الكشخة على الفاضي والمليان... سلوكيات دخيلة
مظهر من السلوكيات الجديدة اللي طغت
خلوني أبدي معاكم بشوية ايجابية
"الله جميل يحب الجمال"
كلنا نتجمل ... كلن حسب ذوقه... والنتيجة تشوف أشكال مختلفة من التجمل بسبب اختلاف الاذواق
بس بالنهاية كلنا يجمعنا هدف واحد ... الظهور بمظهر جميل.. احتراما للنفس وللذوق العام
لكن التجمل الخارجي مفروض يكون له حدود
و مو المفروض يكون الاساس في حياتنا
مو من المفروض يكون تقييمنا لبعضنا على أساس كشخة الواحد فينا!!
مو من المفروض يكون الهاجس اللي ما يخلي بعضنا ينام الليل لانه مايدري اش يلبس باجر للدوام!!
"الكشخة على الفاضي والمليان"
كلكم تروحون الاسواق والمجمعات
كلكم تشوفون هالناس من شباب وبنات اللي علشان يبينون لكم أنهم كشخة!!
ليش ؟؟؟
ليش صرنا جذيه؟؟
ليش صرنا نحب نتكشخ وين ما نروح؟؟
رايح (أو رايحه) الدوام .. لا بسين أحسن ما عندهم
رايح (أو رايحه) الجمعية ... جنهم رايحين عزيمة
رايح (أو رايحه) السوق ... يطلعون أغلى شي موجود بالكبت ويلبسونه!!
وياريت هالكشخة على سنع!!
![Wink ;) ;)](/community/styles/default/xenforo/smilies_vb/wink.png)
اللي مركبة ألوان عمرها ما تركب على بعض
![Mad :mad: :mad:](/community/styles/default/xenforo/smilies_vb/mad.png)
واللي لابس لبس بنات ومقنزع شعره فوق راسه
واللي لابسه لبس مقاس فار وهي ما شاء الله مقاسها مقاس فيل!!
ياجماعة موشرط اللي هابين فيه الناس يناسبكم!!
وهذا الجزء الهين من الموضوع
![Stick Out Tongue :p :p](/community/styles/default/xenforo/smilies_vb/tongue.png)
في منهم اللي ما يخافون ربهم في لبسهم
ولا يحشمون الناس اللي حواليهم
وخاصة البنات منهم
بعضهم وللاسف ...
![Eek! :eek: :eek:](/community/styles/default/xenforo/smilies_vb/eek.png)
تدخل المجمع على بو كاشخة واهي لابسه لبس أقل ما ينقال عنه أنه لبس مكان مو زين ماني .. .. يا دافع البلا!!
طبعا ممكن أحد منكم يسأل: خل الناس تتكشخ... انتي شضارج؟؟ الناس أذواق..
أجاوب على الشق الأول من السؤال
![Frown :( :(](/community/styles/default/xenforo/smilies_vb/frown.png)
الضرر يأتي على مستويين اجتماعي... ومادي
المستوى الاجتماعي
![Stick Out Tongue :p :p](/community/styles/default/xenforo/smilies_vb/tongue.png)
اليوم الكل ينفق على هالمظاهر
صغير وكبير ... ولي أمر أو شباب توهم متوظفين
يقطون ذيج المبالغ على ملابس ... جناط .. ساعات... جواتي ... الخ
وكل هذا علشان يترسون عيون الناس
ويصيرون ناس عليهم القيمة بالمجتمع
ويكتسبون مكانة وسمعه بين ربعهم... و ينقال عنهم ناس كشخة
ومن هني يظهر الخلل الاجتماعي
تقييم الناس على أساس كشختهم ... مو على اساس اخلاقهم وسمعتهم
يا سلام .. اشتري تنوره من محل ..... بـ 32 دينار انت سوفاج ... مسكينه
![Confused :confused: :confused:](/community/styles/default/xenforo/smilies_vb/confused.png)
اشتري نفس التنوره بنفس الشكل والجودة من .... بـ 120 دينار ... انتي كشخة ... ( دام هذا طبعج احنا من ربعج )
![Eek! :eek: :eek:](/community/styles/default/xenforo/smilies_vb/eek.png)
والموضوع ما يوقف عند المقتنيات الشخصية
حتى في الطلعات والمطاعم
روحوا هالمطاعم اللي على البحر وانتوا بتلقون اللي أقصده!!
