^^ للبيع نوكيا n95 لون الجديد توه نازل والجهاز جديد غير مستعمل ^^

[b7rani]

السلام عليكم يعطيكم العافيه
عندي نوكيا العادي n95
لون برونزي كامل لون توه نازل بالسوق وتوه منزلته المستقبل
يديد غير مستعمل نهائي
كفاله المستقبل
وشاريه ب108
للبيع ب100

وفر على نفسك 8 دنانير

وشريته يا شباب معاه شاحن سياره من المستقبل
والخرايط 3 اشهر مجانيه


وهذي صور الجهاز

ترى اول مره امسك الجهاز عشان بصوره لكم
يديد الجهاز
وترى باجر مبيوع ببيعه ب100
العرض اليوم بس

 

[WEST LIFE]

الله يعطيك العافيه حبيبي

سؤال الجهاز فنلندي والا صيني ؟؟

 

[b7rani]

اخوي انسي شئ اسمه فلندي خلاص اذا احد قالك عندي جهاز فلندي اعرف
يا من بره وقديم حيل الجهاز بالتصنيع

المستقبل كله صيني تصنيعهم صار كله بشركه صينيه الحين خلاص العقد اللي كان مع الشركه الفلنديه لغوه
وهذي شركه صينيه

 

[WEST LIFE]

اها اوكي حبيبي

انا الحين بالدوام اليوم كله وباجر اكون فاضي ان شاءالله اذا انباع الجهاز الله يوفقك ويوفق الشراي ان شاءالله

واذا مانباع انا شراي باجر ان شاءالله

بسم الله ماشاء الله علشان لاتقول بعطيه عين اخليه لي

وكل شي بيد الله سبحانه وبالتوفيق ان شاءالله

 

[b7rani]

حبيبي انت والنعم باللله
اويلا عليك تبيني انطرك عادي ابوي افا عليك اذا تبي الجهاز وتبيني انطرك عادي
والله انا داق على صاحبي اللي بشرق عنده محل وقال بياخذه بالسعر هذا وقلت اوديه باجر واعرضه هني وافيد اللي يبيه
بس اذا تبي انطرك قول عادي ابوي
ماعندي غير حلالك

 

[WEST LIFE]

حبيب قلبي والله ماتقصر

اهي بالنهاية تبقى سالفة نصيب

انا ماودي اني اكون سبب بعدم بيعته او تأخيرك يمكن انته مستعيل عليه او شي

انا صراحه محتاج جهاز وبشتري بس مادري شاخذ وجهازك عجبني لونه صراحه

توكل على الله يالغالي وانا مثل ماقتلك اذا مانباع اليوم انا اشتريه باجر

والله يوفقنا جميعا ان شاءالله

مشكور وماقصرت يالغالي

 

[b7rani]

خلاص ابوي اذا بنصيبك الجهاز راح يكون لك لو شنو يصير
والجهاز اذا ما انبع راح يكون موجود لك
ولونه صعب والله مو موجود بالسوق

 

[b7rani]

لون صعب

 

[الزعيم الوحيد]

اخوي كم فيه كفاله يعني كم شهر

 

[b7rani]

ابوي الجهاز يديد مو مستعمل نهائي وكفاله سنه المستقبل

 

[MilaNi]

بالتوفيق انشالله ^&^ للبايع والمشتري والجهاز حلو ماشالله

 

[الزعيم الوحيد]

اخوي كم اخر شئ تبي فيه وشكرا

 

[b7rani]

الزعيم ياخوي كل ماحط شئ مو عاجبك سعره مادري ليش وموفر عليك انت روح اخذه يديد وادفع زياده عن سعري
هذا اخر شئ ماعندي غير هالسعر وهذا السعر اللي يايب لي وحياك اللله يا ميلاني

 

[الزعيم الوحيد]

اقول موفق خير ان شاء الله

 

[b7rani]

حياك الله

 

[بوحمود1]

ودى اعرف شنو سالفتك مع التلفونات ؟؟


بعدين الصور موطالعة وبالتوفيق يالبحرانى

 

[b7rani]

والله ياخوي انا هوايتي التلفونات والطيور
عرفت اشتري وابيع ما اقعد على تلفون
بس والطيور لا اطول اشهر انتج وبعدين ابيع
والصور طالعين لي حبيبي وحياك الله

 

[b7rani]

شباب ترى لكم مو لي انا باجر بايعه والفلوس بجيبي
بس حرام يروح حق اللي يبيه يديد وفر على نفسك 8 دنانير وانتو احرار

 

[خدمة الشعب]

شهادة حق

البحراني الجهاز يستاهل ولون مميز

وأنا عندي نفس الجهاز بالضبط ونفس اللون ( بني كامل) والمستقبل بعد لكن ( فنلندي )

نزلت المستقبل منه دفعه بسيطه وما أدري حالياً

لاني شاريه بتاريخ 9/10/2008

لكن للأمانه السوفت وير جديد وكل عيوب السابق من موديلات n95 تم تحديثها بهذا الجهاز

السعر حلو وبالتوفيق أبوي​

 

[بوحمود1]

تونى اشوف لونه ،، بصراحه رووووووووووووووووووعه ،،،

عندى القديم ،، اتبدلنى وازيدك ؟؟