استفسار عن لابتوبات كارفور

[pedram]

سلام عليكم

انا بغيت اشتري لابتوب من كارفور

اسعارهم ما شاء الله

المهم

هل كارفور بس يقبل كاش ولا يصير اقسط اللاب
لاني بشتري ثنتين

و السؤال الثاني
تنصحوني اشتري الحين ولا انطر المعرض الي بأرض النعارض
لان العرض لي تاربخ 7 فبراير اعتقد و اخاف يروح علي


وسلامتكم

 

[mr.soft]

احسن شئ اخوي انطر المعرض وشوف اش راح يصير معاك وبالتوفيق ان شاء الله

 

[ابو سالم1]

يا جماعة وين صاير كار فور ممكن احد يوصف لى المكان !!!

 

[تاجر 2008]

كارفور داخل مجمع الافنيوز اللي بالري

++++

نصيحة اخ اسعار كارفور ما تتعوض

اترك عنك معرض وكلام فاضي

معرض السنه اللي فاتت شنو نزلوا ؟ ولاشي تقريبا

نصيحتي لك اشتر وتوكل علي الله

وعندكم كاش اظن بس

 

[Hi5]

اسعار كارفور مناسبة انا كل اسبوع اتكي بالافنيوز واشوف الاسعار عند كارفور والغانم اللي يم بعض واللي الاحظه ان اجهزة كارفور ارخص حتى لو بفرق بسيط ، اذكر عرضت جهاز ايسر الصغير كان بكارفور بــ 116 دينار وعند الغانم بـــ 119 وطبعا في اجهزة الفرق يكون اكبر من هالسعر

بس على فكره ومو كسرا بسوق كارفور انا عندي طابعة hp ليزر الوان شاريها من كارفور ولما رحت وديتها الوكالة عطوني وحده ثانيه يديده قالوا هذي ستوك ماخذه منهم كارفور على ما اذكر
يوريكا نوعا ما أسعارهم مناسبة بعد وبالتوفيق اخوي

 

[pedram]

سلام عليكم

خلاص راح انطر المعرض و اشوف لو نزلو اجهزة جديدة و اسعار حلوه اشترينا
اما لو مو شي اروح كارفور



يعطيكم العافية