوسع بالطريج لكن لو رخصتك مسؤوليه محدوده الزامي تكشف راس المال سنويا .... بعدها قرر مشروعك الجدي و مدى فهمك للتجاره


وتذكر بالبدايه , لا تشارك احد اي شخص حاب يساعدك لوجه الله خل يساعدك لا تطوف المعلومات .... بشرط انت لا تخدمه لانك غشيم في هالامور وقوله ما اقدر ابرم وياك اي ورقه غير جذي قوله ما ابي مساعدتك و مشكور وباب الخير وسيع ترى


واي شخص حاب يبرم وياك عقد وخر عنه لانك يديد و اذا اهو نفس الشي يديد , اقترح عليه كل واحد فيكم يأسس مؤسسه فرديه خاصه له لكن بنفس المجالات بالضبط حتى تروحون و تردون ويه بعض لكن لا بينكم عقود ولا شي ..... وبعد سنه لم يصير عند كل واحد فيكم خبره كنسلو مؤسساتكم الفرديه و دشو صداقه و ابرمو العقود و خلو المؤؤسسات شركات ...

 

[MFCO]

السلام عليكم و رحمة الله و بركاته.

بسم الله الرحمن الرحيم.

اخوى العزيز جميع القروض ربويه بستثناء قرض بيت الزكاة لانه بدون فائده
واذا تبى الله يوفقك ويرزقك ابتعد عن القروض مو مجبور تدخل مشروع
بفلوس حرمها الله سبحانه.

خلق على راتبك وبتلاقى خير من ربك اشاء الله

وقوله سبحانه: {يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنْ الرِّبَا إِنْ كُنتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278-279].

وانا عن نفسى ماشفت واحد اخذ ربا والله وفقه فى مشروع (فاذنو بحرب من الله ورسوله) والله يوفق الجميع






(((( أكرر رد الاخ (key_larg ) و بارك الله فيك على هذا الرد و انا متوافق تماما معك )))).




(( الله العزيز القدير , يكفينا شر الشياطين التي توسوس علينا في هذا العصر الحديث , كثرت )).

 

[الوافي2]

بصراحه اذا عندك وقت فراغ اشتغل نص دوام

احسن لك من المغامره والدين تري الشغل

اذا قدرت راح توفر منها وعليك بالادخار لفتره بسيطه.

 

[danboshy]

وقوله سبحانه: {يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنْ الرِّبَا إِنْ كُنتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278-279].

 

[Taekwondo]

السلام عليكم .. اخوي الله يوفقك في دوامك بوزارة التربيه .. اول شي فكر بالالتزامات اللي عليك يعني اقساط سياره مثلا .. اذا خلصتها بعدين شوف انت شنو تحب مثلا: ساعات اجهزة كمبيوتر اجهزة كهربائيه .. وخر عن القروض وشوف التزاماتك والله يوفقك ان شاء الله