لاصحاب الطلبات 94 ..95..96..97

[ابوفيصل_]

السلام عليكم ورحمة الله وبركاتة


الاسبوع الفائت ذهبت في رحله جميلة الى ربوع الوفرة

واستمتعت جدا .. ولكن عندما رأيت الشبك او الروف التابع لوزارة الاسكان

تحطمت جميع اّمالي .. عريفجان او مدينة الشيخ صباح

انا كنت افكر انها تبتدي بعد الاسطبلات مباشره ولكن للاسف

بعيده جدا وقريبه لمدينة الوفرة وانا من اهل المنطقة العاشرة وكانت مغريتني الـ 600 متر

ولكن عندما رأيت ماريأت افضل البقاء في عالم الايجارات ولو قطعو عندي بدل الايجار راح اصبر بعد ..

سؤال للجميع وبصراحه .. هل تريد قسيمة في مدينة عريفجان

في انتظار قرارات جديدة لانني في دولة الكويت بالليل انام وغدا اسمع قرار جديد

 

[أبو بـــدر]

الله يعينكم وانتم السابقون ونحن اللاحقون
اخوي انا تقديمي 2007 تتوقع استلم بيت والا لا .....؟!؟!

 

[ابوفيصل_]

الله يعينكم وانتم السابقون ونحن اللاحقون
اخوي انا تقديمي 2007 تتوقع استلم بيت والا لا .....؟!؟!

هلا ابوبدر

اتوفع 2007 توزيعهم في الدور الثاني

 

[وافى الوافى]

السلااام عليكم .....

الأخ أبو فيصل ... أنا طلبى 94

وكنت مثلك أفكر بعريفجان مو لانها 600 متر ....!!!

بس لأنها المنطقه الوحيده القريبه للمنطقه العاشره حيث اسكن ...

ولأنها الأقرب أيضاا لطلبى الأسكانى ..

ال 600 متر ترى مو بعيد باجر لاوزعوها على المخطط يقولون لاا خلاص

خليناها 400 ...... ولنا فى المطلاع عبره ...!!!!

وكنت دائما أسمع أنها بعد الأسطبلات مباشره ....

قبل شهر با الضبط رحت أدور مكان علشان أبنى المخيم للعيال ...

وبصراحه ذهلت لما لقيت شبك المنطقه بعد 17 كيلو من الأسطبلات ..!!!

وتخيلت شكل المنطقه بعد كم سنه وأنا فيهاا وداير مدارى صحراااااااااا بس

بصراااحه (( منفى )) نعم منفى ...!!!

بعد كم يوم صدفت والحمدلله أستدعوا طلبى لبيوت مدينة سعد ...

رحت وتقدمت وأنا مقتنع كل الأقتناع والحمدلله ...

على فكره ... اللى مقتنع با المنطقه ياخذ فيهاا ... ولا له شغل بكلامى

أو رأى أخوى ابو فيصل ...!!

لأن بس بغيت أقول اللى حصل معاى وأعلق على كلام أخوى العزيز

وبالنسبه حق أخوى أبو بدر ... ان شاء الله لااحق خير ياارب

يعنى اللحين الحمدلله أتصور توك عريس جديد حتى غرفه وحده ببيت الوالد

تكفيكم الى ان شاء الله يصير عندك نص درزن ان شاء الله راح تلقى الدور

وصلك باذن الله تعالى ...

 

[alhilam]

السلام
احسن ابعد عن الزحمه ودوخة الراس
وعلي فكره اللي طلباتهم بسنه2000 وفوق اكيد راح يفرحون لما يقرون كلام اصحاب الطلبات القديمه

 

[مزدحم]

عريفجان عريفجان الله لا يعوق بشر





لا قين نسكن!



.

