احترت بين يوريكا والغانم والوكيل

[lfc]

السلام عليكم ورحمه الله وبركاته

اخواني انا احترت وانا ادورلي لابتوب سوني رحت يوريكا والغانم والوكيل وكل واحد يقول كلام غير عن الثاني :

الغانم ماذكر والله بالضبط شنو قالي

يوريكا يقول انه لابتوباتهم ارخص لابتوبات بالسوق وصح انا سئلت على لابتوب سوني فايو sr220jib سعره 449 دينار وبالوكيل سعره 550 وزياده ماذكر بالضبط جمن سعره

انزين ليش يوريكا يفرقون عن السوق هالكثر ؟؟

انا اللي اعرفه انه اجهزه يوريكا صينيه
بينما الوكيل قالي انه الاجهزه عندهم تجميع الصين والقطع يابانيه

اتمنى انكم تفيدوني وشكرا ً

واذا في مكان احسن ليتكم ادلوني

 

[cocacola]

اخوي دائما الاجهزه في الغانم و يوريكا ارخص من الوكيل
وهم ياخذون الاجهزه من الوكيل

 

[almutawa3]

اللى يقولك ان جهاز يوريكا غير جهاز الوكيل هذا ماعنده سالفه ، الجهاز واحد وفرق السعر اكثر من 100 دينار وخدمه يوريكا ممتازة .

 

[نعم1000]

انا اقولكم قصه يوريكا الخياس

ان يوريكا الخياس

يبون لابتوباتهم من استوكات من دبي

من الدرجه الثانيه الخايسه الليي نفسهم

يعني اذا شريت منهم جهاز

اغلبيتهم كفاله دوليه

ف يقول لك بايع يوريكا :: اي نعم هذا اللاتوب قوي وعند فلان و فلان 500 وعندنا 400 ونفس الكفاله (شوفو البايع النذل يقولك نفس الكفاله وفعلا نفس الكفاله بس ان الكفاله الليي عليه دوليه فغصب عليهم الوكيل بالكويت يصلح )

والشاري يقول:والله ازقرت تمام ارخص 100 دينار وفرت 100 مستانس (بس الحقيقه ان شاري ستوك بضايع خياسهم وكل شوي بيروح يصلح او في حالات يصير عندهم الوضع ماشي وما يخترب بس الاحسن انك تشتري شي مضمون ومن وكيله او من الغانم لان ما عندهم سوالف يوريكا)

 

[فاضي حدي]

ياخوي بالنسبة حق يوريكا انا اشتريت منهم وعرفت طريقتهم

اصلا يوريكا مجرد معرض مايملك اي شيء من البضائع مو مثل الغانم

لأن لما اشتريت منهم مايقارب 7 الى 8 اجهزة منها تلفزيون وثلاجة وطباخ وغسالة وغيرها

كل قطعه كانت تتصل فيني شركة تختلف عن الثانية عشان يوصلونها لي وعرفت من هالطريقة انهم معرض فقط

اما اللاب توب ماجربت من عندهم لأن محلات حولي متروسه وارخص من الغانم ويوريكا وكذلك الوكيل

لكن محلات حولي لازم كاش واذا عندك كاش لا تشتري إلا من حولي

واذا ناوي اقساط مر على كارفور هم عندهم اجهزه زينه وبالتوفيق اخوي

 

[mohamm3d]

اسمعني اخوي تبي الحل اسأل مجرب انا مااشتري من الغانم ولا يوريكا

اقولك من وين تشتري

روح مكتبة جـــــــــرير شوف اللابتوبات رخيصصصصصه ومواصفات قويه وحلوه


مو مثل يوريكا والغانم انا مجرب وشايف ودرت افضل شي بالسوق جرير

لابتوبات مية مية وحتى التلفونات مثل htc ارخص من الغانم


روح شوف وتعرف الفرق ولك خيارات اكثر بجرير

 

[dali]

السلام عليكم
انا اتفق مع الاخ اعلاه
جرير يمكن غالي شوي لكن بضاعتة جيده ومافيها غش

