الرد على جميع استفسارات دعم العماله مواضيع ساخنة ... نرجو التثبيت

[al-jadi]

ماهو رايكم شباب

هل التسجيل على دعم العماله سينقذ مشكله تفنيش الكويتيين؟

هل التوظيف على دعم العماله يحد من البطاله؟

هل النسبه التى تتحدث عنها الهيكله من توظيف الكويتيين هل هي وهميه ؟

هل إعاده الهيكله في مأزق وأنهيار والرضى بالامر الواقع والسكوت على التسجيل الوهمي للحفاظ على نسبتهم ؟


شركة الجدّي العالمية للتجاره العامة جاهزة للرد على جميع استفساراتكم بخصوص دعم العماله ... ونرجو التثبيت

 

[كويتيه @]

منتظرييييييين الاجوبه

 

[al-jadi]

هل التسجيل على دعم العماله سينقذ مشكله تفنيش الكويتيين؟

اكيد لان الموظفين الكويتيين بعد التسريح اتجهو لإيجاد شركات تسجلهم حتى لو على دعم العماله فقط

هل التوظيف على دعم العماله يحد من البطاله؟

اكيد يعني بدل لا الشباب يكون لهم سلوكيات منحرفه للحصول على المصروف او المال يكون له معاش ينزل و مايدمد ايده على حرام او يدخل مع رفاق السوء بعمليات اجراميه كسرقه السيارات وغيرها

هل النسبه التى تتحدث عنها الهيكله من توظيف الكويتيين هل هي وهميه ؟

اغلبها توظيف وهمي

هل إعاده الهيكله في مأزق وأنهيار والرضى بالامر الواقع والسكوت على التسجيل الوهمي للحفاظ على نسبتهم ؟

مشكله انهيار وتدني نسبه العماله الوطنيه بالقطاع الخاص التنا%

 

[كويتيه @]

وهل الحصول على معاش دعم العماله هو الحل السحري للبطاااااله؟؟؟؟

 

[الـعـتـيـبـي]

ياجماعه خلوا الناس تعيش

ما اشوف احد يحاسب التجار والبوق العلني الي صاير عندنا بس على المواطنين المساكين وللعلم انا موظف حكومه مو قطاع خاص

 

[al-jadi]

وهل الحصول على معاش دعم العماله هو الحل السحري للبطاااااله؟؟؟؟

من المؤكد انه عندنا يصرف لشاب معاش شهري سيكف عن السلوكيات المنحرفه

 

[al-jadi]

ياجماعه خلوا الناس تعيش

ما اشوف احد يحاسب التجار والبوق العلني الي صاير عندنا بس على المواطنين المساكين وللعلم انا موظف حكومه مو قطاع خاص

عدل كلامك يالعتيبي ... كل ما سمعو واحد سجل على دعم العماله ويبيله جم فلس صوبو عليه السلاح؟

جنه اهو وبس

على العموم شكرا لمرورك

والتوظيف على دعم العماله يحل المشكله انشاء الله ( مشكله تفنيش الكويتيين )

 

[al-jadi]

للرفع
هل احد عنده استفسار بخصوص دعم العمالة

 

[bou_yousif]

بارك الله فيك أخوي اذا الولد طالب يدرس بالجامعه هل يقدر يسجل بموضوع دعم العماله وشنو الاوراق المطلوبه ؟؟؟؟

دمت بخير .​

 

[الـعـتـيـبـي]

بويوسف اذا عمره 21 وفوق عادي مايكلمونه بس اذا اقل يكتبونه اقرار وتعهد انه مايدرس في الكويت او بالخارج

 

[bou_yousif]

بويوسف اذا عمره 21 وفوق عادي مايكلمونه بس اذا اقل يكتبونه اقرار وتعهد انه مايدرس في الكويت او بالخارج

بارك الله فيك اخوي الـعـتـيـبـي على الرد ,,,,


طيب وان كتب تعهد هل ممكن يعرفون بعدين او هل لهم تواصل مع الجامعه @....؟؟ وهل في طلاب جامعه ياخذون الدعم .؟؟؟؟؟


دمت بخير .

