لو كنت المسؤول

[أبو عبدالمحسن]

لمشاريــــــع ترفيهية وسكـنـــية
محمد بن راشد يطلب أراضي كويتية لاستثمار 300 مليون دولار

كتب زكريا محمد: ( القبس )
طلب الشيخ محمد بن راشد ولي عهد دبي ووزير دفاع الامارات ارضا مساحتها بين 8.1 و8.2 مليون متر مربع في واجهة الكويت البحرية، وذلك لاستثمار 300 مليون دولار في مشاريع ترفيهية وسكنية وعقارية.

وكان وصل الى البلاد لهذا الغرض مبعوث خاص لمحمد بن راشد، والتقى الدكتور يوسف الابراهيم المستشار في ديوان سمو رئىس مجلس الوزراء بحضور المستشار خالد الفليج.

وشدد المبعوث على اهمية اختيار الكويت اولا في خطة لدبي خاصة بالتوسع الاستثماري اقليميا، وذلك لان فيها فرصا مجزية وقدرة شرائية عالية، كما ترى دبي ان نموا كبيرا متوقعا في الكويت خلال السنوات الخمس المقبلة. واشار المبعوث الخاص الى اهمية السرعة في اتخاذ القرار بهذا الشأن، كما وضع مواصفات للعقارات المطلوبة بتصنيف Class A+، بحيث لا يكون هناك اي مانع من مشاركة مستثمرين محليين او الهيئة العامة للاستثمار.

لو كنت انت المسؤول هل تعطيه طلبه ام تشاركه فورا ام تقوله حالك حال الكويتي انتظر سنتين ولا ثلاث لكي تنزل مناقصه .؟؟

هل الكويت ما ليزيا ولا سنغافوره .؟ ( ام شيئ في نفس يعقوب ) والله اعلم

 

[بورصاوي]

لو انا ارفض لانه في شركات كويتيه اولى
بس اذا امتنعت هالشركات عن هالمشاريع اوافق له على طول

 

[TechnoFund]

والله كلهم هوامير .. ولو يبون شي بيصير .. السؤال الغريب اللي ينسأل .. ليش الكويت يا شيخ محمد بن راشد .. ناقصها هوامير ياي تنافسهم الله يسلمك .. عندنا اللي يسد حاجتنا وحاجتكم .. وبعدين ما تعتقد أنه دبي أو البحرين أو حتى قطر مع نهضتها الحاليه ممكن تكون مكان أنسب من الكويت .. شمعنه الكويت بالذات .. عالعموم لو تنزاد الكويت من هالمجمعات مارينا مول .. وشرق .. وغيره .. بتصير باريس بس كويتيه .. وتعال شوف ال (....) اللي بتصير .. اضبط الوضع .. والله يرحم أيام القهوه الشعبية عالبحر :d

 

[محمد2]

السلام عليكم

أولا أنا مو متاكد أنه باجي عندنا مليونين متر مربع على الواجه البحريه

المرينا مول وسوق شرق والخيران وبعض المطاعم والأبراج والمدينة المائيه هذه أشياء

فيها ترفيه حق الجميع ومنفعه للدوله وللمستثمرين بدون شك

لكن بالله عليكم هالجبرات والتوانكي ألي زارعين فيها سواحلنا من الشمال للجنوب بحجة شاليهات خاصه شنو الفايده منها !!

والله معاه حق االشيخ بن راشد الظاهر مر هناك وشاف هالسكاريب وقال في

نفسه خلينا نخدم ألكويت مثل ما أخدمتنا بالسابق

لو كنت المسؤول جان يبت مية أتركتر وكرفت هالجبرات من مينا عبد الله لين الحدزد السعوديه ومن الدوحه لين أم قصر

وقلت يالله كل واحد أبراسه مشروع ترفيهي حسب نظام بي أو تي وأرجع الكويت جوهرة الخليج

 

[شاريه]

زيد عليه يعني ديل السعر وربح البلد احسن من الهومير الكويتيين بس مايقدرون رعنا يحبون يشاركون في كل شي وبعدين الوجه البحريه كله 20 سنه وترجع للبلد

 

[المتداول]

خــير الكويت كله بره

 

[فؤاد]

مو ناقصين فلوس

هذا الطلب له وجهين جيد و سئ . السئ أنه إذا لم يعط مايطلب يمكن يمنع الكويتيين من الاستثمار في دبي و يمكن يضايقهم و تكون عنده حجة من نوع معين يستخدم في حينه.
الجيد ان الدولة المفروض تطالب مبادلة مليون م2 في الكويت بمليون م2 في دبي، يعني المعاملة بالمثل.

عموما المفروض على هذا الأمير الملئ أن يشترى مثل الوليد بن طلال شرى بيوت الحمد على الساحل بمبلغ 15 مليون د.ك و راح يبني فندق ***** قرب المارينا. مو عطونا ببلاش .
ثالثا الكويت ليست بحاجة للمال بالعكس كلما طلعت فلوسها بره أفضل ( بدون عاطفة أخواني هذا كلام الخبراء) لأن الفلوس الموجودة تطارد مشاريع قليلة والحين وين متجهه فقط للبورصة و العقار والصخول( تيس ب 65 الف $) والجواخير و العبدلي .و شايفين و للعلم دخل فقط للخليج 15 مليار دولار بعد 9/11 و أنعفسنا ( وهذه تمثل 2.5% من فلوس الخليجيين في الخارج ) محد قادر يشتري له بيت و لا توجد صناعة و لاغيره .
لذلك نشكر للشيخ اهتمامه ونقول له أن البلد غنية و الشركات الإستثمارية و البنوك مبتلشين بالقوانين و البلدية
و فلوسهم ولله الحمد طفوح مايدرون شيسون فيها و الفوائد متدنية جدا. ومن تقول مشروع فيه زبدة حقيقية تلقى المساهمين مطاقق عليك.

وخل فلوسك عندك .
و ياريت الدولة بعد التحرير عملت شغلتين :
1)) لو نزلت الدينار 25 % ليتساوى مع عملات الخليج جان 1)أرتحنا من هاذي الفوارق و 2)وفرنا على الميزانية 25% من اموال الدولة و الناس كانت راضية بعد التحرير على الاقل صفى لهم 75% من رأسمالهم.
2)) أكمل بعدين ؟؟؟ اذا طلبتوا

 

[مستثمر فقير]

نعم

ههههههههه مسكين ما يدري انه مافي حتي 10 متر بالواجه فاضي انصحه يسوي مشروعه في ام قصر