الجانب المادي
الخلل الحاصل اليوم في أولويات الناس بين حب التكشخ والمصالح الهامة ..
وطبعا هذا ناتج عن ضعف الوعي الاستهلاكي
![Roll Eyes :rolleyes: :rolleyes:](/community/styles/default/xenforo/smilies_vb/rolleyes.png)
(وهذا موضوع جدا هام ، ياريت تقرون عنه من مصادر متخصصة، احنا في أمس الحاجة اليوم نتوعى في موضوع الاستهلاك في ظل هالأزمة الاقتصادية)
تلقى هالكشخة هالرزة... كل مافيه ماركة
حتى ملابسهم الداخلية ماركة
بس اقعد معاه وسأله
اش سويت لنفسك اليوم؟؟
![Big Grin :D :D](/community/styles/default/xenforo/smilies_vb/biggrin.png)
شلون موازن أمورك المالية؟؟
شنو نسبة قيمة هالمقتنيات الكشخة اللي شريتها من اجمالي دخلك السنوي؟؟
واسألهم السؤال الأهم:
زهبت عمرك حق وقت الجد... وقت الشدة... لا حجت حجايجها؟؟
![Cool :cool: :cool:](/community/styles/default/xenforo/smilies_vb/cool.png)
طبعا بتطقهم البوهة وتلقاهم يفجون حلوجهم بجواب واحد : القروض موجودة!!
ليش؟؟ تسوى عليك مذلة السلف؟؟ تسوى عليك أنك تفقد حريتك وتتدين على موضوع كنت تقدر تسويه بنفسك؟؟
اسأل أولياء الامور منهم :
![Cool :cool: :cool:](/community/styles/default/xenforo/smilies_vb/cool.png)
اش سويت لعيالك باجر؟
شنو وفرت لتعليمهم؟؟
شنو وفرت للازمات الصحية لا سمح الله؟؟
![Eek! :eek: :eek:](/community/styles/default/xenforo/smilies_vb/eek.png)
ترى الدنيا مو كلها وناسة!!
بالنهاية...
أسألكم ياللي تعتقدون بأن كلامي كلام عيايز ما منه فود...
![Mad :mad: :mad:](/community/styles/default/xenforo/smilies_vb/mad.png)
هل حبكم للموضة وركضتكم وراها أهو التطور ::verymad:: اللي ننشده لمجتمعنا واللي بيوصلنا جدام وايد ويخلينا في مصاف الامم والمجتمعات المتقدمة؟؟ اذا جذيه عيل لازم النواب يطالبون الدولة في المساهمة ودعم فيلا مودا!!
تهقون هالشعوب اللي تستوردون منها الموضه كلهم يركضون وراها؟؟ لوكانوا جذيه جان ما وصلكم منها شي!!
تهقون شلون انبنت الديرة وقدرنا نعيش اليوم في هذا المستوى المعيشي؟؟ تهقون لأن الأولين ركضوا ورا كشختهم؟؟
تهقون من كشختنا الناس حبتنا؟؟
![Wink ;) ;)](/community/styles/default/xenforo/smilies_vb/wink.png)
أنا ما أقول لا تتكشخون
![Big Grin :D :D](/community/styles/default/xenforo/smilies_vb/biggrin.png)
تكشخوا عليكم بألف عافية
بس باعتدال ... وكلن على قده
![Smile :) :)](/community/styles/default/xenforo/smilies_vb/smile.png)
واعطوا كل شي في حياتكم حقه...
لا تطغى الكشخة على كل شي وتمسح عقولكم وهويتكم
اهتموا بأولويات الحياة ... بعدين بمظهركم... مو العكس