بو يوسف​

 

[الـعـتـيـبـي]

اخوي انا اعطيك حل يكمل دراسته بره وياخذ الدعم اهي انا يروح الجامعه اللي يدرس ويسجل ويضبط اموره بس انها تكون معترفة من التعليم وعقب مايخلص يجي يفتح ملف بالتعليم جذي مايدرون عنه

 

[اوكيشن]

هل توجد شركات حاليا توظف على دعم العمالة لحملة شهادة الثانوية العامه ..؟


وكم الصافي اللي يوصل في الحساب كل شهر ..؟

وهل توجد شركة لاتستغل اللي يبي الوظيفة وتاخذ من رواتبهم ..؟

 

[bou_yousif]

اخوي انا اعطيك حل يكمل دراسته بره وياخذ الدعم اهي انا يروح الجامعه اللي يدرس ويسجل ويضبط اموره بس انها تكون معترفة من التعليم وعقب مايخلص يجي يفتح ملف بالتعليم جذي مايدرون عنه

ما قصرت اخوي العتيبي لكن الولد يدرس بجامعة الكويت شلون يسجل بره , وهل في طريقه ثانيه لهذا الموضوع ؟؟؟


دمت بخير .​

 

[الـعـتـيـبـي]

لا وانا اخوك مدام جامعة الكويت اتوقع يدورون انه يدرس فيها بس بره الكويت صعبه

 

[المطيري23]

اخوي كلامك على العين والراس كله صحيح

بس الدعم العماله ما ينزلون الراتب اله كنت متوظف بشركه لانه الشركات رواتبهم ضعيفه وقالو نعطي الكويتين دعم عماله لتشجيع دخولهم لقطاع الخاص لانه القطاع الخاص تقدر تتوظف في بسرعه بس الحكومي تتاخر عن طريق الديوان ... وبدال قعدين في البيت الشباب قالو يسجلون في الشركات ويتوظفون فيه ونعطيهم دعم عماله كحل المشكله فقط.... وصرت عكس

الناس تجيب شهادة وعقود وهميه من شركات مقابل كم دينار وتاخذ دعم عماله شهريا ..

هل تعتقد هذا حلال ؟

وانا اقول ما اعتقد انه حلال فلوس دعم العماله لانه اعتقد سرقة المال العام لانك تاخذ فلوس بدون مقابل تعب ولا شي .

 

[القديم 22]

الله يكثر خير حكومتنا 00 ماقصرت فينا الله يعطيهم العافيه

بس رجاء ( الحسود ) يسكت ويعرط علي ( براطمه ) احسن 0

الزوجه لما تقعد في بيتها وتاخذ دعم عماله وتربي عيالها احسن من الدوام الحكومي الذي بالطبع يكلف الدوله الشيء الكثير من راتب وبدلات وغيره 000سبحانك اللهم وبحمدك اشهد ان لااله الاانت استغفرك واتوب اليك 0

 

[المطيري23]

والله المشكله من الناس الى يبون الشي مو حرام نظرو على وقالو مو حرام واذا يبونه حلال قالو حلال

اخووي واختي انتم تاخذون فلوس وانتم قعدين في البيت بصفة شنو ؟

الشي المعروف الراتب الحلال لانه الفلوس اذا جتلك وانت تعبان عليه ندري انه حلال واذا ما تعبت وانت قعد في البيت بدون شغل ومشغله هذي حرااااام و سرقة المال العام .

 

[Eng-Omar]

اقووووول

اشرب جاااااي وروح



محد راااح دعم العماله الا واهو مو معتاااز

وبعدين اذا كان رب عملك مخليك ما تداوم

قالوا الشيوخ انه ما عليك شي انشالله

ولا بس خير الديره رايح بره

وللاجانب اللي كلوا الديره جنها كيكه

واول من حط ايده بيدهم التجار الكباااار

عالاقل اللي بياخذ دعم عماله بيصرف على اهله وعياله

 

[جرح الورق]

يا جماعه انا مسجل في شركه ودعم العماله طلب اوراقي لكن ما رحتلهم

الكلام هذا كله قبل لا اصير طالب في التطبيقي وانا حاليا طالب

قبل لا اصير طالب في المعهد التطبيقي

وانا الحين استلم من الشركه راتب ولكن ما آخذ من دعم العماله شي ولكن اسمي موجود عندهم وناقصني بس اكمل اوراقي عشان يشولي الدعم

وعلى فكره ترى إعانة المعهد تمشيلي

السؤال الحين اذا كملت 21 وقدمت على دعم العماله هل يمشونلي الدعم