 

[مفتاح]

طلبي اخر سنة 92

بعد ماشفت موقع عريفجان ... أقول الأيجار أبرك من هالمنطقة

اذا عندي مراجعه للديره الساعه كم أقوم من النوم ؟

على فكره سمعت أن القرعه شهر 3/2009 ويسمح لك تبني بعد 3 سنوات ! صحيح هالكلام والا أشاعه

 

[ابو عبير]

شكو عريفجان لا يكون سحليه بنسكن هناك

 

[الأبطح]

يا شباب عصفور باليد خير من عشرة على الشجرة

واذا صملو على ال 600 متر ممتاز تبني 350 وتخلي 250 حديقة واعتبرها استراحة
لك ولعائلتك لين ما اتسنع خدماتها ولاتنسون ان منطقة الخيران بعد عريفجان اللي من فترة
بسيطة وصلت اراضيها الى 90000 الف (رجعت انخفضت)

 

[ابوفيصل_]

بارك الله فيكم جميعا على مشاركتكم احزاننا

طيب الحل ياجماعه ؟؟

 

[من الكويت]

لا تعليق​

 

[*بو سلمان*]

السلام عليكم


الاخوان اللي عندهم طلبات قديمه (93 و 94 و95) ممكن يحصلون بجابر الاحمد. بس اذا فعلا صملو على ال 600 متر المدينه (صباح الاحمد ) ممتازه . وعلى فكره المدينه اذا بنية حسب كلامهم (راجع صفحة المؤسسة ( http://www.housing.gov.kw/ ) ما راح تحنتاج اي شي من بره المدينه.كل شي متوفر وطبعا هذا كلام حكومه يعني قابل القسمه على 2 او 4
والله اعلم

 

[الحريه وطن]

الحل يابوفيصل

اصبر واحتسب

شنسوي بلانا الله بحكومه اسوء من حكومه الصومال

 

[بوسلمان 73]

مشكور على المعلومات انا كنت واحد من الناس الى تنطر هذه المنطقه زين نورتنى

 

[هامور 2000]

أشوه أنا طلبي 98 يعني مو معاكم

 

[مساهم11]

المنطقه حلوة وبناءها راح يكون عصري
ولكن فيها عيوب البعد وبنيت بمنطقه رياح وغبار مستمره
ومنطقة رعي حلال يعني بكره تلاقي بعير يطل عليك من الحوش
ومنطقه تكثر فيها الزواحف الثعابين والعقارب وغيرها
ولكن حسنتها تقدر تربي لك من راس غنم وبقر لان المنطقه صحراويه ومفتوحه
ومسألة انها متكامله اشك بهذا الكلام لانها راح تكون نسخه من منطقة ام الهيمان
انا كنت متحمس لها ولكن بعد ما شفت الشبك علي الطبيعه تحطمت امالي

ولا تتاثرون بكلامي ممكن تروح بنفسك وتشاهد علي الطبيعه
وتخيلوا كلامي لما تشاهدون وحاول تروح وقت الظهر علشان تكتمل الصوره

والله يوفق الي يبي فيها

ولكن بالنسبه لي ما اتصور نهائيا اخذ فيها

 

[اساهيم]

اللى بيروح هناك الله يعينه على الغبار ..

كل هبة هواء بيندفن بيته ..!!!

 

[المانع]

اما بالنسبى لى اخذ فيها بس ماسكن فيها اسويها جاخور حق لعيال

 

[eezeee2]

السلام عليكم
المناطق العاشره الله يعينهم يواجهون مشكلة الازدحمات فما بالك الان تأتيهم منطقه مكونه من 12الف وحده سكنيه وطرقهم واحد الدئرى الملك فهد اما سعدالعبدالله وجابر الاحمد قريبه من المناطق الداخلية ولها كذا مخارج الدائر الرابع والخامس والسادس والسابع بالاضافه وعود بجسر جابر الذي يمتد من العاصمه الي الصبيه التي تبعه عن قلب الجهراء 25 كيلو

 

[قديم في البورصه]

شباب تحوش طلب 2000و2001