 

[باركر]

اخوي انا اتكلم من واقع تجربه وبالخصوص مع لابتوبات سوني يوريكا يجيبونها من بره الكي بورد يكون انجليزي وهم يعربونه عندهم وروح شوف الاحرف وخاصه حرف ( ج ) اللي عند الوكيل وشوف الاحرف العربيه اللي عند يوريكا تلقاها غير راح تشوف حرف ( ج ) مطبوع على كلمتة enter عند يوريكا ام عند الغانم والوكيل نفس الشي يوريكا يجيبونها من بره والكفاله تكون سنه فقط وعلى يوريكا اما الغانم والوكيل يعطونك الشي الزين الكي بورد الاصلي والكفاله 3 سنوات على وكيل السوني والسعر كلهم نفس الشي ماكو فرق ترى السوني نزل اسعاره

 

[cocacola]

اخوي اجهزه حولي مضروبه واكثرها من الصين

 

[مساهم11]

يوريكا والغانم كلهم للغانم

 

[lfc]

مشكورين على الردود والتفاعل

بخصوص الاخوان اللي قالو مكتبه جرير وين صايره ما ادلها ؟؟

ثاني شي اللي بعرفه الاجهزه نفسها في كل مكان ولا في مكان صيني ومكان ياباني

الصراحه انا الربع قالولي اخذ سوني ياباني وغير الياباني لا ادور صحيح هذا الكلام ولا لا ؟

 

[باركر]

مشكورين على الردود والتفاعل

بخصوص الاخوان اللي قالو مكتبه جرير وين صايره ما ادلها ؟؟

ثاني شي اللي بعرفه الاجهزه نفسها في كل مكان ولا في مكان صيني ومكان ياباني

الصراحه انا الربع قالولي اخذ سوني ياباني وغير الياباني لا ادور صحيح هذا الكلام ولا لا ؟

اخوي فعلا الياباني لايعلى عليه بس سعره غالي حيل والصيني ممتاز مافيه مشاكل خصوصا لابتوبات السوني جدا ممتازه

 

[فاضي حدي]

مكتبة جرير موجوده بحولي داخل حولي بارك مدينة الالعاب بشارع تونس بعد الاشارة مقابل الجمعية ولابجيت وكنتاكي

 

[sulaimanajmani]

انا شريت سونى كامل المواصفات الشكل جلد ممتاز ب 275 دينار من مركز لابتوت بمجمع القيروان بحولى شارع بن خلدون عندهم كل الالوان واسعارهم ممتازة
روح عند واحد هندى اسمه رياض معاملة زينه والسعر بلاش

وعندهم كل الماركات والموديلات

 

[ابوطارق]

انا قرات موضوع لاحد الاعضاء عن السوني يقول فيه ان السوني اللي تكون مقاس الشاشه اكثر من 14.1 يكون صيني والاصغر يكون ياباني والله اعلم ... شكرا

 

[bou_yousif]

أتعس ناس بالبيع هم يوريكا أروح أشتري من بقاله و لا من يوريكا !!!!


اخر مره شريت وحدة تكييف و عند التركيب اطلعت مو نفس اللي بالمعرض , و لما راجعتهم طلع المعروض داخل المعرض غير و السلعه غير !!!! و جاء ردهم سخيف و قالوا : مافي مشكله يالحبيب نرجع لك فلوسك ؟؟؟!!!!

اخوي نصيحه لا تدور غير لابتوب التوشيبا كد و مد عندي 3 استعملهم بالبيت مع العيال و الحمدلله عال العال , او لا تستعجل الأحد القادم في معرض بمشرف و أكيد بتلقى عروض زينه ...................

بو يوسف​

 

[بورغد]

روح شوف من الكتروزان ... خوش اسعار

 

[سـعـود]

السوني من واقع تجربة الياباني لا يعلي علية
بس الياباني شاشتة 13 او 11 فقط والباقي صيني
طبعا فية صناعة امريكية لكل الانواع وموجودة في حولي لكن ليست بجودة الياباني