في احد فيكم بااااااع والا اشترى ((((سؤال يطرح نفسه )))

[مراقب الاسهم]

السلام عليكم

ارجوا من المشرفين التماس العذر بالموضوع



انا ملاحظ ان مواضيع كثيره يفتحها اصحابها

ويتم عليها مزااااد واغلبها تكون ((((((((عايمه)))))
مانعرف هل صاحبها باع السلعه؟؟؟ هل احد من الاخوان بالمنتدى رسى عليه مزاد البيع و اشترى؟؟ او رسى عليه المزاد ولكن بعد المعاينه استخار وهون ؟؟؟

المفروض صاحب الموضوع او السلعه ااذا له نيه بيع ((((((يضبط))))) موضوعه
قبل لايطلب من الناس وضع ارقام هواتفهم المفروض هو اللي يضع ((((رقم تلفونه))) في الاعلان
واذا تمت البيعه الله يوقفه يعلن بآخر الموضوع (((تم البيع لفلان))) او حتى خارج المنتدى ولايترك الموضوع ((عايم)))
واذا لم تتم البيعه (((((يوضح)))) و (((((ويرد على استفسارات الناس)))

لي متي ياصاحب الموضوع يا حبينا الغالي
النفط ارتفع وزادت معاه الاسعار والتضخم ووصل لابعد مداه ووبعض الدول زادو الرواتب وبعض الدول قدمت دعم لبعض السلع ومن ثم بالتدريج انهااااااااااارت بروصات واقتصاديات العالم والنفظ نزل اضعاف اضعاف مضاعفه ونزل معاه اسعار السلع
والحبيب فاتح موضوع اكل الدهر عليه وشرب (((وللرفع وين السوامه )))


انا معاه عسالله يوفقه ويرزقه بالبيع باعلى الاسعار
ولكن مايجوز هالكلام ما اقول فيه ظلم ولكن احسنها شوي (((((عدم الانصاف )))))
في الموضوع واظن محد يرضي بجذيه الانرنت وسيله لغايه فلا نجعله كعرب ومسلمين غايه
تدمير وهدم



هذا المنتدى والقائمين عليه اقدموا على خطوه جريئه يشكرون عليها
وهي مواكبه التطور في الاعلانات وكسر حاجز الاحتكار في في الاعلانات التجاريه
وفي وضع وسيله لغايه (((((تقدم بالمجان)))) وانت قاعد في بيتك
لذالك يجب علينا الالتزام وانجاح هذه الفكره

وفي حال تعثر هذه الخطوه

#######اقترح على المشرفين ومن وضع ضوابط خاصه للبيع والمشترى اكثر ومنها تحديد توقيت مبين للمزاد وللموضوع بحيث يكون مده الاعلان اسبوعين او شهر و من آخر سومه من ثم يوقف او يغلق الموضوع وهذه الخطوه ليست ببدعه جديده بل متعارف عليها باغلب المزادات لايوجد شيئ اسمه مزاد من غير تحديد سعر معين او وقت معين يتنهي عليه المزاد من غير المعقول افتح موضوع وبعد شهرين او 6شهور يتم الرفع يمكن آخر سوام على السلعه وافته المنيه واننقل الى رحمه ربه واللي قبله استخار وهون واللي قبله اشترى سلعه اخرى فمن الظلم ان يأتي شخص آخر ويلقي الموضوع القديم ويزيد عليه كما من الظلم ايضا ان يتم ((((تعليق السوام الشاري))) طول هذه الفتره وعلى قول المثل ((( لاهي مطلقه ولاهي عانس )))



سامحوني ان اخطأت

ولازال السؤال مطروح
عزيزي القاري

هل بعت ؟ هل اشتريت ؟؟

يرجي وضع رابط الموضوع في حال الجواب بنعم

ملاحظه:-
اعلم ان 70% من زوار هذه الصقحه هم متابعي شبكه مزاد
لذالك اقول لهم
الموضوع غير منقول انا صاحب الموضوع في في شبكه مزاد
ووضعته هناااااا بالمؤشرنت

 

[mind]

والله انا بعت وشريت واكتب في كل مواضيعي اذا بعت واذا شريت واذا ابي الغي الموضوع او ابي اسكره والمشرفين مايقصرون صراحه اتابعون المواضيع ويغلقون الموضوع اذا طلب صاحب الاعلان بس فعلا كلامك في ناس تسوم بس جذي حتى مع رقم التلفون وفي ناس اطنش وفي وفي لكن عامة الشباب اغلبهم ملتزمين والملاحظه ممتازه لبعض الاخوه الاعضاء وصراحه انا احب الصراحه واحب اليي يتكلم بصلب الموضوع بدون لف ولا دوران وخوش موضوع يعطيك العافيه

 

[Ricardo kaka]

صار لي اسبوعين ادور كامري 99 او 98 ما حصلت

بس واحد عطاني رقمه وشبني بالسعر

اعتقد الي ينزل سيارته هني ما هو بياع

 

[ابوطارق]

كلامك 100%صحيح اتمني اخواننا المشرفين يهتمون بالموضوع وعساهم عالقوه والشكر موصول لصاحب الموضوع

 

[مهلب]

موضوع الاخ مراقب الاسهم ممتاز وانا من المؤيدين لاني حاولت اشتري كذا حاجة واضع الرقم الموبايل وطبعا البائع لا يضع رقمه مع العلم ان قيمة المنتج موجود اي ما عليه مزاد وننتظر ايام ولا حياة لما تنادي

 

[i6aLy]

وانا وياكم

 

[صقرالبحر]

انا عارض سيارتي اكثر من شهر
واللي يسوم مايشتري
وحطينا تلفوناتنا وحددنا السعر
وقلنا شرط الفحص بس المشتري
يبي سياره مستعمله توها طالعه
من الوكاله جديده بقراطيسها
تصدق واحد من السوامه فحص سيارتي
وعطوه اوكي المكينه والجير والشاصي
والبودي ويوم خلص تدري شنو لقي عذر ؟
والله ليش واحد من البيبان الشفط مايشتغل ؟
قلت مو ضروري صك الباب عادي شنو المشكله ؟
سياره قيمتها 35 الف معطيك ايها 5500 وتتامر وتبي
100% كل شي ؟
هذولا زباينا ماوراهم الا التعب

وشكرا صاحب الموضوع