طلب عاجل و مساعده من أهل الخير

[متداول حريص]

أبي مساعدتكم يا أهل الخير وموضوعي أهو إني سويت حادث بسيارتي وماني عارف لأي كراج أوديها وبصراحه أبي كراج ثقه وشغله نظيف ومو أي كلام ويطلعلك السياره جديده علما بأن الحادث بسيط والقطع جاهزه واللي يضبطني يبشر بالدعاء الطيب والحلاوه

 

[(فزاع)]

ابصراحه ما اعرف ..
لكن داش بموضوعك علشان اقولك ..
اجر وعافيه .. وخطاك السوء ..​

 

[الوديان 22]

الرمال الذهبيه 0000000000000

 

[بو يوسف المبارك]

ممكن انعرف نوع السياره او موديلها علشان اعطيك كراج متخصص لسيارتك

 

[Winchester SX3]

اول شي خطاك السو و حمدالله على السلامه

و شنو سيارتك ؟؟ أمريكي , ياباني ,, الماني ,, انجليزي ؟؟

عشان نوجهك صح

 

[خمسة اقمار]

خطاك السوء ياخووووي والحمدلله عالسلامه

((((((( كراج كلارجو ))))) بمطقة الشويخ قريب على المخبز الآلي

مجرب عنده حداده وتصليح وفي عنده مستثمر ميكانيكي إيراني

 

[متداول حريص]

جزاكم الله خير جميعا وعلى راسي كلكم وعسى الله يحفظكم وبخصوص سيارتي إهي نيسان مكسيما جديده وقطع الغيار معاي جاهزه بس ابي كراج شغله نظيف بالحداده والصبغ وما ابيه اي كلام علشان ما يلعب بالسياره ويعطيكم العافيه

 

[متداول حريص]

الرمال الذهبيه 0000000000000

حبيبي الوديان جزاك الله خبر وماقصرت, بالنسبه لكراج الرمال الذهبيه سامع فيه بس ماعرف مكانه:d.

 

[ابو_نايف]

الرمال الذهبيه مكانه طال عمرك ... علي الدائري الخامس ويجي يمينك الافنيوز واكسر تحت الجسر وتجيك اشاره الي توديك يسار للجليب والرابيه انت اخذ يمين اول ماتاخذ يمين تشوف الرمال الذهبيه قبل اول لفه تجيك يمين مكتوب عليه الرمال الذهبيه هذا هو الكراج وتقبل مروري

 

[متداول حريص]

الرمال الذهبيه مكانه طال عمرك ... علي الدائري الخامس ويجي يمينك الافنيوز واكسر تحت الجسر وتجيك اشاره الي توديك يسار للجليب والرابيه انت اخذ يمين اول ماتاخذ يمين تشوف الرمال الذهبيه قبل اول لفه تجيك يمين مكتوب عليه الرمال الذهبيه هذا هو الكراج وتقبل مروري

حبيب يابونايف و جزاك الله خير

 

[امبلتع]

خطاك السؤ وماتشوف شر
الرمال الذهبيه كراج ممتاز والله يعينك يارب
شكرا

 

[الرحال......]

الرمال الذهبيه والله انا وديت سيارتي وطلعت ما فيها شي كانها ما دعمت الصبغ والتعديل وكل شي

 

[مزدحم]

خطاك السو

الرمال سمعته طيبة بس اذا كان غالي عليك أنصح بكراج أنا صلحت سيارتي عنده من 3 سنين

شغل ما شاء الله (كبوت ومدقر ودعامية)

اسمه الرتاج ومكانه خلف ماكدونالدز

بالتوفيق

 

[Winchester SX3]

جزاكم الله خير جميعا وعلى راسي كلكم وعسى الله يحفظكم وبخصوص سيارتي إهي نيسان مكسيما جديده وقطع الغيار معاي جاهزه بس ابي كراج شغله نظيف بالحداده والصبغ وما ابيه اي كلام علشان ما يلعب بالسياره ويعطيكم العافيه

كراج بستكي بشويخ
مكانه يالغالي تدش دشه المطافي من الرابع و تكمل سيده ليلدوار و تاخذه يسار و تكمل سيده لما يلف فيك الشارع اجباري يمين و تكمل سيده بتلاقيه عليمين .. اعلانه كبير .. روح عند واحد اسمه (( بيرج ))
سويت عنده جاكوار X-Tybe ردها يديه عقب حادث راحت دعاميتي و مداقري و شريت القطع و صبغها و ضبطها عالاخر

و بالنسبه للكراجات الي ذكروها الأخوان انا ما عندي علم عنها و يمكن كراجاتهم احسن من هذا ..

انت افتر عليهم و أحكم بنفسك

 

[بور-صا]

خطاك السوء وماتشوف شر اجر وعافية وبالنسبــة للسمـــكرة بدل كل شي وابعـــد عن السمكــرة وراح تضبط السيارة لان السمــكرة ماتضبط 100% والله يعينك

 

[al-wandah]

اجر وعافيه .. وخطاك السوء

 

[متداول حريص]

الشكر لكم جميعا والله يحفظكم إن شاء الله وجميلكم ما راح أنساه

 

[Dr.Fantaq]

خطاك السو .. والحمدلله على السلامهـ

الأخوان ماقصرو .. لكن حبيت أضيف كراج عرفته عن طريق واحد من الجيران ، هالحجي

قبل 5 سنوات تقريبا ، اشتغلت عنده وشغله عال العال ، ومن بعدها بعيد الشر ، اي سياره من

سيارات البيت يصير فيها شيء من هالقبيل ، سواء حادث ، طقه بسيطه .. دايركت نوديها لهـ

الكراج أسمه السرمد ، بالمنطقه الصناعيه _ شرق ، تدش شارع خالد بن الوليد يمينك
( محلات التلفونات ) وتكمل لي الإشاره ، منها همن تكمل لغاية الدوار ،

تدش بين الساير وبهبهاني إذا ماني غلطان وتاخذ يسار ، تكمل سيده ، ولي إنحنى فيك الشارع تلاقيه على المنحنى

شغلهم ممتاز ، وثقه ..

هذا رقم اللي يشتغل بالكراج

66269615 / حجي علي ، وإذا مو موجود ، عندكـ واحد اسمه قربآن ، وإذا مو موجود كلهم خير وبركه اللي يشتغلون ,

يشهد الله ، حبيت أكتب اسم الكراج ، عشان يكون عندكـ أكثر من إختيار .. وإنتا أختار منهم اللي ترتاحـ لهـ

في التأني السلامه ، وفي العجلة الندآمهـ

حلاوتي = الدعاء الطيب ، فقط لاغير
موفق