لأهل الخبره بأسعار البيوت

[فارس العنزي]

مساعدة وبارك الله فيكم

بيت صاحبي بالرقة شارع واحد ولكن من البيوت إللي إرتدادها 20 متر من الشارع ، وكم يسوى علشان أتفق معاه ؟​

 

[مضارب عقاري]

حسب حالة البيت مرمم بالكامل سوبر ديلوكس او على وضعة

الاسعار من 95 الف الي 110 الاف

 

[على حمد]

عشان تقدر تقيس الأمور

في الرقة قطعة 6 انباع 3 بيوت قبل فترة بعز ايام الغلا موقعهم شارع وارتداد كبير

الأول بنيانه تعبان لكن تخدمه سكة صغيرة جنبه انباع ب86 الف

الثاني شارع واحد بنيان زين انباع ب103 الف

الثالث شارع بنيان تعبان انباع ب100 الف

ولا تسألي ليش الاختلاف بالاسعار لكن الرقة هذه اسعارها لهالمواقع من 85 - 100 تقريبا حسب النظافة والارتداد.

وتقبل تحياتي

 

[فارس العنزي]

جزاكم الله خير ومشكورين عالرد

البيت أنا ماشفته من الداخل ، ولكن صاحبي أخذله أرض بالعقيله وبسبب أن البيت يحتاج شغل على حد قوله ، والسقف أقواس على حطة الحكومة ويقول أنها تخر ، والبيت يبيله شغل ، ويبي يقعد في البيت بعد التحويل لمدة سنة كاملة بعد ، والسعر 105 ألف دينار ، شرايكم​

 

[مساهم11]

حبيبي اذا علي كلامك البيت يبي منك شغل بالفعل
ولا تعطيه اكثر من 90 وكثير عليه بعد
والا اصبر لا تستعجل ودور بالرقه وراح تلقي باذن الله

 

[فارس العنزي]

مشكور عالرد يالغالي​

 

[على حمد]

انا شخصيا اتفق وفقا للمواصفات اللي ذكرتها ان البيت لا يتجاوز 85-90 الف واهو الربحان بعد.

والامر لك..

 

[teacher]

السلام عليكم...


بيوت الرقة عليها طلب كبير من اهلها...

_اولا: تاكد الملحق مبني بالكامل ولا لا....لان اذا بس ديوانية او بخار مايعطونك ال70 كاملة...
_ثانيا:شلون نظافة البيت...ديكورات صحي كهرباء....

اذا تبي البيت استثمار.....لفترة.....سوم ب100....واجرة الملحق ب300 والبيت ب500.....
يعني 800 تقريبااااا.....
واذا بتسكن....سوم90

 

[endless77]

البيت بهالمواصفات حده 85 ألف بس اذا حطيت عليه يدخل لك مردود طيب

 

[فارس العنزي]

السلام عليكم...


بيوت الرقة عليها طلب كبير من اهلها...

_اولا: تاكد الملحق مبني بالكامل ولا لا....لان اذا بس ديوانية او بخار مايعطونك ال70 كاملة...
_ثانيا:شلون نظافة البيت...ديكورات صحي كهرباء....

اذا تبي البيت استثمار.....لفترة.....سوم ب100....واجرة الملحق ب300 والبيت ب500.....
يعني 800 تقريبااااا.....
واذا بتسكن....سوم90

مشكور عالرد والشرح الوافي بارك الله فيك

وبخصوص البيت يا خوك أنا ماشفته من الداخل ولكن بس ديوانية فقط وعلى كلام صاحبي من فتره أن البيت يحتاج شغل ، وبصراحة بعد ردود الأخوان جزاهم الله خير ، هونت عن المشترى​