بغيت كراج صبغ وحداده ممتاز بالشويخ ..

[AL MUTAIRI]

السلام عليكم

كيف حالك شباب

اليوم صار لي حادث (( الله يكفيكم شر الحوادث والمصايب ))

طلع لي جيب من اللفه وتعورت السياره من جدام وعلى الأبواب والمداقر الأماميه

وبغيت لو فيه أحد يعرف كراج صبغ وحداده ممتاز
وماتكون أسعاره غاليه حيل
ياريت يفيدني بأسمه والعنوان او رقم التلفون

ومشكورين شباب مقدماً
وعساكم ماترون مكروه

 

[M.A.S]

خطاك السوء اخوي و فداك الف سياره ، الخساره خساره العمر والصحه ولا الحديد يتعدل.

في كراج شغله زين تعاملت معاه من قبل فتره، صبغ و حداده بس والله ما عندي رقم تلفونه مكانه خلف شارع كندادراي بالظبط خلف المجمع الي فيه ماكدونلدز مجمه واره اسم الكراج الوسيط.

بصراحه ما ادري اذا للحين موجود ولا لأ صاحب الكراج اسمه بشير. قول له وصوني عليك و خله يراويك شغله قبل لا تتعامل معاه.

وللعلم ماني صاحب الكراج ولا حتى يقرب لي بس حبيت افيد.

 

[ابن ضعيان]

جرب الغنام خلف ميزان أسد

 

[الحريه وطن]

كراج الساحل

مقابل جيوان

 

[AL MUTAIRI]

mas
خطاك اللاش
وتسلم والله
والحديد بداله حديد

ومشكورين على الكراجات المذكوره وبشوفها ان شاءالله
ماقصرتوا