الساير يرفض تصليح سيارات تيوتا ولكزس المستوردة

[cc555]

الاعلان كما هو نازل بجريدة الانباء

 

[UNIX]

اللي شرا لاندكروزر سعودي ما راح يبدل حتى الزيت بالوكاله. :|

 

[السوق الكويتي]

احسن لا يدشون الوكالة ,, بره ارخص وااايد بالكراجات :d

 

[الوطني2]

حبيبي خلها على رقمها السعودي

وقصبن عليه يصلح ويغير لك الزيت بعد

 

[UNIX]

ما يسويلك مقايسة عند الجمارك

يعني ما تدخل

 

[kaifani]

اللي شرا لاندكروزر سعودي ما راح يبدل حتى الزيت بالوكاله. :|

قلت لكم , ماكو أحسن من الحنطور
لا زيت ولا فلتر

 

[برق الشرق]

يعني بالعربي:
غصبن على شواربكم لازم تشترون مني! لاوبالسعر اللي أبيه!!
والله طرطرة!!
ديرة تجار! والله يعين الفقير

 

[ضرغام]

وين وزارة التجارة عنه هالجشع
ووين قرار وزارة التجارة بخصوص الاستراد الحر
دون الرجوع للوكلاء

 

[Data]

فصبر جميل
عموما جي ام وكرايزلر تم انقاذهم بما يقارب 13 مليار وهالمبلغ راح اكفيهم 3 شهور
راح اشدون حيلهم فيها
وخل الساير اعيش باحلامه

 

[wooow]

شباب شلون محد يقدر يجيب سياره من برا ... انتو متأكدين ... وسالفة المقاييس هذي قديمه كان الساير يسوى المقاييس ب500 دينار .... و شتكو العالم من الساير وبعدهاا صارت المقاييس تابعه للفحص الفنى بالعاصمه ومجاناا ... لكن انا عارف ليش الساير متكهرب ... لان اللى يجيب سياره من برا الجمارك ترفق صوره من سعر السيارة من المصنع والنتيجه بتعرف كم مربح الساير على السياره

 

[bo3adsa]

حتى الغانم نفس الشي
قبل يومين واحد عنده همر تجاري والكراج رفض استقباله مع ان عنده ملف عندهم .....


اعتقد ان ضغط المصنع على الوكلاء بدا يطلع تأثيره ..............

 

[bu3lewee]

بس هالكلام ما رح اضر أحد غير الوكالة نفسها
الله يعافي كراجات الشويخ
وخلهم بطمعهم

 

[wooow]

يا اخوان .. من زين تصليح الوكاله ... والله فى واحد يقول وعلى ذمته انه يعرف واحد بشركة نيسان ذمته وسيعه يبدله قطع السياره من السيارات اللى تدخل صيانه

 

[سلندوح]

الساير اللي خسران

 

[مساهم11]

معروف عن الساير مواصفات عاديه جدا
واسعاره غاليه جدا
مقارنه مع الامارت وقطر والسعوديه مواصفات راقيه جدا ومتميزه
واسعار اقل قياسيا مع اسعار الساير

والساير عنده كل زياده ب 500 دينار

وبالنسبه للصيانه اتصور هذا امر يخص الشركه الام تويوتا
وهي من تجبر الوكلاء لان المصدر واحد وان رفض الساير فلا اثر لتحذيره
والتصليح برا افضل واضمن

 

[beckham_23]

اشلون تجار لكويت يبون يستفيدون
من علي ظهور الشعب
لازم يعملله شغلة علشان
تجارنا دائما يحبون يكوشون علي كل شئ
لازم تشتري السياره مني
لا بروح اشتري من جارك
و بزيدك بعد من الشعر بيت براسل الشركة الام
شركة تويوتا و بقول لهم عن ال قاعد يحصل مع
الوكيل في الكويت

 

[anw-exchange]

خلاص مقاطعة لجميع الوكالات والساير خصوصا
نبي الكامري تقل من الشوارع

 

[BO-MUBARAK]

شباب نبي اسعار vxr 2009 في السعودية على كم ​

 

[ابو عبدالله_35]

اطالب اخواني بقاطعة جميع الوكالات بالكويت فتره اصبروا يا جماعة وراح اتشوفون النتائج الي ترضيكم

 

[The Lion]

اشلون تجار لكويت يبون يستفيدون
من علي ظهور الشعب
لازم يعملله شغلة علشان
تجارنا دائما يحبون يكوشون علي كل شئ
لازم تشتري السياره مني
لا بروح اشتري من جارك
و بزيدك بعد من الشعر بيت براسل الشركة الام
شركة تويوتا و بقول لهم عن ال قاعد يحصل مع
الوكيل في الكويت

هذا الكلام السنع, خاطب الشركة الأم أو شوف إذا مكتب الشرق الأوسط ما دق عليك أو سألك بكل أدب عن تفاصيل الموضوع. أو غصبن عالساير راح يصلح. لأن كفالة المصنع هي كفاله دولية International warranty تجبر الوكيل المحلي (في حال وجود واحد في البلد) بإصلاح سيارات الشركة الأم.