السلام عليكم اخواني ، الصراحة بعد ما شفت مواضيعكم و مشاركاتكم و مقترحاتكم ، انفتحت قريحتي و جاني الهام الكتابة ، و هذا بفضل الله و فضل مشاركاتكم الي تشرح الصدر.
أحنا دايما بالكويت نتساءل ليش الأسعار عندنا بالكويت غالية و التجار قاعدين يربحون و الغني يزيد غنى و الفقير يزيد فقر ، و الناس مو لاقيه بيوت تسكن و الناس صار صعب عليها تشتري سيارات لأنها غالية و الديون كاسرة ظهورنا و الكويت كلها شابه نار بالأسعار و ما ندري شنو السبب مع انه السبب واضح و معروف للأنسان المتأمل للوضع و الي حاط موضوع الغلاء تحت المجهر.تبون تعرفون شنو سبب غلاء الأسعار و حالة التذمر الي احنا عايشين فيها ؟! الجواب سهل ، كل الي قاعد يصير من غلاء و ضحك التجار على ذقون الفقارة و المساكين سببه "احنا" نعم احنا ، انا الحين اقولكم ليش احنا ، مشكلتنا "احنا" يا الكويتين انه عشنا و لله الحمد بخير و نعمة و طبعا هذي بحد ذاتها مو مشكلة بس الي مو قادرين نستوعبه ان هالخير و النعمة مو دايمه لنا ، ممكن باي وقت تتغير الأحوال و ان الله على كل شيء قدير ، طبعا ، الحين بدت بوادر انقطاع هذي النعمة علينا ، قبل من السهل الواحد يشتري بيت او سيارة فخمه او او او لكن الحين الواحد يفكر الف مرة قبل ما يقط اي دينار ، و هذا التفكير الصح الي المفروض نسلكه من زمان ، لكن لكل زمان احكامه ، و لاحظوا لأن الناس قامت تفكر وين تقط فلوسها و مو اي شي بس بمجرد ان الواحد عجبته السلعة الفلانية او المنتج الفلاني يشتريه ، التاجر صار في حيرة من امره ، ما يدري يسوي عروض ، ما يدري يخفض الأسعار ، و كل هذا بسبب انقطاع الناس عن الشراء بس بمجرد الأعجاب ، في حكمة تقول " أنا اذا غلا علي شيء تركته" ، هذا يا جماعة مو بخل ، ترى هذي الحكمة واقعية ، انت ما راح تموت لا قدر الله اذا ما شريت شي بس بمجرد الأعجاب ولا ماركة ولا ملزوم انك تشتريه بسعر انت مو قادر عليه.
التاجر ما فيه شي يأثر على تجارته كثر المقاطعة ، طبعا اذا كان تاجر جشع و طماع و يبالغ بأسعاره ، خلاصة القول يا كويتيون اتحدوا و اثبتوا و لا تهتزوا او تضعفوا و قفوا وقفة الرجال البواسل و قاطعوا التاجر الجشع المرابي ، و سوف ترون نتيجة موقفكم حتى يجي اليوم الي تشوفون فيه الأسعار الي تبرد جبودكم و تكون في متناول الجميع و كونوا اذكياء لأن "المقاطعة سياسة الأذكياء" .*
أحنا دايما بالكويت نتساءل ليش الأسعار عندنا بالكويت غالية و التجار قاعدين يربحون و الغني يزيد غنى و الفقير يزيد فقر ، و الناس مو لاقيه بيوت تسكن و الناس صار صعب عليها تشتري سيارات لأنها غالية و الديون كاسرة ظهورنا و الكويت كلها شابه نار بالأسعار و ما ندري شنو السبب مع انه السبب واضح و معروف للأنسان المتأمل للوضع و الي حاط موضوع الغلاء تحت المجهر.تبون تعرفون شنو سبب غلاء الأسعار و حالة التذمر الي احنا عايشين فيها ؟! الجواب سهل ، كل الي قاعد يصير من غلاء و ضحك التجار على ذقون الفقارة و المساكين سببه "احنا" نعم احنا ، انا الحين اقولكم ليش احنا ، مشكلتنا "احنا" يا الكويتين انه عشنا و لله الحمد بخير و نعمة و طبعا هذي بحد ذاتها مو مشكلة بس الي مو قادرين نستوعبه ان هالخير و النعمة مو دايمه لنا ، ممكن باي وقت تتغير الأحوال و ان الله على كل شيء قدير ، طبعا ، الحين بدت بوادر انقطاع هذي النعمة علينا ، قبل من السهل الواحد يشتري بيت او سيارة فخمه او او او لكن الحين الواحد يفكر الف مرة قبل ما يقط اي دينار ، و هذا التفكير الصح الي المفروض نسلكه من زمان ، لكن لكل زمان احكامه ، و لاحظوا لأن الناس قامت تفكر وين تقط فلوسها و مو اي شي بس بمجرد ان الواحد عجبته السلعة الفلانية او المنتج الفلاني يشتريه ، التاجر صار في حيرة من امره ، ما يدري يسوي عروض ، ما يدري يخفض الأسعار ، و كل هذا بسبب انقطاع الناس عن الشراء بس بمجرد الأعجاب ، في حكمة تقول " أنا اذا غلا علي شيء تركته" ، هذا يا جماعة مو بخل ، ترى هذي الحكمة واقعية ، انت ما راح تموت لا قدر الله اذا ما شريت شي بس بمجرد الأعجاب ولا ماركة ولا ملزوم انك تشتريه بسعر انت مو قادر عليه.
التاجر ما فيه شي يأثر على تجارته كثر المقاطعة ، طبعا اذا كان تاجر جشع و طماع و يبالغ بأسعاره ، خلاصة القول يا كويتيون اتحدوا و اثبتوا و لا تهتزوا او تضعفوا و قفوا وقفة الرجال البواسل و قاطعوا التاجر الجشع المرابي ، و سوف ترون نتيجة موقفكم حتى يجي اليوم الي تشوفون فيه الأسعار الي تبرد جبودكم و تكون في متناول الجميع و كونوا اذكياء لأن "المقاطعة سياسة الأذكياء" .*
