مركز التلميع الأمريكي كان بالري وين مكانه الآن ؟

[Pivotrend]

مركز ممتاز متخصص بتلميع السيارات من الداخل و الخارج اعطيهم السياره كل فتره للتنظيف و التلميع
كان مكانه بالري و الآن تغير مكانه يا ليت اذا في أحد يعرف وين مكانهم يبلغنا هنا
و شكرا

 

[wooow]

اعتقد مقابل المخبز الالي اللى بالشويخ لكن ليما الحين ما بلش

 

[jassem777]

توه رجع في نفس مكانه ​

 

[Pivotrend]

يعطيكم العافية ياخوان
انا رحتله قبل شهر كان فاضي
بروح بكره او بعده نفس المكان

 

[Pivotrend]

للأمانه لازم أنقل تجربتي

أولا: مكانهم بجانب مكان مركز التلميع الأمريكي القديم و حاطين نفس أعلامهم بنفس اللون و أسمهم مركز التلميع الدولي

ثانيا: الموظف يقول أنهم نفس المحل ( نفس مركز التلميع الأمريكي ) و لكن صار ماكنهم على الجنب

ثالثا: ديكورات السيارة الداخليه متفلشه كم قطعه أضطريت أرجع السياره لهم يركبونها و أتضح أنهم مو فاهمين الشغل مع أنها نفس السيارة اللي لمعتها عندهم قبل 6 أشهر

رابعا: سعرهم أغلى صار 60 دينار من السابق 45 دينار من أني مسوي نفس التلميع ( تلميع كامل الخارج و الداخل ) قبل 6 أشهر , مو مشكله و لكن شغلهم أسوأ

خامسا: أتوقع شغل المغسله العاديه أنظف من شغلهم و أنهم ليسوا نفس المحل السابق ( مركز التلميع الأمريكي ) ه

و الله أعلم...

 

[ربيع الصمان]

اخوي انا عميل سابق لهم
المركزالتلميع الامريكي اللي بالري نفسه الان اهو مركز التلميع الدولي الشويخ ولكن المسؤول المصري طلع الشايب ابو فؤاد اهو اللي مظبطهم ولكن الاداره الان تغيرت واسعارهم ارتفعت والشغل حده بايخ ونفسيه ومواد خرطي ..............


والان اشتغلت مع مركز سيتي كار مقابل المخبز بالشويخ مباشر شغل مو طبيعي لا والمسؤول بعد كان عندهم سابقا سوري فايز شوف شغلهم على مسؤوليتي وقبل ماتشتغل شوف السيارات الجاهزه وموفق ...........

 

[salem-shr]

والله أنا صاحب تجربة دخلت عندهم شفر موديل 2001 عندي من الوكاله

شغلهم تعبان جدا جدا جدا

ما أنصح فية علما بان السيارة كلفتني 45 دينار ..

ونسيت أقولكم السيارة الى الآن فية ريحة الغسيل من داخل